Tuesday, September 30, 2008

ညီလေးသို့ပေးစာ(ရက် ၉၀-အဓိဋ္ဌာန် ၊ ငြင်းပယ်ခြင်းရဲ့အလှ) -၂

ညီလေးရေ…..


ကိုကြီးတို့ရဲ့ ရက်(၉၀)အဓိဋ္ဌာန် ငြင်းပယ်ခြင်းရဲ့အလှ မဟာဗျူဟာကို အကောင်အထည် ဖော်ဖို့ရာ နည်းဗျူဟာလေးတွေ ဥပမာ ပေးချင်ပါတယ်။ “ချက်”ဆို နားကွက်ကမီးတောက်ပြီးသား ညီလေးအတွက် အသေးစိတ်ဖွင့်ဆိုရှင်းပြဖို့မလိုတာ ကိုကြီးသိပါတယ်။

“စေတနာ ဟံ၊ ဘိက္ခဝေ ကမံ္မ ၀ဒါမိ - ရဟန်းတို့ စေတနာကိုပင် ကံ ဟု ငါဆိုသည်” ဆိုတဲ့ ဗုဒ္ဓရဲ့စကားကို လက်ကိုင်ထားပြီး “ငါသာလျှင် ငါ့ကံ၏အရှင်သခင် (ဆွဲဆောင်မှုနိယာမ) ”ကို မိတ်ဆက်နေသူ ပီပီ အတွေးနည်းဗျူဟာကပဲ စချင်ပါတယ်။


ငြင်းပယ်ရမယ့် အတွေးများ

ညီလေးရဲ့ပန်းတိုင်ကိုလှမ်းကိုင်စေနိုင်တာဟာ ညီလေးရဲ့ အတွေးတွေ ဖြစ်သလို ၊ ညီလေးရဲ့ ပန်းတိုင်က ဝေးကွာစေတာလည်း ညီလေးရဲ့အတွေးတွေပါပဲ။ အဲဒါကြောင့် တားမြစ် ထားသော...အတွေးများကို ဖယ်ရှားပြီး အပြုသဘောဆောင်တဲ့ ပေါကြွယ်ဝခြင်းဆိုင်ရာ အကောင်းမြင်အတွေးတွေကို အစားထိုးရမှာ ကိုကြီးတို့တာဝန်ပါ။ ညီလေးရဲ့ အဇ္ဈတ္တကပဲဖြစ်ဖြစ်၊ ပြင်ပလူတွေဆီကပဲဖြစ်ဖြစ် အနုတ်လက္ခဏာသဘောဆောင်တဲ့ အတွေးအမြင်၊ စကားအမျှင်ဆိုရင် လုံးလုံးသည်းမခံပါနဲ့။ မိုးတွေ ဝေါခနဲရွာတာနဲ့ အခန်းတခါးကို ဒိုင်းခနဲပိတ်ချလိုက်သလိုသာ အဲဒီအတွေးတွေကို ငြင်းပယ်ချလိုက်ပါ။

ငြင်းပယ်ရမယ့် ခြွင်းချက်များ

ကိုကြီးတို့ငယ်ငယ်က သင်ခဲ့ရတဲ့ ပျင်းရိခြင်းခြောက်ပါး ဆိုတာ ခြွင်းချက်များပါပဲ။ အဲဒီလိုခြွင်းချက်တွေဟာ အချိန်၊ စွမ်းအင်၊ ကုန်ထုတ်လုပ်မှု နဲ့ အကျိုးအမြတ်တွေကို ကုန်ခမ်းစေတတ်ပါတယ်။ အဲဒါကြောင့် ကိုယ့်ကိုယ်ကို မညှာမတာတမ်း အရိုးသားဆုံး စစ်ဆေးသုံးသပ်ပြီး ကိုယ် ဘယ်လို ပြုမူဆောင်ရွက်ချင်တယ်ဆိုတာ ခြွင်းချက်မရှိအောင် ပြဋ္ဌာန်းထားရပါမယ်။ လိုက်နာနိုင်ဖို့အတွက်ကတော့ ကျကျနန လေ့ကျင့်ထားတဲ့ ပုဂ္ဂိုလ်ရေးဆိုင်ရာ အပ္ပမာဒတရား မြင့်မားနေဖို့လိုပါတယ်။

ငြင်းပယ်ရမယ့်စကား

တစ်စုံတစ်ယောက်အတွက် တစ်စုံတစ်ရာ အကျိုးဖြစ်စေမယ့်စကား မဟုတ်ရင် မပြောဘဲ ငြင်းပယ်တတ်တဲ့ အလေ့အကျင့်ကို ပြုစုပျိုးထောင် မြေတောင်မြှောက်ပေးရမယ်။ လိုအပ်လို့ပြောတဲ့အခါမှာလည်း အဖြေကိုပဲ ပြောပါ။ ပြဿနာအပေါ်မှာ၊ အပြစ်ပုံချနေခြင်းအပေါ်မှာ အချိန်ဖြုန်းမနေမိဖို့ အလွန်အရေးကြီးပါတယ်။ အဲဒီလိုလေ့ကျင့်ခြင်းဖြင့် အချိန်ကုန်အများကြီးသက်သာသလို တကယ့်တကယ် အရေးပါတဲ့ အရေးအရာတွေမှာသုံးရမယ့် စိတ်အင်အားကိုလည်း မလိုအပ်တဲ့နေရာမှာ မဖြုန်းတီးရာ ရောက်ပါတယ်။

ဒီလောက်ဆိုရင် ကျန်တဲ့ နည်းဗျူဟာတွေကို ညီလေးကိုယ်တိုင်ဆက်လက်ရေးဆွဲတတ်ပြီဆိုတာ ကိုကြီး အပြည့်အဝ ယုံကြည်ပါတယ်။ ကိုကြီးတို့ရဲ့ ရက်(၉၀)အဓိဋ္ဌာန်ကို လာမယ့် အောက်တိုဘာ (၃)ရက်၊ သောကြာနေ့မှာ စကြရအောင်။


4 comments:

မသက်ဇင် said...

(ရက် ၉၀-အဓိဋ္ဌာန် ၊ ငြင်းပယ်ခြင်းရဲ့အလှ) -၂
ကိုရေးတာ မာရေးသျှင်လား
E-journail အဖွဲ့သားတွေ ဆိုတော့လည်း
အမည်တပ်မှားခဲ့ရင် ဂျာနယ်အတွက်ပဲ ကွန်မန်းပေးတယ်လို့ သဘောထားပါနော်----

ညီလေးရဲ့ပန်းတိုင်ကိုလှမ်းကိုင်စေနိုင်တာဟာ ညီလေးရဲ့ အတွေးတွေ ဖြစ်သလို ၊ ညီလေးရဲ့ ပန်းတိုင်က ဝေးကွာစေတာလည်း ညီလေးရဲ့အတွေးတွေပါပဲ။

မှန်တာပေါ့နော်--------

အဲဒါကြောင့် တားမြစ် ထား သော...အ တွေး များကို ဖယ်ရှားပြီး အပြုသဘောဆောင်တဲ့ ပေါကြွယ်ဝခြင်းဆိုင်ရာ အ ကောင်းမြင် အ တွေး တွေကို အစားထိုးရမှာ ကိုကြီး တို့ တာ ဝန်ပါ။

ဒီအပုဒ်ကိုနားမလည်ဘူးဖြစ်သွားတယ်---
တားမြစ်ထားသောရဲ့ အတွေးများ စာစုကို
လိုက်ရှာကြည့်သေးတယ်---
ခင်မင်လျက်
မသက်ဇင်

RePublic said...

လာရောက် ဖတ်ရှူမှတ်သားပါတယ် (ကို) မာရေးသျှင် ၊၊
ကောင်းပါတယ်ဗျာ ၊၊

Anonymous said...

အစ်မသက်ဇင် ခင်များ
ကျနော်တို့ဂျာနယ်လေး ပြန်လည်စည်ကားလာတာ အစ်မရဲ့ကျေးဇူးတရားပါ။
ကျနော်တို့မှာ ကလောင်စွဲ လုံးဝ မရှိပါဘူး အစ်မရယ်။
အားလုံးစုပေါင်းထားခြင်းသည်သာ E-Journal ပါ။
ကျနော်တို့ တစ်ဦးတစ်ယောက်ချင်းစီ ရေးသမျှဟာ E-Journal ကို ကုယ်စားပြုသလို
အစ်မတို့ပေးတဲ့ စာမူခကိုလည်း ကျနော်တို့အားလုံး ဝေမျှကြတာပါ။
တားမြစ်ထားသော အတွေးများက ဆရာသုခမိန်(တားမြစ်ထားသော) ရေးတဲ့ အတွေးများကို ဆိုလိုခြင်း မဟုတ်ပါ။ တားမြစ်ပိတ်ပင်ကန့်သတ်ချုပ်ချယ်နေသော အတွေးများကိုသာ ဆိုလိုခြင်းဖြစ်ပါတယ်။ ဆရာသုခမိန်ကို အခမဲ့ ကြော်ငြာဝင်ပေးခြင်းသာဖြစ်ပါတယ်။ 
ဆရာ ရီပတ်ဗလစ် ခင်များ
ဆရာ့စာများကိုသာ ကျနော်မှာ တခုတ်တရ အလေးထားဖတ်နေရတာပါ။

တားမြစ် ထားသော... said...

ရက်၉၀ကတော့ အစွမ်းတစ်မျိုးပါပဲ။

အခမဲ့ကြော်ငြာအတွက် ကျေးဇူးဗျ။း)

သုခမိန်(E-Journal)