သိစေချင်လို့ ညီငယ်သို့

သို့ 

ချစ်တဲ့ ညီငယ်

စိတ်ချမ်းသာလို့ ကျန်းမာပါစ။ ဒီစာကို ညီမ၊ အမေ၊ အဖေတို့ကိုလည်း ပေးဖတ်စေချင်တယ်။ ညီငယ်သဘော
ပါပဲ။ အစ်ကိုတို့ရွာ၊ အစ်တို့မိသားစုတွေမှာ အဆင်ခြင်မဲ့ကိုးကွယ်ယုံကြည်တာတွေရှိလာလို့၊ သတိထားစေချင်လို့ ဒီအကြောင်းတွေကို သိစေချင်တာကြောင့် ဒီစာကို ဒီလို ရေးပို့လိုက်တယ်ဆိုပါတော့။

ညီငယ်၊ အစ်ကိုမမွေးခင်က အစ်ကိုတို့ရွာမှာ တရုတ်နတ်ကိုးကွယ်တဲ့ဓလေ့မရှိခဲ့ဘူးကွယ့်။ အစ်ကိုမွေးပြီးတဲ့နောက်ပိုင်းမှ ရှိလာခဲ့တာ။ အခုဆို ညီငယ်ရဲ့ နောက်မွေးလာကြတဲ့ ခလေးတွေဟာ တရုတ်နတ်ဆိုတာ လိုတရဘုရားလိုလို၊ စီးပွားရေးတိုးတက်အောင်လုပ်ပေးနေတဲ့ နတ်ဘုရားကြီးတစ်ပါးလိုလို ကိုးကွယ်ယုံကြည်လာကြတာမြင်တော့ စိတ်မကောင်းဖြစ်မိတယ်။

တရုတ်နတ်ကိုးကွယ်တဲ့ဓလေ့ဟာ အစ်ကိုတို့ရွာမှာဒီလိုစခဲ့တယ် ညီငယ်။ အစ်ကိုငယ်ငယ်ကပေါ့။ အစ်ကို
တို့ရွာမှာ ဝက်တွေမွေးကြတယ်။ လသားကျော်ကျော် ဝက်ငယ်ငယ်လေးတွေဝယ်ပြီး ကြီးလာအောင်ပြုစု၊ကျွေး
မွေး၊ ကြီးလာရင် မြို့ တက်ရောင်းတာပေါ့။ ရွာထဲမှာဆို တစ်အိမ်ထောင်မှာ ဝက်နှစ်ကောင်စီ မွေးထားကြတယ်။
ထမင်းကျန်ဟင်းကျန်နဲ့ ကျွေးမွေးရတာဆိုတော့ စရိတ်လည်းသက်သာ၊ အချိန်တန် ပိုက်ဆံလည်းရဆိုတော့
အိမ်တိုင်းအိမ်တိုင်း ဝက်မွေးကြတာပေါ့လေ။

ဒါနဲ့ပဲ အစ်ကိုတို့အဖေအမေက အပိုဝင်ငွေရအောင်ဆိုပြီး ဝက်ငယ်နှစ်ကောင်ရှာဝယ်ပြီး ကျွေးမွေးကြတာ
ပေါ့။ ညီငယ်သိတဲ့ အတိုင်းပဲ မဟုတ်လား။ အစ်ကိုတို့ရွာငယ်လေးတွေဆိုတာက အပြိုင်အဆိုင်လုပ်တတ်ကြ
တာလေ။ ဒါမှလည်း ခေတ်မီတယ်ထင်တာကိုး။ ဒါပေမယ့် အစ်ကိုတို့အိမ်က ဝက်ငယ်လေးတွေဟာ သူများအိမ်
ကဝက်တွေလို မကြီးဘူး၊ မထွားဘူးလေ။ သူများအိမ်က ဝက်တွေက ကြီးထွားပြီး ရောင်းလို့ ကောင်းနေတဲ့အ
ချိန် အစ်ကိုတို့အိမ်မှာ မွေးထားတဲ့ ဝက်လေး နှစ်ကောင်ကတော့ သေးသေးကျစ်ကျစ်လေးပဲ ရှိနေသေးတာ
ကိုး။

အဲဒီလိုနဲ့ အဖေ၊ အမေတို့က ဝက်ငယ်လေးတွေကြီးထွားအောင် ဘယ်လိုလုပ်ရမလဲဆိုတာ ဟိုမေးဒီမေး ဆို
ပါတော့။ ဖြေတဲ့သူတွေကလည်း အဖြေတွေအမျိုးမျိုး ဖြေကြတာပေါ့။ အဖေအမေတို့ကလည်း အဖြေအမျိုး
မျိုးအတိုင်း လိုက်လုပ်ကြတာပေါ့။ သူများတွေပြောတိုင်း လိုက်လုပ်ကြတာပါပဲ။ သူများတွေအကြံပေးတဲ့အတိုင်း လိုက်လုပ်ကြတာပေါ့။ ဒါပေမယ့်လည်း သူများဝက်တွေလောက် မကြီးထွားဘူးဆိုပါတော့။ ဒုံရင်းဒုံရင်း
ပါပဲ။ သေးသေးကျစ်ကျစ် ဝက်ငယ်လေးနှစ်ကောင်ကို ရောင်းပြီး မျိုးကောင်းမျိုးသန့်ဆိုတဲ့ ဝက်ဝယ်ပြီးမွေးလည်း
မကြီးဘူး။ မထွားဘူးဖြစ်နေတော့တာပါပဲ။ အဲဒါနဲ့ အကြံပေးသူတွေက အစ်ကိုတို့အိမ်က ဝက်မွေးတာ လက်မ
လိုက်ဘူးဆိုပဲ။ ဘာဖြစ်လို့ လဲဆိုတော့ အစ်ကိုတို့အိမ်မှာတရုတ်နတ်ကို မကိုးတာကြောင့်တဲ့လေ။ အေးပေါ့
အမေ၊ အဖေတို့ကိုလည်း အပြစ်ပြောလို့မရပါဘူး ။ လိုချင်တာပဲ သိတာကိုး။ ပြီးတော့ ဆန့်ထွက်တဲ့အမြင်
ကလည်း အစ်ကိုတို့ရွာလေးမြင်ကွင်းပဲ ရှိတာဆိုတော့။ တရုတ်နတ်ကိုးရင် ဝက်ကြီးမယ်။ ပိုက်ဆံပိုရမယ်ဆိုတာ
ပဲ တွေးလိုက်တာပေါ့လေ။

ညီငယ်၊ အဖေအမေတို့ကလည်း အဟုတ်မှတ်လိုက်လုပ်ကြတာပေါ့။ အစ်ကိုတို့အိမ်မှာ တရုတ်နတ်ကိုးဖို့ နတ်ပွဲထိုးတာပါပဲ။ ညီငယ်သိတဲ့အတိုင်း တရုတ်နတ်ကိုးတယ် ဆိုရင်ပဲ ခေါက်ဆွဲကြော်၊ ဝက်သား၊ အရက်၊ တရုတ်တွေသုံးတဲ့ အဖြူအဝါစက္ကူတွေ၊ အနံ့ပြင်းပြင်း အမွေးတိုင်၊ ဖရောင်းတိုင်တွေက ပါလာရော။ ဒီလိုနဲ့ တရုတ်တွေ စီးပွားဖြစ်တာပါပဲ။

တရုတ်နတ်ကိုးရင် သတ်မှတ်ထားတဲ့ စည်းကမ်းချက်တွေကို အတိအကျလိုက်နာရတယ်တဲ့။ ဒီလို မဟုတ်ရင် တရုတ်နတ်ကြီးက ဖမ်းစားတတ်တယ်တဲ့။ ကိုးတဲ့သူတွေက ကြောက်ကြတာပေါ့။ တရုတ်နတ်ကိုးမယ်လို့  ဆုံးဖြတ်လိုက်ရင် အိမ်မှာ ထမင်းဟင်း ဦးဦးဖျားဖျား ဘယ်သူမှမစားရတော့ဘူးတဲ့ ။ တရုတ်နတ်မကိုးမပြီးချင်းပေါ့လေ။ အဖေတို့ အမေတို့မှာလည်း ဟိုပစ္စည်းရှာရ၊ ဒီပစ္စည်းရှာရနဲ့ ပူပန်လို့ပေါ့။ တရုတ်နတ်ကိုးပြီးရင်လည်း အိမ်သားတွေက စားမှရတယ်ဆိုပဲ။ အိမ်သားတွေအတွက် စားဖို့က ပြဿနာမဟုတ်ပေမယ့် အရက်သာက်ဖို့အတွက်က ပြဿနာဖြစ်လာရော။ အဲဒီအချိန်တုန်းက အစ်ကိုပဲ သောက်ခဲ့ရတာပေါ့။ ဒီလိုနဲ့ အစ်ကိုလည်း အရက်သောက်တတ်သွားတယ် ဆိုပါတော့။ အရက်ချက်တဲ့ တရုတ်တွေအတွက်ကတော့ စီးပွားဖြစ်တာပေါ့လေ။ တရုတ်နတ်ကို နှစ်လတစ်ခါ ကိုးရတယ်တဲ့။ ဒီလိုနဲ့ အစ်ကိုဆို အရက်နဲ့လည်းရင်းနှီးလာတာပေါ့လေ။

ညီငယ်၊ မသိဘဲနဲ့ ကိုးကွယ်မယ်ဆိုရင်၊လုပ်မယ်ဆိုရင် ဘာမှမကောင်းပါဘူး။ ကြောက်ရတယ်။ ပူပန်ရတယ်။ စိုးရိမ်ရတတ်တယ်လေ။ ပြီးတော့ ကြောက်လို့ ကိုးကွယ်မိရင်တော့ ဆန့်ထွက်နိုင်တဲ့ အသိတွေ၊ လုပ်နိုင်တဲ့အားတွေဟာ ပိတ်ကုန်တော့တာပါပဲ။ ကြောက်လို့ ကိုးကွယ်ရင်း၊ ပသရင်းနဲ့ ကိုးကွယ်
ခံသူတွေရဲ့ ခြေနင်းဖြစ်လာကြတာပါပဲ။ ဒါကြောင့် ညီငယ်၊ ကြောက်လို့ ကိုးကွယ်တဲ့ သူမဖြစ်စေနဲ့။ သိလို့ ကိုး
ကွယ်တဲ့သူတစ်ယောက်ဖြစ်ပါစေ။

ဒီလိုနဲ့ပေါ့ ညီငယ်၊ အစ်ကို ငယ်ငယ်တုန်းက အရမ်းပျော်ခဲ့တာပေါ့။ နှစ်လတစ်ခါ ဝက်သားစားရတယ်။
ခေါက်ဆွဲစားရတယ်။ အရက်လည်းသောက်ရတယ်ဆိုတော့။ အစ်ကိုတို့တစ်အိမ်တည်း မဟုတ်ပါဘူး။ သူများအိမ်တွေမှာလည်း သွားပြီးစား၊ သောက်တာပေါ့။ သူများအိမ်တွေကလည်း တရုတ်နတ်လိုက်ကိုးလာကြတာကိုး။ အစ်ကိုပြောခဲ့တယ်မဟုတ်လား။ အပြိုင်အဆိုင်လုပ်တာမှ ခေတ်မီတယ်လို့လေ။ ဒီလိုနဲ့ သူများအိမ်တွေက ဝက်တွေကတော့ လက်လိုက်တယ်လို့ ပြောလို့ရတာပေါ့။ ကြီးမှကြီး လှမှလှ၊ ဈေးကောင်းရ။ အစ်ကိုတို့အိမ်မှာကတော့ သိပ်လည်းမကြီး သိပ်လည်းမလှဘူးဆိုပါတော့။ အဲဒါနဲ့အဖေ၊ အမေတို့က ဝက်မမွေးတော့ဘူးလို့ 
ဆုံးဖြတ်လိုက်ပြီး ဝက်မမွေးကြတော့ဘူးလေ။ အစ်ကိုတို့အိမ်မှာ ဝက်မမွေးတော့ဘူးဆိုတော့ တရုတ်နတ်ကိုးဖို့ လည်းမလိုတော့ဘူးပေါ့။ အစ်ကိုတို့အိမ်မှာ တရုတ်နတ်မကိုးတော့တဲ့အချိန်မှာ အစ်ကိုက အရက်သောက်တတ်နေပြီ။ အစ်ကို့သူငယ်ချင်းတွေ အကုန်လုံးကလည်း သောက်ကုန်ကြပြီလေ။

တရုတ်နတ်မကိုးတော့တဲ့နာက်ပိုင်း ညီငယ် နေမကောင်းစဖြစ်တော့တာပါပဲ။ ညနေဘက်ဆို ကိုယ်တွေပူ၊ ချမ်းတယ်ချမ်းတယ်နဲ့ အော်ပြီးငိုတာပါပဲ။ အဖေ၊အမေတို့က ညီငယ်အတွက် စိုးရိမ်ပြီး တောဆရာဝန်တွေနဲ့ပြ၊ ကြားဖူးတဲ့ ဆေးမြီးတိုတွေနဲ့ကု၊ ပယောဂဆရာတွေနဲ့ ကုတာပေါ့။ ဒါပေမယ့် ညီငယ်ရောဂါက မနက်၊နေ့လည်ဆို လူကောင်းကြီးဖြစ်ပြီး ညနေဘက်ဆို ကိုယ်တွေပူ၊ ချမ်းတယ်ချမ်းတယ်နဲ့  အော်ငို နေခဲ့တာပါပဲ။ ညီငယ်ဒီလိုဖြစ်နေခဲ့တာ နှစ်လကျော်ကျော်ကြာခဲ့တယ်။ အဖေအမေတို့က ညီငယ်အတွက်စိုးရိမ်ပူပန်တာပေါ့။ ကုတဲ့ဆရာတွေကလည်း လက်လန်ကုန်ပြီလေ။ ဒါနဲ့ ရွာထဲက ဝက်မွေးတဲ့သူတွေက မေးတာပေါ့။ တရုတ်နတ်မကိုးတော့ဘူးလားတဲ့။ သူတို့က ညီငယ်နေမကောင်းဖြစ်တာ တရုတ်နတ်ကြီးက စိတ်ဆိုးပြီးဖမ်းစားတယ်ဆိုပဲ။ အဖေ၊အမေတို့ကလည်း သားဇောနဲ့ 
မှန်လားမှားလားသိအောင် မတွေးပါဘူး။ညီငယ်နေကောင်းရင်ရပြီမဟုတ်လား။ အဲဒါနဲ့ နှစ်လကျော်ကျော် မကိုး
ပဲပစ်ထားတဲ့ တရုတ်နတ်ကိုပြန်ကိုးတာပေါ့လေ။

ညီငယ်၊ တိုက်တိုက်ဆိုင်ဆိုင်ပါပဲ တရုတ်နတ်ပြန်ကိုးလို့ တစ်ပတ်ကျော်ကျော်လောက်ကြာရော ညီငယ် မှာညနေဘက် နေမကောင်းဖြစ်ဖြစ်နေတာတွေ ပျောက်သွားတယ်ဆိုပါတော့။ အဲဒီအချိန်တုန်းက တရုတ်နတ်ကြီးက အစ်ကိုတို့ရွာထဲမှာ တန်ခိုးကြီးလိုက်တာလွန်ရော။ ညီငယ်ကလည်း တရုတ်နတ်ကြီးလို သတင်းကြီးလိုက်တာ လွန်ရော။ ညီငယ်သိတဲ့အတိုင်း ရွာသူရွာသားတွေက ချဲ့ကားပြောဆိုကြတာပေါ့။ အဖေ၊ အမေတို့လည်း ပါဝင်တာပေါ့။ ကိုးကွယ်တဲ့ ဦးထိပ်ထား ဘာသာတောင် တရုတ်နတ်ကို အရင် ဦးစားပေးပြီးမှ ကိုးကွယ်ပသရသလိုတောင်ဖြစ်လာတာပေါ့။ အပြစ်မပြောလိုပါဘူး ညီငယ်။ အသိဥာဏ် တိမ်လို ဖြစ်လာရတာပါပဲ။ လက်ခံရမှာပေါ့လေ။ အဲဒီကတည်းကနေ တရုတ်နတ်ကိုးလာတာ အခုဆို ညီငယ်တစ်သက်ဖြစ်နေပြီလေ။ အခုဆို အစ်ကိုတို့ ရွာမှာ အိမ်တိုင်းလိုလို တရုတ်နတ်ကို ဦးစားပေး ကိုးနေရတာမြင်တော့ အစ်ကိုစိတ်မကောင်းဖြစ်မိတယ် ညီငယ်။ အခုဆို အစ်ကိုတို့ရွာလေးမှာ အကုန်လုံးနီးပါး အရက်သောက်တတ်သူတွေချည်းပါပဲ။ အရက်သောက်တတ်မှ ခေတ်မီတယ်တဲ့။

တစ်ခုခုဖြစ်ရင် တရုတ်နတ်ကြီးကို အားကိုးနေရပြီ။ တရုတ်နတ်မျိုးရိုးတွေဟာ သခင်တွေဖြစ်နေကြပြီလေ။ ဂေါတမဘုရားရဲ့ အဆုံးအမတွေကို လိုက်နာတာ တိမ်လာပါပြီ။ ကံကံ၏အကျိုးကိုယုံဖို့၊ အကြောင်းအကျိုးဆင်ခြင်ပြီးယုံဖို့၊ ၊ဘယ်သူမပြု မိမိမှုဆိုတာကိုသိဖို့ ဆိုတာတွေပေါ့။ အဆုံးအမတွေ၊ လမ်းညွှန်ချက်တွေ၊ လုပ်ဖို့ပြောခဲ့တာတွေ ရှိရက်သားနဲ့ တရုတ်နတ်ကို ဘုန်းကြီးကျောင်းဝင်းအတွင်း ဆောက်ခွင့်ပေးလိုက်တာ၊ အစ်ကိုတို့ရွာသားတွေရဲ့စိတ်တွေ နှုံးအနယ်တွေတင်လာတာကိုမြင်ရတော့ စိတ်မကောင်း ပိုဖြစ်မိတာပေါ့ ညီငယ်။

ညီငယ်၊ ဒီနေရာအထိ အစ်ကို့စာကိုဖတ်ပြီး ညီငယ်ခေါင်းထဲ မေးစရာတွေ၊ တွေးစရာတွေ၊ တွေဝေတာတွေ၊ အကြံတွေ၊ ဥာဏ်တွေ၊ အမြင်တွေ ထွက်လာတယ်ဆိုရင် အစ်ကိုဒီစာရေးပို့ရတာ ကျေနပ်ပါတယ်လေ။ ညီငယ်၊ အစ်ကိုပြောတာ နားထောင်ပေးပါဦး။ အစ်ကိုငယ်ငယ်က တရုတ်နတ်တို့၊ ဝက်မွေးတာတို့၊ ဘာတို့ညာတို့ရဲ့ ရည်
ရွယ်ချက်တွေကို အစ်ကို မသိခဲ့ပါဘူး။ သိအောင်လည်း မတွေးတတ်ခဲ့ဘူး။ တွေးဖို့လည်း မသိခဲ့ပါဘူး။ သိဖို့
လည်း လိုမယ်မထင်ခဲ့ဘူးလေ။ ညီငယ်၊ အစ်ကိုက ဘာကြောင့် အခုလို စာအရှည်ကြီးရေးပြောနေရလဲဆိုတော့ အခုဆို ညီငယ်ဟာ အရွယ်ရောက်လာပြီ။ ညီငယ်တို့ရပ်ရွာအတွက် တိုးတက်အောင်၊ ကြီးပွားအောင်၊ မှန်ကန်သောအမြင်တွေ ချပြတတ်အောင် ထုဆစ်ပုံဖော်မယ့် လူတစ်ယောက်ဖြစ်နေလို့ပဲ ညီငယ်။

အခုဆို အစ်ကိုတို့ရွာလေးမှာ တရုတ်နတ်ကြီး အစွဲခိုင်လာပြီ။ မျိုးဆက်ဘယ်နှစ်ဆက်ရှိသေးလို့လဲ။ နောက်ဆို ညီငယ်မျိုးဆက်တွေ လက်ထက်ရောက်ရင် တရုတ်နတ်ဆိုတာ ညီငယ်တို့ရွာရဲ့ စီးပွားရေး၊ ကြီးပွားတိုးတက်ရေးကို ဖန်ဆင်းပေးတဲ့ တန်ခိုးကြီးနတ်ဘုရားလို့ လက်ခံလာတော့မယ်။ လက်ခံလာတယ်ဆိုရင်ပဲ ယုံကြည်လာတော့မယ်။ ယုံကြည်လာတယ်ဆိုရင်ပဲ ကိုးကွယ်လာတော့မယ်။ ကိုးကွယ်လာတယ်ဆိုရင်ပဲ သူက သေဆိုသေ ရှင်ဆိုရှင်ဖြစ်လာကြတော့မယ်လေ။

ညီငယ် လူဆိုတာက ကိုးကွယ်အားထားရာကို မက်မောရှာဖွေကြတယ်။ ဘာဖြစ်လို့လဲဆိုတော့ အားငယ်လို့၊ ကြောက်လို့၊ ခွန်အားတွေ၊ စိတ်အားတွေရအောင်လို့ပေါ့။ ဒါပေမယ့် အဓိက ပဓါနအကျဆုံးက လူသားတစ်ယောက်ဖြစ်တဲ့ ညီလေးကိုယ်တိုင်ပါပဲ မဟုတ်လား။ ကိုးကွယ်ရမယ်၊ မကိုးကွယ်ရဘူးဆိုတာက ညီလေးရဲ့နှလုံးအိမ်ထဲက ဆင်ခြင်ဥာဏ်ပဲမဟုတ်လား။

ညီငယ်၊ အကြောင်းအကျိုးဆက်စပ်မှုတွေကြောင့် တိုက်ဆိုင်မှုတွေဖြစ်လာတတ်တယ်။ ဒီလိုအကြောင်းအကျိုး
တွေကြောင့် ဒီလို ဖြစ်လာတာလို့မသိရင်၊ မတွေးခဲ့ရင် အစ်ကိုတို့ရွာထဲက အရပ်ထဲကပြောနေတဲ့၊ ကိုးကွယ်
နေကြတဲ့ တရုတ်နတ်ဆိုတာ အထင်ကြီးစရာ၊ ယုံကြည်စရာတွေဖြစ်လာခဲ့တာပေါ့။

ညီငယ်၊ အမြင်တွေပွင့်လင်းပါစေ

အဝေးက
ချစ်တဲ့ ကိုကို


မင်းရဲရှင်

ဆက်ဖတ်မယ်ဆိုရင် ...

ပြန်ခေါက်ထားခဲ့မယ်။

မရိုက်ပါနဲ့ ....

ရုတ်တရက် စူးစူးဝါးဝါးအော်ငိုလိုက်သည့် ကလေးတစ်ယောက်၏ ငိုသံကြောင့် ကျွန်နော်
လက်ရှိပတ်ဝန်းကျင်ထဲ ပြန်လည်ရောက်ရှိခဲ့လေသည်။ ကလေးငိုသံ ။ မကြားရတာတောင်
အတော်ကြာခဲ့ပြီ။ ဘာကြောင့်ပါလိမ့်။ အသံထွက်ပေါ်လာရာ စူးစမ်းလိုက်တော့ သြော်...
ကျွန်နော့် နဘေးမှာ ထိုင်နေကြသည့် မိသားစုဆီကကိုး။ အဖေဖြစ်သူက နှစ်နှစ်သားအရွယ်
ကလေးတစ်ယောက်ကို လက်နှင့်တင်ပါးကိုရိုက်နေ၏။ ကလေးသည် ငိုလျက်မိခင်ရင်ခွင်ထဲ
ထဲသို့ တိုးဝင်ခိုလှုံရန်ကြိုးစားနေ၏။ ငိုလျက်ပေါ့ ။

ဆူညံနေသည့်ပတ်ဝန်းကျင်သည် ငြိမ်သက်သွားသည်ဟုထင်ရ၏။ ပတ်ဝန်းကျင်ရှိလူများ
၏ မျက်လုံးပေါင်းများစွာသည် ထိုမိသားစုအပေါ်သို့ ကျရောက်ကုန်၏။ ထိုအချိန်လေးသည်
သီးခြားကမ္ဘာတစ်ခုလိုတိတ်ဆိတ်သွား၏။ လူများသည် ထိုအဖြစ်အပျက်အပေါ်အခြေခံ၍ အ
မျိုးမျိုးတွေးကြလိမ့်မည် ထင်သည်။
မိဘများကလေးတွေကို ရိုက်ပြီးဆုံးမခြင်းရှိသည်အပေါ် ကျွန်နော်မနှစ်မြို့ ပေ။ တချို့ မိဘ
များသည် ကလေးတွေကို မရိုက်တတ်။ တချို့ သည် ရိုက်ပြီးဆုံးမတတ်၏။ ကျွန်နော်ငယ်ငယ်
က အဖေရိုက်ပြီး ဆုံးမတာ၊ အမေရိုက်ပြီး ဆုံးမတာ အကြိမ်အတော်များများခံခဲ့ရ၏။ ဒါကြောင့်
လားမသိ ကလေးတွေအပေါ်ရိုက်ပြီး ဆုံးမနေသည်ကိုမြင်လျင် ကျွန်နော် အရမ်းဝမ်းနည်းမိ၏။
နာကျင်မိ၏။ သနား၏။
ရိုက်ပြီးဆုံးမခြင်းဆိုတာကလည်း “ ချစ်လို့ ” ဟုအဖြေပေးကြလိမ့်မည်။ သားသမီးတွေအပေါ်
ချစ်ခြင်းဆိုသည် မိဘတိုင်းတူညီကြ၏။ ဒီလိုချစ်ခြင်း တူညီကြပါရဲ့နှင့် ဘာကြောင့်များ ဆိုဆုံးမ
နည်းလမ်းများ မတူညီကြပါနည်း။ နှစ်နှစ်အရွယ်ကလေးတစ်ယောက်အပေါ် အပြစ်ပုံချကြမှာ
လား။ ဘယ်မိဘကများ ကိုယ့်သားကိုယ့်သမီးတွေကို ရိုက်ပြီးဆုံးမချင်မည်နည်းဟု ဖြေကြလိမ့်
မည်ထင်သည်။
တချို့ မိဘများသည် ညင်ညင်သာသာ ဆုံးမတတ်၏။ တချို့ မိဘများသည် ခပ်ကြမ်းကြမ်း
လေး ဆုံးမတတ်၏။ ကလေးတစ်ယောက်ကိုနားလည်အောင် သူ့ အကြိုက်ဆောင်ပြီး ညင်ညင်
သာသာ စိတ်ရှည်စွာ ရှင်းပြသွန်သင်မည်ဆိုရင် ဒီကလေး မလိုက်နာပဲနေမည်မဟုတ်။ ဒီလိုမ
ဟုတ်ဘဲ ခပ်ကြမ်းကြမ်းရိုက်ပြီးဆုံးမခြင်း၊ တားဆီးခြင်းဆိုတာကတော့ကလေးငယ်တစ်ယောက်
၏ ဖြူစင်သည့်နှလုံးသားကို အကြောက်တရားဖြစ်အောင်အရောင်ဆိုးပြီး နိုမ့်ကွပ် ဆုံးမခြင်း
မဟုတ်ပါလော။ ပြီးတော့ ဒီလိုဆုံးမခြင်းသည် “ ချစ်လို့ ” ဟုပြောသော်လည်း အရင်ဦးဆုံးအတ္တ
ဆိုသည့် စိတ်က အရင်ဖြစ်သွားတတ်၏။ ”ဥပမာ ကလေးတစ်ယောက်ပြောစကားနားမထောင်
ခဲ့ရင် ချက်ခြင်းစိတ်တိုသွားသလိုမျိုး။ ” စိတ်တိုသည့် စိတ်နှင့် ကလေးကိုရိုက်ခြင်းတည်း။ အမှန်
ပြောရရင် ချစ်လို့ ရိုက်တာမဟုတ်။ စိတ်တိုလို့ ရိုက်တာဟု မြင်မိသည်။ ရိုက်ပြီးမှ ၊ရိုက်ရင်းမှ
ကလေးမျက်နှာကြည့်ပြီး ကလေးကိုချစ်သည့်စိတ်၊ သနားသည့်စိတ်၊ ဝမ်းနည်းမိသည့်စိတ်၊
နောင်တစိတ်က ပေါ်လာတတ်သည်။ သို့ သော် ကလေးကိုတော့ ရိုက်ခဲ့ ပြီးပြီးမဟုတ်ပါလား။
ကလေးငယ်တစ်ယောက်၏ နှလုံးသားသည် အရာရာကိုသိချင်၏။ တတ်ချင်၏။ လေ့လာ၏။
စူးစမ်း၏။ အတုခိုး၏။ ဖန်တီးတတ်၏။ ပြီးတော့ သူလုပ်နိုင်သည်ဟု ချပြတတ်၏။ ပြီးတော့ အား
ပေးမှုကို မျှော်လင့်တတ်၏။ ကျန်သည့်အရာတွေကိုတော့ သေသေချာချာမသိ၊ မတွေးတတ်။
မိဘဟူသည် ကိုယ့်သားကိုယ့်သမီးကို ကောင်းတာ၊ တော်တာပဲ သိချင်၏။ မြင်ချင်၏။ တွေ့ 
ချင်၏။ ဖြစ်ချင်၏။ သို့ သော် သားသမီးတွေကို ဖြစ်စေချင်သည့် ပုံစံဖြစ်လာအောင် သွန်သင်
ပြုစုနိုင်သည့် နည်းလမ်းများကိုတော့ သိထားသင့်ပေသည်မဟုတ်လား။ တချို့ သိသည်။ တချို့ 
မသိ။ သိသူသည် နားလည်၏။ မသိသူကတော့ စိတ်မရှည်တတ်။ ထို့ ကြောင့်လေ့လာသင့်သည်
မဟုတ်ပါလား။
ကလေးတစ်ယောက်ကို ပြုစုပျိုးထောင်သည်ဆိုရာ၌ လွယ်သည့်ကိစ္စမဟုတ်ပေ။ အတ္တကိုအရင်
ခွာရ၏။ စိတ်ရှည်ရ၏။ သီးခံရ၏။ ဇွဲကြီးရ၏။ ဆင်ခြင်ရ၏။ ထိုအရာများသည် မိဘမေတ္တာဟူသော
စကားလုံးဖြင့်ထည်ဝါစွာဂုဏ်ယူနိုင်၏။ တန်ဖိုးကြီးလှ၏။ နှိုင်းတုလို့ မရပေ။ ထိုဂုဏ်များသည် မိဘ
ဖြစ်သူများအတွက် ဖြည့်ဆည်းရမည့်၊ ဖြည့်ဆည်းနေသည့်ပါရမီတရားများ မဟုတ်ပါလော့။ ဖြည့်
ဆည်းနိုင်ကြပါစေ။
ရိုက်ပြီးဆုံးမခံခဲ့ရသည့်ကလေးတစ်ယောက်၏ နှလုံးသားနှင့် မရိုက်ဘဲ ဆုံးမခံခဲ့ရသည့်ကလေး
တစ်ယောက်၏ နှလုံးသားမှာ တူညီနိုင်မည်မဟုတ်ပေ။ ရိုက်ပြီးဆုံးမခြင်းသည် မိဘမေတ္တာကို
ဖော်ပြ၏။ သို့ သော် အဖြူရောင်နှလုံးသားတစ်ခုကို ကြောက်လန့် သွားအောင်ရှင်းမပြဘဲ နိုမ့်
ကွပ်အနိုင်ကျင့်ခြင်းပေတည်း။ ညင်ညင်သာသာပြောဆိုဆုံးမခြင်းသည် မိဘမေတ္တာကိုဖော်ပြ၏။
သို့ သော် အဖြူရောင်နှလုံးသားတစ်ခုကို ပိုပြီးဖြူစင်သွားစေတတ်၏။ ပိုပြီးနူးညံ့သွားစေတတ်
သည်မဟုတ်ပါလား။ ပကတိ ဖြူစင်နေသည့် နှလုံးသားများကို လိုချင်သော အရောင်များဆိုးနိုင်
ကြပါစေ။
လူများလှုပ်လှုပ်ရွရွဖြစ်လာကြသည်။ ရထားသည်ရပ်သွား၏။ ကျွန်နော့် နဘေးမှမိသားစု
လည်းမရှိတော့။ ကျွန်နော့်စိတ်သည် ဒုတိယမိ လက်ရှိပတ်ဝန်းကျင်ထဲ ပြန်လည်ရောက်ရှိ
လာသည်။ “ သြော်........ငါသွားမည့်ခရီးလည်း တစ်ဝက်ချိုးရာက်နေပြီကိုး”။
ညနေခင်းထဲ သူငယ်ချင်းအိမ်သို့ အလည်ခရီး။ ကျွန်နော့် စိတ်တစ်ခုလုံးသည် ကိုယ်ကျင့်
အဘိဓမ္မာစာတစ်အုပ်ထဲ နစ်မြုပ်လျက်။ ရုတ်တရက် ကလေးငိုသံတစ်ခု။ စာအုပ်ထဲနစ်မြုပ်
နေသည့် ကျွန်နော့်စိတ် လက်ရှိပတ်ဝန်းကျင်ထဲ ပြန်ရောက်လာ၏။ သေချာသည် ။ ကျွန်နော်
အိပ်မက်တစ်ခု မက်ခဲ့သည်မဟုတ်ပါ။

ဆက်ဖတ်မယ်ဆိုရင် ...

ပြန်ခေါက်ထားခဲ့မယ်။

မိုးရာသီထဲမှ တောသာလေး၏....

ဥတုသုံးပါးအနက် မိုးဥတုသည် နူးညံ့လွန်းသည့် မိုးဖွဲ့ လေးများကို ပိုင်ဆိုင်၏။ မိုးပြေးလေးများကို
ပိုင်ဆိုင်၏။ ခွန်အားရှိသည့် မိုးစက်များကိုလည်းပိုင်ဆိုင်၏။ ရှင်းသန့် သည့် လေညှင်းကိုလည်းပိုင်
ဆိုင်၏။ ကျယ်ကျယ်လောင်လောင်ထစ်ချုန်းမှုကိုလည်းပေးတတ်၏။ မှိုင်းညို့ ညို့ ကိုလည်းဖော်ပြ
တတ်၏။ အလင်းရှိကြောင်းကိုလည်းပြတတ်၏။ မိုးဥတုသည် စွတ်စို၊စိုထိုင်း၊ အေးချမ်း၊ချမ်းအေး၊
လွမ်းဆွေး၊ သတိရ၊ တမ်းတ၊ နွေးထွေး အစရှိသည့်ခံစားမှုတွေကိုလည်းပေးတတ်၏။ အထူးသဖြင့်
မိုးဥတုသည် မိုးကိုချစ်တတ် သူနှလုံးသားပိုင်ရှင်များအတွက် ပိုပြီးပြည့်စုံ၊ပြည့်ဝ၊အသက်ဝင်လျက်
အရေးပေးဖော်ပြခြင်းဖြင့်ထင်ရှားနေသည်မဟုတ်ပါလား။
မိုးရာသီကိုကျွန်နော်ချစ်သည်။ ဘာကြောင့်ချစ်တာလဲဟု မေးခဲ့လျင် ကျွန်နော်မဖြေတတ်။
ဘာဖြစ်လို့ လဲဆိုတော့ ရင်ဘတ်ထဲကလာသော ချစ်သည်ဟူသည့်စကားလုံးသည် ကျွန်နော့်၏

သွေးတွေနှင့်အတူ ညီမျှစွာစီးဆင်းနေသောကြောင့်ဟု ဆိုရပါမည်။ အကယ်၍ ကျွန်နော် မိုးကို
ချစ်သည့်အကြောင်းစကားတစ်လုံးနှင့်ဖွင့်ဆိုခဲ့လျင် ကျွန်နော်ချစ်သည့် မိုးရာသီအပေါ် ကျွန်နော်
ချစ်သည့် “အချစ်” ဆိုသည့်အဓိပ္ဖါယ်လွဲသွားနိုင်ပါသည်။ဒါကြောင့်ချစ်သည် ဆိုသည့်အကြောင်းကို
စကားလုံးနှင့်အဓိပ္ဖါယ်မဖွင့်ချင်။ “ချစ်သည်” ဆိုသည့်စကားလုံးသည် တခါတရံမှာ အဓိပ္ဖါယ်ဖော်ဖို့ 
စကားလုံးမရှိ။ ဒီလိုဖော်ပြဖို့ စကားလုံးမရှိသည်ကိုက ကျွန်နော် မိုးရာသီကို ချစ်သည်ဆိုသည့်
အဓိပ္ဖါယ်ကို ကိုယ်စားပြုနေခဲ့ပြီ။ ထိုကြောင့် မိုးရာသီကို ချစ်တတ်သူ နှလုံးသားပိုင်ရှင်များသည်
ကျွန်နော် မိုးရာသီကို ဘာကြောင့်ချစ်သည်ဆိုသည့်အဓိပ္ဖါယ်ကို ပိုပြီးသိလိမ့်မည်ဟုထင်ပါ၏။

တချို့ သည် ဆောင်းကိုချစ်၏။ တချို့ သည် နွေကိုချစ်၏။ ကျွန်နော် မိုးကိုချစ်သည်။
ဆောင်းကိုချစ်တတ်သူနှင့် ကျွန်နော်တွေ့ လျင် အမြင်တစ်မျိုးရ၏ ။ နွေကိုချစ်တတ်
သူနှင့် ကျွန်နော် တွေ့ လျင် ရသတစ်မျိုးရ၏။ မိုးကိုချစ်တတ်သူနှင့်ကျွန်နော်တွေ့ လျင်
ခံစားမှုတွေမျှဝေတတ်လာ၏။ အမြင်တွေ၊ ရသတွေ၊ ခံစားမှုတွေမျှဝေရင်း ကျွန်နော်
အတွေးတွေကို ချရေးတတ်လာသည်။
ကောင်းကင်ပေါ်မိုးရိပ်တွေတက်လာပြီ။ လေတဖြူးဖြူးတိုက်လာပြီ။ လောက၀န်းကျင်
မှောင်လာပြီ။ ပတ်ဝန်းကျင်သည် ငြိမ်သက်အေးချမ်းလာပြီဆိုရင် ကျွန်နော်စိတ်သည်
အေးချမ်းလာ၏။ တစ်စုံတစ်ရာကိုလွမ်းလာ၏။ ပျော်သလိုလို၊ ၀မ်းနည်းသလိုလို ဖြစ်လာ
၏။ ဒီလိုခံစားမှုများသည် သည်လိုအချိန်ကျမှ ပေါ်ပေါက်လာတတ်သည်။ မိုးမရွာခင်ဖြစ်
ပေါ်လာသည့် ခံစားမှုကိုကျွန်နော်ချစ်တတ်လာပြီ။ သို့ တဆက်တက်၍ မြတ်နိုးတတ်
လာပါသည်။ ထို့ အတူ ညိုးနွမ်း သစ်ပင်လေးတွေဆို ဘယ်လောက်ပျော်နေလိုက်မလဲ။
မိုးစက်လေးများ တဖြောက်ဖြောက်ကျလာပြီ။ ပြီးတော့ တဖြည်းဖြည်းသည်းလာပြီ။
ပြီးတော့ တဝေါဝေါနှင့် မိုးရွာချလာပြီဆိုရင်တော့ ပတ်ဝန်းကျင်တစ်ခုလုံးစိုထိုင်းသွားပြီ။
စွတ်စိုသွားပြီ။ မြေပြင်ရှိညစ်ဌေးမှုများ မိုးရေနှင့်အတူ စီးဆင်းသွားပြီ။ အဲဒီအချိန်လေး
ဆို “ ဘယ်လောက် ဖြူစင်သန့် ရှင်းလိုက်သည့် လောကဖြစ်နေမလဲ” ကျွန်နော်သိသည်။
အဲဒီအချိန်ဆို ကြည်လင်၏။ သန့် ရှင်း၏။ အေးချမ်းလှ၏။ လောကရှိ သစ်ပင်လေးများ
အညစ်အကြေးကိုယ်စီခါချလျက် ခေါင်းတညိမ့်ညိမ့် လုပ်နေပုံများ လှပလွန်း၏။
ဒီအချိန်ဆို ပျော်သည့်စိတ်နှင့်အတူ ကျွန်နော်မိုးရေထဲ ထွက်ကစားပြီ။ ပူလောင်နေ
သည့် ခန္ဒာအပေါ်ကျလာသည့် ချမ်းအေးသည့် မိုးစက်လေးများ။ ရှင်းသန့် မှု့ ၊ကြည်နူး
မှု့ ၊ချမ်းအေးမှု့ ၊ ငြိမ်းအေးမှု့ တို့ ပေါင်းစည်းလျက်ပေါ့။ ဒီလိုအချိန်လေးမှာ ကျွန်နော်
စိတ်တင်းကျပ်မှုမှ လွတ်မြောက်လျက်။ ကျွန်နော့် စိတ်နှင့် ခန္ဒာသည် လွတ်လပ်ပေါ့ပါး
လိုက်သည်ဖြစ်ခြင်း။ ဒီလိုခံစားမှု့ မျိုးကို ကျွန်နော်ချစ်သည်။ သို့ တဆက်တက်၍ မြတ်
နိုးတတ်လာပြီလေ။ “မိုးရွာသည့်အချိန် မိုးရေထဲထွက်ပြီး စိတ်နှင့်ခန္ဒာကို ဖြေလျော့ကြည့်
စမ်းပါ မိတ်ဆွေ။ ပြီးတော့ သစ်ပင်လေးတွေ မိုးရေချိုးရင်း ပြုံးနေသည်ကို စူးစမ်းကြည့်
စမ်းပါ။ ရေစိုနေသည့် ကိုယ်ထည်နှင့် ရှက်နေတတ်သည့် အပြစ်ကင်းစင်သောသဘာဝ
အလှကို မြင်နိုင်ပါရဲ့ ။”
ကျွန်နော် ဒီလို မိုးရေထဲ ကစားရင်း ရင်ထဲက ထွက်ပေါ်လာသည့် ပျော်ရွှင်မှု့ ၊ကျေနပ်
မှု့ ၊ လွတ်လပ်မှု့ တွေက မိုးစက်၊ မိုးပွင့်တို့ နှင့်အပြိုင်၊ မိုးသံလေသံတို့ နှင့်အပြိုင်ပေါ့လေ။
မိုးရေထဲမှာ ကျွန်နော် ရေဖွေးနေသည့်မြေပြင်အပေါ် ပက်လက်အိပ်သည်။ ဟိုဖက်သည်
ဖက်လူးလိမ့်သည်။ ဂျွမ်းထိုးသည်။ ထိုင်သည်။ ရပ်သည်။ ကိုင်းသည်။ ကွေးသည်။ခုန်သည်။
မိုးစက်လာရာ ကောင်းကင်ကို မော့ကြည့်သည်။ သူငယ်ချင်းတွေနှင့်အတူ ပျော်ရွှင်မှုတွေ
ကို အော်ဟစ်ဖော်ပြသည်။ ဒါကတော့ ကျွန်နော် ငယ်ငယ်က မိုးရေထဲ လွတ်လွတ်လပ်
လပ် ပျော်ရွှင်ခဲ့ သည့် အတိတ်မြင်ကွင်းတစ်ခု။ ကလေးများ၏ ဖြူစင်သန့် ရှင်းမှု့ ၊ပေါင်း
စည်းနိုင်မှု့ ၊တူညီသည့် ခံစားမှု့ ကိုယ်စီနှင့် အထိန်းအချုပ်မရှိ ပျော်ရွှင်မှု့ တွေပေါ့လေ။
ကလေးလေး တွေကို ပေးစွမ်းနိုင်ပါစေ။
“ ဂျိမ်း......ဒိန်း...ဒလိန်း..............”
တဝေါဝေါ တဖြောက်ဖြောက်နှင့်အတူ မိုးကြမ်းလာပြီဆိုရင်..........
“ မိုး မိုး ဘာကြောင့် ရွာ....ဖားအော်လို့ ရွာ။
ဖား ဖား ဘာကြောင့်အော်...မြွေကိုက်လို့ အော်။
မြွေ မြွေ ဘာကြောင့်ကိုက်...အစာငတ်လို့ ကိုက်။ ......”
ဆိုသည့် အဲသည်လို ကဗျာတွေအော်ဆိုကြလေရဲ့။ အရွယ်တူ သူငယ်ချင်းတွေနှင့်
အတူပေါ့။ အဲဒီအချိန်တုန်းကဆို ကဗျာတို့ သီချင်းတို့ ကို စိတ်လွတ်လပ်မှု့ ကတဆင့်
ပျော်လို့ စိတ်ကျေနပ်လို့ အော်ဆိုခဲ့ ကြာတာလေ။ တပိုင်းတစတွေပေါ့...ဒီတပိုင်း
တစ တွေကလည်း ဘယ်က ဘယ်လိုတတ်လာမှန်းမသိခဲ့ ဘူးလေ။ ကလေး များ၏
ပျော်ရွင်မှု့ နှင့်သီကျူးသံများ နားဆင်နိုင်ပါစေ။
မိုးရေထဲ အနေကြာလို့ နည်းနည်းချမ်းလာပြီဆိုရင်တော့ အဖေ၊အမေတို့ ၏ခေါ်သံ
ထွက်ပေါ်လာစမြဲ။.......“ သား.....လူလေး.....” ဘာညာပေါ့။
..”လာ ....နားတော့.....ဖျားတော့မယ်....တော်တော့ ကစားတာ....” ဘာညာပေါ့လေ။
အဲဒီအချိန်က အဖေ၊ အမေ တို့ ၏မေတ္တာကို မသိခဲ့ ပါဘူး။ ပျော်နေတာကို “တားတယ်၊
ဆီးတယ်....၀အောင် တောင် မကစားရဘူး ”ဆိုပြီး တွေးနေခဲ့ သပေါ့။ အဖေ၊အမေတို့ 
က မိုးရေထဲ ကစားတာ နားခိုင်းသည့်အချိန်ဆို ကျွန်နော် အပါအ၀င်သူငယ်ချင်းတွေ
အော်ဆိုကြတာက........“ မိုး ရွာရင် မိုးရေချိုးမယ်...
......ဖေဖေလာရင်အုန်းသီး ခွဲစားမယ်....
.......မေမေလာရင် နို့ စို့ မယ်........” တဲ့ ။
ကျွန်နော်လည်း မမှတ်မိတော့ပါဘူး။ ဒီလိုကဗျာတစ်ပိုင်းတစ်စတွေ ဘယ်လိုတတ်လာသလဲ
ဆိုတာကိုပေါ့။ ဒီလို အော်ဆိုပြီးရင် အိမ်တံစက်မြှိတ်ကကျနေသည့်ရေတံလျောက်ကမိုးရေ
ကို ခေါင်းမော့ချိုးပြီးတာနှင့် အိမ်ထဲဝင်တော့တာပဲ့။ လူကချမ်းလို့ တုန်နေပြီ။ နှုတ်ခမ်းတွေ
ပြာနေပြီ။ လက်ချောင်းတွေပိန်ကုန်ပြီ။ မိုးထဲရေထဲ ကစားချင်သည့်စိတ်ကမကုန်သေးဘူး။
အဲသည်လောက်ထိ မိုးရာသီကိုချစ်တာ၊ မိုးကိုချစ်တာ၊ မိုးရွာတာကိုချစ်ခဲ့တာလေ။ တွေး
ကြည့်ပေါ့။ “ ဘယ်လောက်ပျော်ရွှင်ကြည့်နူးဖို့ ကောင်းတဲ့ ကလေးဘ၀နှင့်မိုးရာသီကိုပေါ့။
အဲဒီကတည်းက မိုးရာသီကို ချစ်တဲ့ စိတ် အမြတ်တွယ်ခဲ့ လေသလားမသိ။
အိမ်ထဲရောက်တော့ ခေါင်းကိုခြောက်အောင်အ၀တ်နှင့်သုပ်၊နွေးထွေးသည့်အ၀တ်ကို
ဝတ်ပြီး အမေကျွေးသည့် ထမင်းပူပူနွေးနွေးကိုစားရတာကရော အမေ့ မေတ္တာနှင့်အတူ
ရောနှယ်ထားသည့်အာဟာရ၊ စိတ်ကျေနပ်စွာစားရသည့်ကျွန်နော့်အတွက် အိမ်အပြင်
ဖက်က တဝေါဝေါရွာနေသည့် မိုးသံ၊လေသံ၊ရေဖွေးဖွေးမြေပြင်၊ စိမ်းလန်းနေသည့်သစ်ပင်
များလှုပ်ရှားမှု၊ ရှင်းသန့် သည့်လေညှင်းကိုရှူရှိုက်ရင်း အဖေ၊အမေတို့ ၏ မေတ္တာနွေးနွေး
အောက်မှာ နေထိုင်ရသည့်ကလေးငယ်တစ်ယောက်၏ ဘ၀ဟာ မိုးရာသီနှင့်အတူ ထင်ရှား
စွာ အဓိပ္ဖါယ်ပြည့်ဝခဲ့တာပေါ့။
မိုးသံလေသံနားထောင်ရင်း၊ ရှင်းသန့် လေညှင်းတွေကိုရှူရှိုက်ရင်း မိုးရေထဲကစားခဲ့
သည့်နွမ်းနယ်မှုတွေနှင့်အတူ ခန္ဒာပြေလျော့ရင်း အိပ်ယာထဲ ခေါင်းချလိုက်တာနှင့်
အိပ်ပျော်သွားတာပါပဲ့ လေ။ ကျွန်နော် အိပ်ပျော်သွားသည့်အချိန်ဆို အမေက အဖေ့ ကို
“ မိုးရေထဲ ကစားတာ ကြပ်ကြပ်ခွင့်ပြု.....ဖျားရင်ဘယ်လိုလုပ်မလဲ ” ဆိုပြီး ဂရုဏာဒေါသ
နှင့်ပြောနေကျအသံက မိုးရာသီကုန်မှပဲ ပျောက်ကွယ်သွားတတ်လေရဲ့။ ဒါပေမယ့်
ကျွန်နော် တစ်ခါမှ မဖျားခဲ့ ဘူး၊ နေမကောင်းမဖြစ်ခဲ့ဘူး၊ မိုးရေထဲကစားလို့ ပေါ့လေ။
အလုပ်လုပ်နိုင်သည့်အရွယ်ဆိုရင်လည်း လယ်ယာလုပ်ငန်းမှာ အဖေ့ ကိုကူရင်း မိုးရာသီ
ထဲမှာ ပျော်ခဲ့ တာပါပဲ့ ။ မိုးရာသီ လယ်လုပ်ရင်း အလုပ်ခွင်ထဲ မိုးသံ၊လေသံ၊ ထစ်ချုန်းသံ
တွေနှင့်အပြိုင် လယ်ထွန်ရင်း၊ သံရှည်ဆွဲ သီချင်းငြီးရင်း၊ လယ်နားနီးခြင်း သူငယ်ချင်းတွေကို
အော်ပြောနောက်ပြောင်ရင်း မိုးနှင့်အပြိုင် အလုပ်ကိုကြိုးစားခဲ့ ရတာပေါ့လေ။ ဘာဖြစ်လို့ လဲ
ဆိုတော့ မိုးက အချိန်ကျရွာတယ်၊ လယ်ကလည်းဒီအချိန်ကျမှလုပ်ရတယ်ဆိုတော့ အလုပ်က
ဒီအချိန်ကျမှမပြီးရင် ဘယ်လိုလုပ်မတုန်း။ လယ်နားနီးခြင်း ဘ၀တူသူငယ်ချင်းတွေ၏အော်သံ၊
ငေါက်သံ၊ သီချင်းငြီးသံ၊ဆိုသံ တွေကိုနားထောင်ရင်း ကိုယ်တိုင်လည်း ဆိုရင်း၊ ငြီးရင်း ၊စရင်း၊
နောက်ရင်ှးနှင့်မိုးတွင်းလယ်ယာလုပ်ငန်းခွင်က မိုးရေတွေနှင့်အတူ စိုစွတ်လှသပေါ့လေ။ “
ကျွန်နော်လည်း မောရမှန်းကိုမသိဘဲ မိုးနှင့်အပြိုင်လုပ်ကိုင်ရင်း ဘ၀တူသူငယ်ချင်းတွေနှင့်
လယ်ကွင်းထဲ ပွဲစည်ခဲ့တယ်လေ။ ဒါကတော့ အဖေ့ကိုကူရင်း လယ်လုပ်ခဲ့ သည့်အချိန်က
ိမိုးရာသီ လယ်လုပ်ခဲ့ သည့်အတွေ့ အကြုံဒါမှမဟုတ် မိုးရာသီနှင့်ရင်းရင်းနှီးနှီးရှိနေခဲ့သည့်
အတိတ်ထဲက မိုးရာသီနှင့် လယ်လုပ်ငန်း။ မိုးရာသီမှာ လယ်လုပ်ခြင်းဟာ တောသား
လေး ကျွန်နော်အတွက် အရမ်းကို တန်ဖိုးရှိခဲ့ ပါတယ်လေ။
ကျွန်နော်အခု မိုးရာသီနှင့်ကွဲကွာနေတာ နှစ်နှစ်တောင်ကြာနေခဲ့ ပြီ။ မိုးရှားသည့်ဒေသတစ်ခု
၏ အလုပ်ခွင်ထဲမှာနေရင်း မိုးကိုတမ်းတရင်း၊ မိုးကိုလွမ်းရင်း ရွာမှာရှိသည့် အိမ်သို့  လွမ်းလျက်။
ဒီလိုနှင့် မိုးရွာသည့်နေ့ တစ်နေ့  အိမ်သို့ ဖုန်းဆက်ဖြစ်ခဲ့ ၏။ အဖေ ဖုန်းလာကိုင်၏။
ကျွန်နော် အဖေ့ ကို မေးလိုက်သည်။
......“ အဖေ နေကောင်းကျန်းမာရဲ့လား.........မိုးရာသီရောက်နေပြီမဟုတ်လား....
မိုးရောရွာရဲ့လား.....လယ်တွေရောလုပ်နေပြီလား.............” လို့ ပေါ့။
အဖေက..............လေသံလေးလေးနှင့်
“..........အေး..........သား အဆင်ပြေရဲ့လား.......အခုအဖေတို့ ဆီမှာမိုးတော်တော်ရွာနေပြီ
......လယ်တွေလည်းလုပ်နေပြီ .....”တဲ့ ။......ဒါပေမယ့်.........သားရေ ........
အဖေတို့ လယ်ကွင်းတွေထဲမှာ အရင်လို မစည်တော့ဘူး။ ပျော်စရာမကောင်းတော့ဘူး....”တဲ့ ။
“ ဘာဖြစ်လို့ လဲ အဖေ.............”
ကျွန်နော်ပြန်မေးလိုက်တော့..........“ ဒီလိုသားရေ...........
အခု လယ်ကွင်းတွေထဲမှာ မိုးသံလေသံနှင့်အပြိုင်အဆိုင်လုပ်နေတာကတော့ လူတစ်ယောက်နှင့်
စက်တစ်လုံး.....လယ်ဆယ်ဧကကို နိုင်နိုင်နှင်းနှင်းလုပ်နေကြပြီ..လယ်ကွင်းတွေထဲ စက်သံတညံ
ညံနှင့် အရင်လို လူသံတွေနှင့်မစည်ကားတော့ဘူးသားရေ.........လယ်ကွင်းထဲမှာ လူလည်းသိပ်
မရှိတော့ဘူး။။။။။။။။။။ကျွဲနွားတွေကိုလည်းသိပ်မသုံးတော့ဘူး..သားရေ..........”တဲ့ ။
သြော်.........ဒီလိုကိုး.............ဆိုပြီးတော့ ကျွန်နော့် အတွေးမှာတော့ ရွာနှင့်ကင်းကွာခဲ့သည့်
နှစ်နှစ်အတွင်း ရွာအခြေအနေ တော်တော်ပြောင်းလဲသွားပါလား။ ရွာက လယ်ကွင်းတွေထဲမှာ
လည်း ပြောင်းလဲသွားကြပါလား။ အရင်က လယ်ကွင်းတွေထဲ လူသံ၊ကျွဲနွား အော်သံ၊ မိုးသံလေသံ
တွေနှင့် ညံစည်နေသည့်နေရာမှာ စက်သံတညံညံတွေအစားထိုးဝင်ရောက်လာပါလား။
အဖေ ပြောမယ်ဆို ပြောစရာပါပဲ့ လေ။ဒီလိုနှင့် ကျွန်နော် စိတ်ထဲ ပျော်သလိုလို၊၀မ်းနည်းသလိုလို
ခံစားမှုဖြစ်ပေါ်လာပါတော့တယ်လေ။
ပျော်သလိုလိုဆိုတာက ကျွဲနွားတွေနှင့်ရုန်းကန်လုပ်ရှားရသည့်နေရာမှ စက်မှုထွန်းကား
ထိုးဖောက်ဝင်ရောက်လုပ်ကိုင်လာတယ်ဆိုတော့ အရင်လိုမပင်ပန်းတော့ဘူးပေါ့လေ။ ၀မ်းနည်း
သလိုလို ဆိုတာက ကျွဲနွားတွေနှင့်ရုန်းကန်လုပ်ရှားနေသည့် မြင်ကွင်းပျောက်ကွယ်သွားတော့
မည်.။ ပြီးတော့...........ပြီးတော့...........အဖေအတွက်..........အဖေ့အတွက်....
လယ်ထွန်စက်တစ်လုံး..............။
မိုးရာသီကို ရောက်နေပြီ.........အိမ်မှာလယ်လုပ်နေကြပြီ။ကျွန်နော် အိမ်နှင့်အဝေးကို
ရောက်နေသည်။ အဖေအမေကို လွမ်း၏။ အခုမိုးတွေရွာနေပြီ။ ငယ်ငယ်တုန်းက မိုးရေထဲ
ကစားခဲ့ ဖူးသည့်မြင်ကွင်းတွေကိုပြန်မြင်လာသည်။ ပြန်မြင်လာတိုင်း.........
မိုးရာသီကိုချစ်သည့်စိတ်။ မိုးကို မြတ်နိုးသည့်စိတ်တွေဟာ ညိုးနွမ်းသစ်ပင်လေးများ
မိုးကိုတမ်းတသည့်စိတ် ထက်ပိုမည်ဟုတွေးလျက်။ ရင်ထဲ ......................ပေါ့လေ။
......................မိုးကိုချစ်တတ်ကြပါစေ...................................................။

ဆက်ဖတ်မယ်ဆိုရင် ...

ပြန်ခေါက်ထားခဲ့မယ်။

အိပ်မက်

နေလုံးကြီးသည် မြေကြီးထဲသို့ ညှိုးငယ်စွာ တိုးဝင်သွားပြီ။ ပတ်ဝန်းကျင် တစ်ခုလုံးသည် ငြိမ်သက်လာ၏။ အမှောင်ထုသည် အေးစက်စွာ ဖြစ်ပေါ်လာလေပြီ။ အမည်မသိပိုးမွှားကောင်များသည် သဘာဝသံစုံတီးဝိုင်းကြီးဖြင့် ငြိမ်သက်နေသည့် ပတ်ဝန်းကျင်ကို အန်တုလျက်။ ညမုဆိုးများဟုခေါ်သော အမည်မသိငှက်များ၏ တောင်ပံခတ်သံများကို မကြာမကြာ ကြားနေရပြီ။

ကြည့်မိသည့် နေရာတိုင်းမှောင်မည်းလျက်။ ကောင်းကင်ပေါ်၌ ကြယ်များသည် ယခုညမှ ပိုပြီးတောက်ပနေလေသည်ဟု ထင်မိသည်။ မှောင်မည်းသည့်လောကထဲ ဦးတည်ရာမဲ့ တိုက်ခတ်နေသည့် လေပူများ၊ ညမုဆိုးများ၏ အော်သံများနှင့် ညတစ်ည။ တိတိကျကျ ပြောရမည်ဆိုလျင် လမိုက်ညတစ်ညပေါ့။

လမိုက်ညပေါင်းများစွာသည် ကျွန်နော့်အတွက် ဘာမှ မထူးဆန်းခဲ့ပေ။ လမိုက်ညများသည် ထူးပြီးဆန်းနေသည်ဟုလည်း ကျွန်နော် ဘယ်သောအခါမှ မတွေးခဲ့။ လမိုက်ညများသည် ကျွန်နော့်အတွက် ခံစားမှုတစ်ခုခုကို ပေးနိုင်ခဲ့သော ခေါင်းစဉ်တစ်ခုလည်း မဖြစ်ခဲ့ပေ။ သို့သော်……..သို့သော်……..ဤယခုညသည် ကျွန်နော့်အတွက် အမည်မသိဝေဒနာတစ်ရပ် ဖြစ်ပေါ်အောင် ဖန်တီးပေးနေလေပြီ။ ခံစားနေရသည့် ဝေဒနာက ဘာလဲဆိုတာ အတိအကျမသိ။ သေချာစွာ သိနေသည်က ယခုလမိုက်ညသည် ကျွန်နော်နဲ့ မရင်းနှီးတော့ပေ။ ငယ်ပေါင်းတွေ မဟုတ်တော့သည့်အလား သူစိမ်းဆန်လျက်။

ယခု ကျွန်နော် ရောက်နေသည့်နေရာသည် ရွာကလေးတစ်ရွာ။ တောင်တန်းကြီးတစ်ခု၏ အခြေ၌ တည်ထား၏။ ထိုရွာကလေးသည် နေရောက်ခြည်ကို ပထမဦးဆုံးရရှိပြီး ပထမဦးစွာဖြင့် စောစီးစွာ လက်လွတ်ရသည့်ရွာကလေး။ ရွာထဲရှိလူများတွင် မိရိုးဖလာ ဓလေ့ထုံးတမ်းများကို အသေဖက်တွယ်ထားသူများ၏။ လယ်ယာလုပ်ငန်း လုပ်ကိုင်ရင်း အနာဂတ်သည်လည်း ပြောင်းလဲနိုင်သည်ဟု မမြင်နိုင်သော လူများနေထိုင်ကြသည့် ရွာကလေး။ လမိုက်ညတွေကို သေသည့်တိုင်အောင် ပိုင်ဆိုင်ခဲ့သူတွေ နေထိုင်သွားခဲ့ကြသည့်နေရာ။ တိတိကျကျဆိုရသော် ကျွန်နော့်ကိုမွေးဖွားခဲ့သည့် ဇာတိချက်မြှုပ်ရာ ရွာကလေးတစ်ရွာပေါ့လေ။

ကျွန်နော်ထိုင်နေ၏။ အိမ်အတွင်းမှာပေါ့။ ကျွန်နော်ငယ်ငယ်က အဖေထိုင်နေကျသစ်သား ခေါက်ကုလားထိုင်တစ်လုံးပေါ်မှာပေါ့။ ကုလားထိုင်၏ ဘယ်ဘက်မှာ ပြတင်းပေါက်တစ်ခု။ ပတ်ဝန်းကျင်ကို စောင့်ကြည့်ဖို့ပေါ့။ ပြတင်းပေါက်မှတဆင့် အပြင်ဘက်သို့ ကြည့်လိုက်မိသည်။ ဘာကြောင့်လဲမသိ။ အပြင်ဘက်၌ ကျွန်နော့်မျက်လုံး အနီးအနားမှာရှိသော မြင်ကွင်းများသည် မည်းမှောင်လျက်။ေ၀၀ါးလျက်။ ဘာမှမမြင်ရပေ။ သို့သော်လည်း….ဟိုးအဝေးသို့ မျှော်ကြည့်လိုက်တော့ တလက်လက်တောက်ပနေသည့် ကြယ်များကို မြင်ရ၏။ ကျွန်နော် စဉ်းစားလို့မရ။ အနီးအနား ပတ်ဝန်းကျင်ကိုမမြင်ရဘဲ ဟိုးအဝေးက အရာတွေကိုပဲ မြင်နေရသည်။ ဘယ်နှယ်ကြောင့် မြင်နေရပါလိမ့်။ သေချာတာကတော့ ကျွန်နော့်မျက်လုံးတွေ မအိုသေး။ အဖြေမသိတော့ လမိုက်ညကိုပဲ အပြစ်ပုံချလိုက်မိပါရဲ့။

ခေါက်ကုလားထိုင်၏ အရှေ့မှာ ကျွန်နော်ငယ်ငယ်က စာထိုင်ဖတ်ခဲ့သည့် လေးချောင်းထောက် သစ်သားစားပွဲတစ်လုံး။ စားပွဲပေါ်မှာ ရှိနေသည်အရာက ရေနံဆီမီးခွက်ငယ်လေးတစ်လုံး။ မှိတ်တုတ်မှိတ်တုတ်ဖြင့် ကျွန်နော့်ကိုမမှတ်မိဘဲ ဖြစ်နေတာလား။ ဒါမှမဟုတ် ကျွန်နော် အပြစ်ပုံချတာကို သိနေတာလားမသိဘူး။ သူက ကျွန်နော့်မျက်နှာကို မှိတ်တုတ်မှိတ်တုတ်နဲ့ တဖျတ်ဖျတ်ကြည့်လို့။ ဒါကြောင့် “မင်းတာဝန်ကျေပါတယ်ကွယ်”လို့ ကျွန်နော် မလုံမလဲ တိုးတိုးလေး ပြောလိုက်မိ၏။

ကျွန်နော်ထိုင်နေသည့်နေရာ၏ ညာဘက် လက်တစ်ကမ်းအကွာမှာ အမေသည် ကြမ်းပြင်ပေါ်တွင် တင်ပျဉ်ခွေထိုင်ပြီး ၀ါဝါ၊ ဖြူဖြူပန်းပွင့်များကို သပ်ထားသည့် အုန်းလက်အကြောတံတစ်ခုဖြင့် ကောက်သီလျက်။ အမေ့နံဘေးတွင် ကျွန်နော့်ညီမ၊ ပန်းပွင့်များကို ရိုးတံဖြင့် ကောက်သီရင်း တိတ်ဆိတ်လို့။ အမေနှင့်ညီမအကြား ခြေတံရှည်ရှည် ဆီမီးခွက်ငယ်လေးတစ်လုံး။ သူလည်းတိတ်ဆိတ်လို့။ အမေတွေးနေမှာပေါ့။ မနက်ကျရင် ဘုရားပန်းကပ်မယ့် ပန်းတွေမညှိုးအောင် ရေဖြန်းထားရဦးမယ် ဆိုတာကိုပေါ့။ ညီမလေးလည်း တွေးနေမှာပေါ့။ အမေ ဘုရားဆွမ်းကပ်ဖို့ မနက်စောစေထပြီး ထမင်းချက်ရမယ်ဆိုတာမျိုးကိုပေါ့။ မီးခွက်ခြေရှည်လေးလည်း တွေးနေမှာပေါ့။ တစ်ခုခုပေါ့။ တစ်ခုခုအကြောင်းပေါ့လေ။

အမေထိုင်နေသည့်နောက်ကျောဘက် တစ်လန်ကျော်ကျော်အကွာမှာ အိမ်ဦးဘုရားစင်။ ပန်းတွေဝေလို့။ မီးတွေထိန်လို့။ မီးခိုးတွေထူလို့။ ဘုရားစင်၏အောက်ခြေမှာ ထိုင်နေသည်က အဖေ။ ဘုရားစင်ပေါ်မှ ရေနှံဆီမီးခွက်၏အလင်းရောင်ကို အားပြုပြီး အလုပ်တွေရှုပ်နေသည်။ အဖေ့အရှေ့မှာ အရောင်ပြယ်နေသည့် ယွန်းကွမ်းအစ်တစ်လုံး။ ကွမ်းအစ်နံဘေးမှာ ခပ်ညစ်ညစ်စာအုပ်တစ်အုပ်။ ထိုစာအုပ်အပေါ်မှာ အသံ တက်လိုက်ကျလိုက်မြည်နေသည့် ရေဒီယိုတစ်လုံး။ အဖေသည် တချက်တချက် အမေ့ကို လှမ်းမေးလျက်။ တချက်တချက် ကျွန်နော့်ကို စကားလှမ်းပြောလိုက်နဲ့။ ကွမ်းယာကို ကိုယ်တိုင်ယာလျက်။ ရေနံဈေးတွေတက်နေသည့်အကြောင်း ပြောနေကြသည်ကို နားထောင်လျက်။ တချက်ချက်ပေါ့လေ။ တချက်ချက်ပေါ့လေ။

ကျွန်နော် အိမ်ပေါ်သို့ ပြန်ရောက်နေသည်မှာ ယခုညနဲ့ဆို နှစ်ညရှိပြီ။ သို့သော် မှောင်မည်းသော ညများ၊ လမိုက်ညများသည် ကျွန်နော့်ကို သူစိမ်းတစ်ယောက်လို ဆက်ဆံတုန်း။ ကျွန်နော် အိမ်လေးနဲ့ ခွဲခွာခဲ့တာ အတော်ကြာခဲ့သောကြောင့်လား။ ခွဲခွာနေခဲ့ရသည့်အချိန်အတွင်း လမိုက်ညများမရှိသည့်မြို့ပေါ်သို့ ကျွန်နော် ရောက်ရှိသွားခဲ့သည်ကို သိနေလို့လား။

……………….. “လမိုက်ညများမရှိသည့်မြို”့။………………………………….

ဒီလို ကျွန်နော် ခေါ်လိုက်ရသည့်အကြောင်းကတော့ ကြည့်လိုက်သည့်နေရာတိုင်း မီးများထိန်လင်းလျက်။ အလင်းရောင်များလွှမ်းမိုးလျက်။ နေရာတိုင်း၊ အချိန်တိုင်းပေါ့လေ။ မှောင်မှဲနေသည့် အချိန်ဆိုလို့ ကျွန်နော့်မျက်လုံးများပိတ်သွားပြီး အိပ်မောကျသွားသည့်အချိန်ပဲရှိမည်။ မီးရောင် သို့မဟုတ် အလင်းရောင်ကို မမြင်ရပါဟု ပြောလို့ရသည်။ ရေနှံဆီမီးခွက်ဆို ဝေလာဝေး။ ညဆိုသည်မှာ အာရုံထဲက မေ့ပျောက်လျက်။ အချိန်တိုင်းသည် ကျွန်နော့်အတွက် လင်းကျင်းလျက်ပေါ့။ ထိုမြို့ပေါ်မှာ အတော်ကြာကြာနေထိုင်ခဲ့သည်။ အလုပ်လုပ်ရင်း ၀မ်းဝရေး အတွက်ပေါ့။ သေချာတာကတော့ ကျွန်နော့်ရွာလေးဆီ စိတ်အမြဲရောက်လျက်ပေါ့လေ။

ငယ်ငယ်က လမိုက်ညဆိုသည်မှာ ကျွန်နော့်အတွက် မထူးဆန်းခဲ့။ ယခု ထူးဆန်းနေလေပြီ။ လမိုက်ညများသည် ကျွန်နော့်ကို စိန်ခေါ်နေတာလား။ ဒါမှမဟုတ် မနှစ်မြို့တော့တာလား။ ကျွန်နော်ကပဲ လမိုက်ညများကို ဖယ်ရှားဖို့ သင်ကြားတတ်မြောက်ခဲ့သည့် အတတ်ပညာကြောင့်လားမသိ။ သေချာသည်က လမိုက်ညများကို ကြည့်ရင်း ကျွန်နော် ဖယ်ရှားပစ်ချင်နေပြီ။ အကြောင်းပြချက်ဘာလဲဟု မေးလာခဲ့လျှင် ကျွန်နော် ရေရေရာရာ မဖြေချင်တော့ပါ။ သို့သော် …. အတင်းအကျပ် မေးလာခဲ့လျှင် အမေကိုလည်းကောင်း၊ အဖေကိုလည်းကောင်း၊ ညီမကိုလည်းကောင်း၊ ရေနံဆီမီးခွက်ငယ်ကိုလည်းကောင်း၊ ထိုသို့သော “လည်းကောင်း” တွေအများကြီး ခေါင်းစဉ်တပ်ထားရသည့် သူတို့အကြောင်းတွေကို ပြောပြရတော့မည်။

“……….ဒေါက်ဒေါက်ဒေါက်………ဒေါက်ဒေါက်……………”

တစ်စုံတစ်ယောက် တံခါးကို ခေါက်နေသည့်အသံသည် ကျွန်နော့်နားထဲ ကျယ်လောင်စွာ တိုးဝင်လာခဲ့သည်။

“………..ဘယ်သူလဲကွ………………..” ဟု ပါးစပ်ဖွင့် အော်မေးရင်း မျက်လုံးနှစ်လုံးကိုပါ ဖွင့်လိုက်မိသည်။

“အ…………………………………………………………………….”

စူးရှသော အလင်းရောင်များ မျက်လုံးထဲသို့ အရှိန်ပြင်းစွာဝင်လာသည်။

မီးအလင်းရောင်များကို မုန်းသည်။ အမြဲတမ်းလင်းနေသည့် အခန်းမီးများကို မုန်းသည်။

“…………အလုပ်သွားဖို့ အချိန်ရောက်ပြီကွ………………..” တဲ့ ။

သြော်………သူငယ်ချင်းက အလုပ်သွားဖို့ လာနှိုးတာကိုး။

ခုနက ရွာကိုရောက်သွားခဲ့သည် မဟုတ်ပါလော။

“…..သြော်……….ငါ အိပ်မက်မက်နေပါလား……….”

။.....................။

မင်းရဲရှင်

ဆက်ဖတ်မယ်ဆိုရင် ...

ပြန်ခေါက်ထားခဲ့မယ်။

ကုန်စုံဆိုင်လေး…

ကျွန်နော် ကုန်စုံဆိုင်လေးတွေကိုချစ်သည်။ ကုန်စုံဆိုင်ကို မြင်ဖူးကြပါလိမ့်မည်။

ခုခေတ်က တိုးတက်တော့ စဆိုးဆိုင်တို့ ၊ Plaza တို့ ဘာတို့ ညာတို့  ဟိတ်ဟန်

ကြီးလှသပေါ့လေ။ ခေတ်မှီလှသပေါ့လေ။ ဒါပေမယ့် သူတို့ ဘယ်လောက်ပဲ ခေတ်မှီ

မှီ၊ ထည်ထည်ဝါ၀ါဖြစ်၊ မနာလိုဘူးလားမေးမေး၊ မတရားဘူးလို့ ပဲ့ ပြောပြော ကျွန်နော်

ကတော့ ကုန်စုံဆိုင်လေးကို ချစ်၏။

ကုန်စုံဆိုင်လေး တိုလီမိုစ အကုန်ရမည်။ လူမျိုးမရွေးဘာသာမရွေးစားသုံးနိုင်သည့်

အမယ်စုံတင်ထားသည်။ ဆန်၊ဆီ၊ဆေး၊ဆား၊ ပဲ၊ငရုတ်၊ကြက်သွန်၊အာလူး၊ပြောင်းက

အစ ဘော်အိုး၊သံခွက် အကုန်ရသည့်ဆိုင်လေး။ ရာသီမရွေးနေ့ တိုင်းဖွင့်ထားသည့်

ကုန်စုံဆိုင်လေးကို ကျွန်နော်ချစ်သည်။

ကုန်စုံဆိုင်လေး အမြင်ကခပ်သေးသေး၊ နေရာကျဉ်းကျဉ်းလေးနဲ့ တစ်မျိုးသော

ရန့ံ့ရှိသည်။ မိုး၊ဆောင်း၊နွေ သုံးရာသီလုံးတွင် ဥတုအရသာခံစားနိုင်သော နေရာလေး

ဖြစ်သည့်အတွက် ကုန်စုံဆိုင်လေးကို ကျွန်နော်ချစ်သည်။

ကုန်စုံဆိုင်လေး ဈေးဝယ်လာသူများရှိသည်။ အလည်လာသူများရှိသည်။ လာစူး

စမ်းသူများရှိသည်။ မျက်လုံးဝေ့ကြည့်သွားသူများရှိသည်။ ကွေ့ ရှောင်သွားသူများ

ရှိသည်။ နားစွင့်သွားသူများရှိသည်။ လိုချင်တာရ၍ ပျော်သွားသူများရှိသည်။ ကုန်စုံ

ဆိုင်လေးသည် ခေတ်မှီနေသေးသည်။ ထိုကြောင့် ကျွန်နော်ချစ်သည်။

ကုန်စုံဆိုင်လေး တချို့ သည် လိုချင်တာဝယ်သွားကြသည်။ တချို့ သည် ဤဆိုင်

တွင်ဤအရာ ရသည်ဟု သိသွားကြသည်။ တချို့ သည် အသိအမှတ်ပြုသွားကြသည်။

တချို့ သည် မိတ်ဆက်သွားကြသည်။ တချို့ သည်ကြည့်ပဲကြည့်သွားကြသည်။ တချို့ သည်

အဖိုးအခပေးသွားကြသည်။ တချို့ သည် မပေးဘဲ ယူသွားသူများလည်းရှိသည်။ တချို့ သည်

ခံစားသွားကြသည်။ ကုန်စုံဆိုင်လေးသည် အမြဲတမ်းအားလုံးအတွက်ဖြစ်နေ၏။ ထို့ ကြောင့်

ကျွန်နော်ချစ်သည်။

ကုန်စုံဆိုင်လေး စုံသော အမယ်များကို သူ့ အုပ်စုနဲ့ သူ စုထားရောင်းချသည်။ဟိုရွာက

အမယ်၊ဒီရွာကအမယ်၊ ဒီမြို က ဟိုမြို့ က၊ တိုင်းခြားက၊ ပြည်တွင်းဖြစ် အစသဖြင့်ထွက်

သည့် အမယ်မှန်သမျှရှိသည်။ အိမ်ရှင်မများ၊လုပ်သားကြီးများ၊ရဟန်းသံဃာ၊ကလေး

လူကြီးမရွး နှစ်ခြိက်သည်။ ထို့ ကြောင့် ကျွန်နော် ချစ်သည်။

ဒီနေ့ ကုန်စုံဆိုင်လေးသည် ဈေးဝယ်သူများနဲ့ စည်ကားနေ၏။ လိုချင်တာရှာဝယ်သူများ

များ တိုးဝှေ့ နေကြသည်။ ရောင်းထားသည့်အမယ်အမည်ကိုလည်းကြည့်ပါဦး။

ကြိုးစားထား

အလုပ်လုပ်ရင် စနစ်ကျမှ၊

အဓိက က ကိုယ့်စေတနာ၊

လောကဓမ္မတာ ကြုံလာအမုန်းရပ်၊

အပြုံးမပျက်ဖို့ ကြိုးစားထား။

ဘာမှ မလုပ်ရင် ဘာမှ မဖြစ်၊

တစ်ခုခုဖြစ်ဖို့  တစ်ခုခုလုပ်၊

အရှုပ်မလုပ် အလုပ်ရှုပ်

အနုပ်ဇာတ်ဖြတ်လို့ ၊

ဘုန်းတက်ဖို့ လည်း ကြိုးစားထား။

ဘာဖြစ်ချင်လဲ သေချာဆုံးဖြတ်၊

ဘာလုပ်နေလဲ သေချာသုံးသပ်၊

ဘ၀တစ်ခုအတွက် အရှုံးနဲ့ အမြတ်၊

ရုန်းထွက်ဖို့ လည်း ကြိုးစားထား။

အဆုံးသတ်ဖို့ လည်း ကြိုးစားထား။

(ဓမ္မရနံ့ )

ဒီလိုအမယ်မျိုး ၀ယ်သူစိတ်ဝင်စားမယ်ပေါ့။ ဟုတ်တယ်ဟုတ်။

တင်ထားသော အမယ်များသည် စုံလင်လှ၏။ ရွေးဝယ်သူများလည်း

ရှိ၏။ တင်ထားသည့် အမယ်များကလည်း ၀ယ်ချင်စရာ။ အိမ်ရှင်မများအတွက်၊

လုပ်သားကြီးများအတွက် ၊ကလေးလူကြီးမရွေး ဤကုန်စုံဆိုင်လေးသည် အဖိုးတန်လှ

ပါတကား ဟု ကျွန်နော် ထင်မြင်ရင်း ကုန်စုံဆိုင်လေးကို ပိုပိုပြီး ချစ်ချစ်လာရပါသည်။

ဤသိုဖြင့်ကုန်စုံဆိုင်လေးသည် ခေတ်မှီနေသေးသည်။ သိသိ၊မသိသိအမယ်

များ၊သိပြီး၊ရှိပြီး အမယ်များကိုလည်း တင်ထားပါသည်။ လာသမျှဈေးဝယ်သူများအတွက်

အချိန်တိုင်းဖွင့်ထားသည်။ဈေးဝယ်သူများအပေါ် အမြဲတမ်း

ဝဲကမ်းလ်လုပ်ထားသည်။ အမယ်တွေစုံ၏။ ထို့ ကြောင့် ကျွန်နော့်အတွက်

အတိတ်လည်းရှိ၏။ လက်ရှိလည်းအသုံးဝင်၏။ အနာဂတ်လည်းတည်နေ၏။

သို့ ပါသောကြောင့် ကျွန်နော် ချစ်သည် ဟုဆိုလျင် လွန်အံ့မည်မထင်ပါတကား။

( ကဗျာလေးကို လင်္ကာတမန် မဂ္ဂဇင်း၊ ၂၀၀၉ ထုတ်သီရိလင်္ကာရောက်မြန်မာ

ကျောင်းသားရဟန်းတော်များ စုစည်းထုတ်ဝေသည်) ဆိုတဲ့ မဂ္ဂဇင်းမှ ကူးယူဖော်

ပြပါသည်။

ဆက်ဖတ်မယ်ဆိုရင် ...

ပြန်ခေါက်ထားခဲ့မယ်။