Tuesday, August 24, 2010

တွယ်ရာမဲ့တိုရဲ့ကောက်ရိုးမျှင်


ကမ္ဘာကြီးမှာ
အိုဇုန်းလွှာပေါက်ပြဲ အပူချိန်ကလွန်ကဲ
တောမီးလည်းလောင် တောလည်းပြောင်ခဲ့ပြီ။

ဆူနာမီဆိုလား ၊ လာနီညာဆိုလား
နာဂစ်ဆိုလား ၊ ဘာဖြစ်ဆိုလား
ရေလှိုင်းကြားကအသံ ဆူညံစွာနဲ့ပေါ့။

ရေခဲတောင်တွေပြိုကွဲ မြစ်ရေတွေလျှံဆဲ
မိုးခေါင်လို့ပတ်ကြားအက် ၊ ရေတက်လို့မြေပြို
ငလျင်တွေဆိုတာ မရပ်မနား။
သတ္တဝါတွေမှာ ကျီးလန့်စာစား။

ဒါနဲ့တောင်မှ ၊ လောဘနဲ့ပူလောင်
တဏှာရဲ့ရှေ့ဆောင်မှုနဲ့
စစ်မက်တွေဖြန့်ခင်း
သဘာဝမြက်ခင်းစိမ်းများ
အနက်ရောင်ဖြစ်သွား
လောကအလှတရား ပျောက်ကွယ်လုနီးပါး။

သက်ရှိသတ္တဝါများ ၊ ခိုကိုးရာရှား
ကယ်သူမဲ့ပြီလား။
မိုးကောင်းကင်တစ်နေရာ
အလုအယက်ဖွေရှာပြီး
သတ္တဝါများ နေရာဦးထားကြရအောင်။..........။


မေမေ (နဝဒေး)

ဆက်ဖတ်မယ်ဆိုရင် ...

Friday, August 20, 2010

အလွမ်း.........

ဝေးကွာနေသည့် အချိန် သတိရစွာ လွမ်းနေသည်။ သန့် ရှင်းစိုအေးသည့်မြေသင်းအနံ့ ကို လွမ်းလျက်။
တောင်စဉ်တန်းကြီးသည် မြောက်မှ တောင်သို့ သွယ်တန်းနေ၏။
တောင်ခြေရင်း၌ ရွာကလေး တစ်ရွာ။ ရွာအလယ်လမ်းမကြီးသည် တောင်စဉ်တန်းနှင့်အပြိုင်
မြောက်မှ တောင်သို့ ဖောက်လုပ်ထားလေသည်။ မြေနီလမ်းကလေး တစ်ခုသည် ရွာအလယ်
လမ်းမကြီးမှ ခွဲထွက်ပြီး တောင်ကုန်းလေး တစ်ခုအပေါ်သို့ တက်သွား၏။

တောင်ကုန်းလေး အပေါ်ညီညီညာညာရပ်နေကြသည့် သစ်တိုင်ခြံစည်းရိုးလေးတစ်ခု၊
တံခါးစောင့်တစ်ယောက်လို စူးစမ်းနေတတ်သည့် မချက်စုခေါ်သရက်ပင်အိုကြီးတစ်ပင်၏
အနောက်နား သဲဖြူပါးပါးခင်းထားသည့် ခပ်ကျယ်ကျယ် မြေကွက်လပ်အဆုံးမှာတော့ ဓနိမိုးထား
သည့် ခြေတံရှည်ရှည် သစ်အိမ်လေးတစ်ဆောင် သို့ မဟုတ် အမေ့အိမ်..........။
မိဘ၏ မေတ္တာရနံ့ များထုံသင်းနေတတ်သော၊ ညီအစ်ကို မောင်နှမများ၏ နွေးထွေးမှု
များလွမ်းခြုံနေတတ်သော နေရာလေးတစ်ခုပေါ့......။
အေးစိမ့်စိမ့် လေတိုက်လျက် မှိုင်းဝေနေသည့် ကြယ်ရောင်အောက် အမေ့အိမ်ခေါင်မိုး
ထက်မှာ မြူတွေ နားနေတတ်၏။ ဒီလို မနက်စောစောဆို ပတ်ဝန်းကျင်က အိပ်မောကျနေလေရဲ့။
အွတ်....အီး.......အီး........
ကြက်ဖကြီး၏ သြကာသလောကကိုပထမဆုံး နိုးလိုက်တဲ့ အချိန်မှာတော့ အိပ်မောကျနေသည့်
ပတ်ဝန်းကျင်က အိပ်မှုံစုံဖွား အလန့် တကြားနိုးထခဲ့လေရဲ့။ ချမ်းအေးလန်းဆန်းလှသည့် မနက်ခင်း
အာရုံတက်ချိန်မှာ မီးခိုးတအူအူနှင့် ငါ့လင်၊ငါ့သားစားဖို့ ချက်ပြုပ်နေသည့် အမေအိုနား ရေနံဆီမီး
ခွက်ငယ်လေးတစ်လုံးက မှိန်တုတ်မှိန်တုတ်အဖော်ပြုနေလေရဲ့။
သြကာသမှအစ၊ အမျှအမျှ....သတ္တဝါများကျန်းမာပါစေ၊ သတ္တဝါများချမ်းသာပါစေ၊
အမေ့ရဲ့ မေတ္တာပို့ သံအဆုံးမှာတော့" ကျွတ်...ကျွတ် " လို့ အိမ်မြှောင်စုတ်ထိုးသံလေးကို အမေအို
နားထောင်ရင်း ပြုံးနေမှာပေါ့လေ။
အဖေ့ရဲ့ မျက်နှာသစ် ပလုပ်ကျင်းသည့်အသံ၊ အမေ့ရဲ့ "သားထတော့ စာကျက်ချိန် ရောက်
ပြီ "ဆိုတဲ့ အသံက စိမ့်အေးအေးတိုက်နေသည့် ဆောင်းလေနှင့်အပြိုင် အိပ်ယာထဲ ဆက်ကွေးချင်နေ
သည့် ငပျင်းလေးတွေကို " ငါတို့ သေရင် သားတို့ ကိုပေးဖို့ ပစ္စည်းဥစ္စာမရှိဘူး...ငါတို့ ပေးနိုင်တာ
ကျောင်းပညာပဲ့ရှိတယ်။ စာကြိုးစားကြ၊ စာထကျက်ကြ " ဟု ခပ်ငေါက်ငေါက်အော်နိုးနေသည့်
အမေ့ရဲ့ အသံက ပညာတတ်ဖြစ်စေချင်သည့်ဆန္ဒတွေနဲ့ အတူ တစ်အိမ်လုံးကိုလွှမ်းမိုးနေလေရဲ့။
သားတို "့လာကြည့်ကြ "ဆိုတဲ့ အဖေ့ရဲ့အသံနှင့်အတူ.............
အမေ့အိမ်လေသာစင်မှ အရှေ့ကို မျှော်ကြည့်လိုက်ရင် မျက်စိတစ်ဆုံးမှာ မှိုင်းပြပြအရှေ့ရိုးမ
တောင်တန်းကြီးက ဝါဂွမ်းလိုခပ်ထူထူ မြူနှင်းတွေကို ခြုံရင်းလဲလျောင်းနေလေရဲ့။ ရုတ်တရက်
ပတ္တမြားလို နီရဲရဲနေလုံးကြီးက မြူနှင်းခြုံထားသည့် တောင်တန်းကြီး၏ ခေါင်းရင်းမှ ဖြည်းညင်းစွာ
ခေါင်းပြူ၍မဝံ့မရဲချောင်းကြည့်နေလေရဲ့။ နေလုံးကြီး မဝံ့မရဲဖြစ်နေသည့်အချိန် မှိုင်းညို့ညို့ကောင်းကင်မှာ
ပန်းချီဆရာတစ်ယောက်က ဆေးရောင်စုံကိုအဝတ်ဖြူတစ်ခုအပေါ်ပက်ဖျန်းလိုက်သလို နီ၊ဝါ၊ရွှေ၊ပြာ
ရောင်စဉ်တန်းတွေနဲ့လှပနေလေရဲ့။ ဆေးရောင်စုံနှင့်လှပနေသည့်တိမ်လွှာများ
လည်းပျော်ရွှင်စွာကခုန်နေလေရဲ့။ ရှင်းသန့် လတ်ဆတ်သည့် လေနုအေးအေးတစ်အုပ် မြူနှင်းပါးပါး
ခေါင်းပေါ်ခြုံအိပ်မောကျနေသော ရွှေဝါရောင်စပါးခင်းလယ်ကွင်းများအပေါ်တိုးဝှေ့ နေလေရဲ့။
ရွာလယ် လမ်းမကြီးတစ်ဖက်တစ်ချက် တောသူတောင်သားလယ်သမားတို့ ရဲ့
မှိန်တုတ်မှိန်တုတ်မီးရောင်နဲ့ အတူ ညီညီညာညာဝပ်နေကြသည့် ဓနိမိုးအိမ်လေးများ၏ ခေါင်မိုး
ပေါ် မီးရထားစက်ခေါင်းလိုတလူလူထွက်နေသည့် မှိုင်းညစ်ညစ်မီးခိုးများ ယှက်သိုင်းလျက်ပေါ့။
ခွန်အားအသစ်တွေနဲ့အတူ နိုးထလာကြသည့် ကျေးငှက်တွေရဲ့ နှုတ်ခွန်းဆက်သံ မာဂဓဘာသာ
စကားနဲ့ အတူ သဘာဝပန်းချီကားဟာ အသက်ဝင်နေလေရဲ့။
ငယ်ငယ်က ငပျင်းလေး၏ အသက်ဝင်နေသော အမေ့အိမ်နံနက်ခင်းအာရုံတက်ချိန်လေးပေါ့။
အမေ့အိမ်ကို လွမ်းသည်။ နံနက်ခင်းလေးကိုလွမ်းသည်။ သားလာကြည့်ဆိုသည့် အဖေခေါ်ပြသည့်
အသက်ဝင်နေသည့်ပန်းချီကားကို လွမ်းသည်။

ဆက်ဖတ်မယ်ဆိုရင် ...

Wednesday, August 18, 2010

မြင်းမိုရ်တေးသံ (သို့) အမေ့ထံမှပေးစာ


၁၃၊ ဂ၊ ၁၀

သားကြီးရေ

အမေလေ
အသက်သာငါးဆယ်ကျော်
ငါ့သားလောက် မတော်တော့
ရှက်လိုက်တာ သားရယ်။

ဒီသား ဒီသမီးတွေအတွက်
မျှော်လင့်ချက်တွေတသီကြီးနဲ့
ပြည့်တယ်လို့ကို မရှိ
လောဘကြီးခဲ့မိတယ်။

အမေလေ
မျက်နှာကိုမော့ ခါးကိုကော့ပြီး
လက်မကိုထောင် အတ္တကောင်ပီပီ
ကြွားချင်ခဲ့မိပေါ့။

တကယ်တော့
အနတ္တခန္ဓာ အနိစ္စပါလို့ မမြင်
နိစ္စလို့ထင်ခဲ့။
ဒုက္ခကို သုခလိုမင်ပြီး
ပင်ပန်းခြင်းကိုမသိခဲ့။

ပီတိကိုစားအားရှိ နွမ်းရိတဲ့ကိုယ်ခန္ဓာ
ဝေဒနာမျိုးစုံနဲ့ချိနဲ့၊
အဝိဇ္ဇာ တဏှာ ထောက်တိုင်နဲ့ ကျားကန်
အမှားအမှန်မခွဲခြား တရားသဏ္ဍာန်မကွဲပြား
အမေ့သားလို မငြိမ်းချမ်းခဲ့။

အခုတော့
သားညွှန်တဲ့လမ်း အမေလှမ်းလျှောက်
လမ်းမပျောက်တော့ပါဘူးကွယ်။...........။

မေမေ (နဝဒေး)



ထုံးစံအတိုင်း အမေလက်တန်းရေးပြီး လူကြုံနဲ့ပေးလိုက်တဲ့ စာ(သို့)ကဗျာပါ။ ဒီစာကို ဟိုး မိုင်ထောင်ချီဝေးတဲ့အမေ့အိမ်ကနေ တကူးတက သယ်ယူလာပေးခဲ့တဲ့ သူငယ်ချင်း ဖြူမရဲ့ ကျေးဇူးတရားကို ဒီကဗျာနဲ့အတူ ဂုဏ်ယူစွာ မှတ်တမ်းတင်ထားပါရစေ။..........။

ဆက်ဖတ်မယ်ဆိုရင် ...

Monday, August 16, 2010

သုံးဆယ်မို့ ပြုံးရယ်ဖို့ အနော်မာသို့ ခြေလှမ်းများ (၃)


ကျေးတောလက်မှာ သီတင်းသုံးတော်မူကြတဲ့ ရဟန်းတော် ၃-ကျိပ်တို့ဟာ ဘုရားဖူးရအောင် သာဝတ္ထိမြို့ကို လာကြပါတယ်။ နောက်တစ်နေ့မှာ သာဝတ္ထိမြို့တွင်းကို ဆွမ်းခံဝင်ကြပါတယ်။ ထောင်နားကို ရောက်သွားတဲ့အခါ ထောင်ထဲမှာ ချုပ်ထားတဲ့ ခိုးသားတွေကို တွေ့လာကြရပါတယ်။ ညနေချိန်မှာ ဘုရားဆီ ဆည်းကပ်ပြီး -

“ရှင်တော်မြတ်ဘုရား၊ ဒီနေ့ ဆွမ်းခံသွားရင်း ထောင်ထဲမှာ ထိတ်တုံးတွေ၊ ကြိုးတွေ၊ သံခြေကျင်းတွေနဲ့ ချည်နှောင်ချုပ်ထားတဲ့ ခိုးသားတွေကို တွေ့လာကြရပါတယ်။ သူတို့တစ်တွေဟာ အင်မတန် ဆင်းရဲဒုက္ခ ရောက်နေကြပါတယ်။ အဲဒီ အချုပ်အနှောင်တွေကို ဖြတ်ပြီး မပြေးနိုင်ကြတော့ပါဘူး။ ဒါထက် ခိုင်မြဲတဲ့ အခြားအနှောင်အဖွဲ့များ ရှိပါသေးသလား”။

ဒီလို လျှောက်ထားကြပါတယ်။ အဲဒီစကားကို ကြားရတော့ ဘုရားရှင်က -
“ရဟန်းတို့ ၊ ဒီအနှောင်အဖွဲ့မျိုးဟာ ပြောပလောက်တဲ့ အနှောင်အဖွဲ့မျိုး မဟုတ်ပါဘူး။ ဥစ္စာ၊ စပါး၊ သား၊ မယားစတဲ့ဟာတွေကို တပ်မက်တတ်တဲ့ “တဏှာ” ဆိုတဲ့ အနှောင်အဖွဲ့ဟာ အဲဒီထိတ်တုံးတွေ၊ ကြိုးတွေ၊ သံခြေကျင်းတွေထက် အဆအရာ၊ အဆအထောင်၊ အဆအသိန်းမကအောင် ခိုင်မြဲလှပါတယ်”။
ဒီလို ဘုရားရှင် မိန့်တော်မူလိုက်ပါတယ်။


အရှင်ကုမာရ ၏ ဗုဒ္ဓအလိုတော်ကျ ကျင့်သုံးနေထိုင်နည်း” ၊ ပဉ္စမအကြိမ်၊ ၁၉၉၈ မတ်လ၊ စာ ၃၃၈-၃၃၉ မှ ထုတ်နုတ်ပါသည်။

ဆက်ဖတ်မယ်ဆိုရင် ...

Thursday, August 12, 2010

ဓမ္မပူဇာ

ကိလေသာပူပူ
ကြွပ်ကြွပ်ဆူသည်
ဘယ်သူမပြု ၊ မိမိမှုဟု
ယခုသိက ၊ ခုအေးမြ၍
အကာလိက ၊ မြတ်ဓမ္မကို
ရွှင်ပျရိုကျိုး ၊ လက်စုံမိုး
ရှိခိုးပါ၏ဘုရား။.........။

မာရေးသျှင်
သြဂုတ်လ ၁၂ ရက်၊ ၂၀၁၀ - နံနက် ၉ နာရီ။

ဆက်ဖတ်မယ်ဆိုရင် ...

Sunday, August 8, 2010

ကဗျာဆရာ လူငယ်တစ်ယောက်သို့ ပေးစာ အမှတ်နှစ်

အမှန်မင်္ဂလာရှိတဲ့ သန်စင်တဲ့ အသက်ရှင်နည်းဖြစ်လို့ အဲဒီနည်းအတွက် ခင်ဗျားကိုယ်ခင်ဗျား လေ့ကျင့်ပါလေ။ လာသမျှကိုယူ ယုံကြည်စိတ်ချလျက်နဲ့ယူ။ ခင်ဗျားရဲ့ ဆန္ဒက ထွက်လာသမျှ ခင်ဗျားရဲ့ အဇ္ဈတ္တလိုအင်က ထွက်လာသမျှ ကိုယ့်အပေါ်မှာတင်လိုက်ပါ။ ဘယ်အရာကိုမှ မမုန်းလိုက်နဲ့။ ရမ္မက်စိတ်ကတော့ ခက်ခဲတဲ့ဟာ အမှန်ပဲ။ ဒါပေမယ့် ယုံကြည်လေသမျှ ဘယ်အရာမဆို ခက်ခဲတာချည်းပဲ။ လေးနက်လေသမျှ အရာတွေဟာ ခက်ခဲတာချည်းပဲ။ အင်း….ဘယ်အရာမဆိုကလည်း လေးနက်ဖို့ လိုတာချည်း။ ခင်ဗျားအနေနဲ့ အဲသလိုသာ သတိပြုမိပြီး ကိုယ့်ပါရမီနဲ့ ကိုယ်သဘာဝအလျောက် ကိုယ့်အတွေ့အကြုံနဲ့ ကိုယ့်အင်အားနဲ့ ကိုယ့်ကိုယ်ကိုယ်ဆုံးရှုံးမှာကို ကြောက်တော့မယ်မဟုတ်။


ဝပ်စ်ဝီဒီ၊ဘရီမင်

၁၆ ဇူလိုင်၊၁၉၀၃



ဆရာလေး



လွန်ခဲ့တဲ့၁၀ရက်က ကျူပ်ပါရီကထွက်ခဲ့တော့ ပင်ပန်းပြီး ကောင်းကောင်းလည်း နေမကောင်း။ မြောက်ပိုင်းလွင်ပြင်ကြီးရဲ့ ကျယ်ပြန့်ခြင်း၊ တိတ်ဆိတ်ငြိမ်သက်ခြင်းနဲ့ မိုးကောင်းကင်ဟာ ကျုပ်ကိုနေကောင်းအောင် လုပ်နိုင်ကောင်းပါရဲ့။ ဒါပေတဲ့ ကျုပ်ရောက်တာက မိုးရွာနေတဲ့အချိန်။ ဒီကနေ့တော့ မိုးစဲလေသာတဲ့ ပထမဆုံးနေ့။ တောက်ပနေတဲ့အခိုက်အတန့်ကိုပဲ အခွင့်ကောင်းယူပြီး ခင်ဗျားကို နှုတ်ဆက်လိုက်ပါတယ်။


ချစ်ခင်သော ဆရာလေး၊ ခင်ဗျားရဲ့စာတစ်စောင်ကို မပြန်ပဲထားတာကြာပြီ။ မေ့လို့မဟုတ်ပါ။ တကယ်တော့ အဲဒီစာက တစ်ကြိမ်တလေတော့ ပြန်ဖတ်ရတဲ့ စာအမျိုးအစား။ အဲဒီစာထဲမှာ ခင်ဗျားနဲ့ ကျုပ်နဲ့ဟာ အလွန်နီးနေသလိုဖြစ်၏။ မေလ ၂ ရက်ကရေးတဲ့စာကို ခင်ဗျားမှတ်မိပါလိမ့်မည်။


အကွာအဝေးကြောင့် တိတ်ဆိတ်နေဆဲ၊ ခင်ဗျားရဲ့စာကို ကျုပ်ဖတ်နေရင်း ဘဝအတွက် ခင်ဗျားသောက ရောက်နေတာကို ကျုပ်ခံစားရသည်။ ပါရီမှာထက် ပို၏။ ပါရီမှာက အရာဝတ္ထုတွေဟာ ပဲ့တင်ထပ်လိုက် အဝေးကို မှိန်ဖျော့ပျောက်သွားလိုက်နဲ့ ဆူညံနေကြလွန်းလို့ တုန်ခါနေသည်။ သည်ဆီမှာတော့ ဧရာမ ရှုခင်းကျယ်ကြီးက ကျုပ်ကိုဝိုင်းထား၊ ပင်လယ်က လာတဲ့လေတွေက ရှုခင်းကျယ်ကြီးကိုဖြတ်ပြီး ရွေ့နေ။ ကျုပ်ထင်တာကတော့ ခင်ဗျားရဲ့ မေးခွန်းတွေ၊ ခင်ဗျားရဲ့ ဝေဒနာတွေကို ဖြေနိုင်သူ ဘယ်ဆီဘယ်ဝယ်မှာ ဘယ်သူမှ ရှိမည်မဟုတ်။ မေးခွန်းတွေနဲ့ ဝေဒနာတွေက သူတို့ ကိုယ်ပိုင်အသက်ရှိနေသကိုး။ စကားတတ်ပါတယ်ဆိုတဲ့ သူတွေတောင်မှ ဖြေနိုင်မည်မဟုတ်။ စကားလုံးတွေနဲ့ပြောဖို့က အလွန်သိမ်မွေ့လွန်းတာကိုး။ ပြောလို့မဖြစ်နိုင်တဲ့ဟာတွေကိုး။ ဒါပေတဲ့လည်း ခင်ဗျားအနေနဲ့ ပြေလည်အောင် မဖြေရှင်းဘဲ ဒီအတိုင်းနေလို့ကလည်း မဖြစ်ဘူးလို့ ထင်သည်။ အကယ်လို့သာ ယခု ကျုပ်မျက်စိနဲ့ မြင်နေရတဲ့ အရာတွေကဲ့သို့သော အရာဝတ္ထုတွေအပေါ်မှာ ခင်ဗျားယုံကြည်မှုရှိတယ်ဆိုပါရင်။ အကယ်၍သာ ခင်ဗျားအနေနဲ့ သဘာဝကြီးကိုယုံ၊ သဘာဝထဲက ရိုးတဲ့ရှင်းတဲ့အရာတွေကို ယုံတယ်ဆိုရင်။ ပထမတော့ မြင်ဖို့ခက်ခဲပေတဲ့ ရုတ်တရက်ချက်ချင်း အဆုံးအစမရှိ အလွန်ကြီးလေးလာတတ်တဲ့ အရာဝတ္ထုသေးသေးလေးတွေကို ယုံတယ်ဆိုရင်။ အကယ်၍သာ နှိမ့်ချရိုကျိုးခြင်းကိုချစ်တဲ့စိတ် ခင်ဗျားမှာရှိပြီး ဆင်းရဲသားတွေရဲ့ ယုံကြည်မှုကိုရဖို့ အကျိုးဆောင်နေတဲ့သူတစ်ယောက်လို ရိုးရိုးသားသား ကြိုးစားတယ်ဆိုရင်။ အဲသလိုဆိုရင်တော့ ဘယ်အရာမဆိုဟာ ခင်ဗျားအတွက် လွယ်ကူလာမှာ အမှန်ဖြစ်သည်။ ပိုပြီးတော့ အညီအညွှတ် ပြေပြေပြစ်ပြစ်ဖြစ်လာမည်။ သိစိတ်ထဲတော့ ဟုတ်ချင်မှဟုတ်မည်။ နောက်ဆီမှပဲ ဖြစ်မည်။ ခင်ဗျားက အလွန်ငယ်သေးသည်။ အစနိဒါန်းတောင်မှမပျိုးသေးတဲ့အရွယ်။


ဆရာလေး၊ ခင်ဗျားကို ကျွန်တော် တောင်းပန်ချင်တာက ခင်ဗျားအသည်းနှလုံးနဲ့ ပြေလည်အောင် မဖြေရှင်းနိုင်တဲ့ ဘယ်အရာကိုမဆို သည်းခံပါလေ။ မေးခွန်တွေကို ချစ်ပါလေ။ သော့ခတ်ထားတဲ့ အခန်းတွေလို၊ ကိုယ်မတတ်တဲ့ ဘာသာစကားနဲ့ ရေးထားတဲ့ စာအုပ်တွေလို၊ ထိုထိုမေးခွန်းတွေကို ချစ်ပါလေ။ အဖြေတွေကိုမရှာလေနဲ့။ ခုချက်ချင်း ခင်ဗျားကို အဖြေပေးနိုင်မှာမဟုတ်လို့ဖြစ်သည်။ အဲသည်အဖြေတွေနဲ့ ခင်ဗျားနေနိုင်မှာမဟုတ်လို့ ဖြစ်သည်။ တကယ်က အားလုံးနဲ့နေလိုက်ဖို့ ဖြစ်သည်။ မေးခွန်းတွေနဲ့ပဲ ခုအချိန်မှာနေပါလေ။ အနာဂတ်တစ်နေ့နေ့မှာတော့ တဖြည်းဖြည်းနဲ့ အဖြေတွေ ခင်ဗျားရလိမ့်မည်။ သတိတောင် မထားမိဘဲရလိမ့်မည်။ တကယ်တော့ ခင်ဗျားရဲ့အထဲမှာ ဖန်တီးခြင်းတည်ဆောက်ခြင်းကို သယ်ကောင်းသယ်လာမှာကိုး။


အမှန်မင်္ဂလာရှိတဲ့ သန့်စင်တဲ့ အသက်ရှင်နည်းဖြစ်လို့ အဲဒီနည်းအတွက် ခင်ဗျားကိုယ်ခင်ဗျား လေ့ကျင့်ပါလေ။ လာသမျှကိုယူ ယုံကြည်စိတ်ချလျက်နဲ့ယူ။ ခင်ဗျားရဲ့ ဆန္ဒက ထွက်လာသမျှ ခင်ဗျားရဲ့ အဇ္ဈတ္တလိုအင်က ထွက်လာသမျှ ကိုယ့်အပေါ်မှာတင်လိုက်ပါ။ ဘယ်အရာကိုမှ မမုန်းလိုက်နဲ့။ ရမ္မက်စိတ်ကတော့ ခက်ခဲတဲ့ဟာအမှန်ပဲ။ ဒါပေမယ့် ယုံကြည်လေသမျှ ဘယ်အရာမဆို ခက်ခဲတာချည်းပဲ။ လေးနက်လေသမျှ အရာတွေဟာ ခက်ခဲတာချည်းပဲ။ အင်း….ဘယ်အရာမဆိုကလည်း လေးနက်ဖို့ လိုတာချည်း။ ခင်ဗျားအနေနဲ့ အဲသလိုသာ သတိပြုမိပြီး ကိုယ့်ပါရမီနဲ့ ကိုယ်သဘာဝအလျောက် ကိုယ့်အတွေ့အကြုံနဲ့ ကိုယ့်အင်အားနဲ့ ကိုယ့်ကိုယ်ကိုယ်ဆုံးရှုံးမှာကို ကြောက်တော့မယ်မဟုတ်။


ကိုယ်ကာယ နှီးနှောလို့ရတဲ့ အရသာက ဖသ အတွေ့အကြုံပဲ။ ကြည့်ခြင်းသက်သက်ကရတဲ့၊ သစ်သီးတစ်လုံးစားလို့ လျှာကရတဲ့ ခံစားမှုနဲ့ ဘာမှကွာတာမဟုတ်။ အတိုင်းအဆမဲ့ ကျွန်တော်တို့ သင် စရာလောကရဲ့ပညာဟာ ပညာတကာထဲက ခမ်းနားတဲ့ပညာပဲ။ ဒါကို လက်ခံတာဟာ မကောင်းဘူးရယ်လို့ မဟုတ်။ မကောင်းတာက ဖြုန်းတီးတာဖြစ်သည်။ ကိုယ့်ကိုယ်ကိုယ် စုစည်းဖို့နည်းလမ်း တစ်ခုအနေနှင့် မသုံးဘဲ ဘေးဖဲ့ထွက်သွားပြီး စိတ်ကြွဆေးတစ်ခုလို သုံးတာဖြစ်သည်။ ဥပမာ အစာစားတယ်ဆိုပါစို့။ စားခြင်းသည် လိုအပ်ချက်။ ဒါပေတဲ့ လူတွေက အစာစားခြင်းကို တစ်မျိုးတစ်မည် လုပ်ပစ်လိုက်ကြသည်။ ကြည်လင်နေတာကို နောက်ကျိအောင်လုပ်သည်။ တကယ်ကို လိုအပ်တဲ့ လိုအပ်ချက်ရိုးရိုးလေးတွေ (ဘဝဟာ ဒါလေးတွေနဲ့ ပြန်ပြီး အသစ်သစ်ပြန်ဖြစ်ရတာ) ဟာ နောက်ကျိကုန်သည်။ ဒါပေတဲ့ ပုဂ္ဂိုလ်တစ်ဦးတစ်ယောက်ဟာ သူ့ ကိုယ်သူတော့ ရှင်းအောင်နေနိုင်သည်။ ကြည်လင်စွာ နေနိုင်သည်။ မှီခိုနေရတဲ့သူဆိုရင်တော့ ဒါမျိုးမလုပ်နိုင်ဘူးပေါ့။ ဒါပေတဲ့ အမှီအခိုကင်းတဲ့ တစ်ကိုယ်တည်း ပုဂ္ဂိုလ်ကတော့ ဒါမျိုးဖြစ်နိုင်သည်။


သူ့အနေနဲ့ အကောင်ပလောင်တွေနဲ့ အပင်တွေမှာရှိတဲ့ အလှဟာ ဆိတ်ဆိတ်ငြိမ်ငြိမ်နဲ့ ကြာရှည်တည်တံတဲ့ အလှပုံသဏ္ဍာန်တစ်ခုပဲလို့ အောင်းမေ့နိုင်သည်။ အကောင်တွေ အပင်တွေဟာ ဇွဲနဲ့ စိတ်ထက်သန်မှု စုပေါင်းတယ်၊ တိုးပွားအောင် ရှင်သန်တယ်။ ရုပ်ပိုင်းအရသာကြောင့်မဟုတ် ရုပ်ပိုင်းဝေဒနာကြောင့်မဟုတ်ဘဲ ဒီနှစ်ခုထက်ပိုတဲ့ လိုအပ်ချက်ကြောင့်ဆိုတာတွေကြောင့်ပဲ။ အသက်ရှင်သန်ခြင်းဆိုတာက ဆန္ဒတို့ ခံနိုင်စွမ်းတို့ထက် ပိုပြီးအားကြီးတာကိုး။ လူသားတွေသာ ဒီလျှို့ဝှက်နက်နဲမှုကို ရိုရိုကျိုးကျိုး ရယူသိမ်းပိုက်နိုင်ရင်( ကမ္ဘာလောက အရာဝတ္ထုတွေတောင်မှ ဒါမျိုးတွေရှိနေသည်)။ ထမ်းပိုးနိုင်ရင်၊ သည်းခံနိုင်ရင် ပိုပြီးနည်းလမ်းတကျဖြစ်ရင် ဒီကိစ္စကို ပေါ့ပေါ့မဟုတ်ဘဲ အလွန်လေးနက်တဲ့အရာလို့ ခံစားမယ်ဆိုရင်။ လျှို့ဝှက်နက်နဲမှုအား ရိုကျိုးခြင်း၊ ထိုရိုကျိုးခြင်းရဲ့ ကျေးဇူးများပုံကို ပိုပြီးသိတယ်ဆိုရင်။ လျှို့ဝှက်နက်နဲမှုဟာ တကယ်တော့ တစ်ခုတည်း။ ရုပ်ရယ်၊ နာမ်ရယ်လို့ ခွဲနေပေတဲ့ စိတ်က ဖန်ဆင်းမှုဟာလည်း ရုပ်ကထွက်လာသော သူ့သဘာဝတစ်ခုမျှသာ။ ပို၍သိမ်မွေ့နူးညံ့ ပို၍ဘဝင်ခိုက် ကာယိကခံစားမှု ထပ်ခါတလဲလဲဖြစ်တာပဲ ကွာ၏။ ဖန်ဆင်းသူဖြစ်တယ်၊ မွေးစားသူဖြစ်တယ်၊ ပုံဖော်သူဖြစ်တယ်ဆိုတာမျိုးက၊ အဆက်မပြတ် သေချာအောင်လုပ်၊ ကမ္ဘာလောကထဲ ထင်ရှားဖော်ပြခြင်းမရှိရင် ဘာမှမဟုတ်။ အရာဝတ္ထုတွေ၊ တိရစ္ဆာန်တွေဆီက သဘောတူညီချက် အဆတစ်ထောင်မပါရင် ဘာမှမဟုတ်။ ဖန်ဆင်းလို့ရတဲ့ သောမနဿဟာ မဖော်ပြနိုင်အောင် လှနေ၊ ကြွယ်ဝနေသည်မှာ မွေးဖွားဖြစ်ထွန်းလာခြင်း ကုဋေကဋာဆီက အမွေရလာတဲ့ မှတ်ဥာဏ်တွေနဲ့ပြည့်နေလို့။


တီတီထွင်ထွင် အတွေးတစ်ခုဟာ မေ့လျော့နေတဲ့ အချစ်ညတစ်ထောင် အသက်ပြန်ဝင်ခြင်း။ အဲသလို အချစ်ညတစ်ထောင်က အလွန်ခမ်းနားတဲ့ အကြည်ဆိုက်ခြင်းနဲ့ ဖြည့်ပေးလိုက်သည်။ ပြီးတော့ ညတွေမှာ ရောက်ရှိလာလျက် ရွှင်မြူးခြင်းနဲ့ ယစ်နေသူတွေက ရိုသေလေးမြတ်ဖွယ်တစ်ခု လုပ်သည်။ အနာဂတ် ကဗျာဆရာတွေ သီဆိုဖို့ သီချင်းတွေအတွက် အင်အား၊ အနက်အရှိုင်းနှင့် အချိုအမြိန်ကို ရှာသည်။ ပြောလို့ မဖြစ်နိုင်တဲ့ပီတိကို ပြောဖို့ ကဗျာဆရာတွေက ပေါ်လာသည်။ သူတို့က အနာဂတ်ကို ဖော်ထုတ်သည်။ သူတို့ အမှားအယွင်း တစ်ခုတလေရှိသော်မှ မျက်စိစုံမှတ်ပြီးပြုသော်မှ အနာဂတ်က လာမည်၊ လူအသစ် ပေါ်ပေါက်လာမည်။ အဲသည်ဆီမှာ ပြီးမြောက်တယ်လို့ ထင်ရလျက် ကြုံကြုံကြိုက်ကြိုက်ဖြစ်ခြင်း အပေါ်၌ အခြေခံသော နိယာမတစ်ခု နိုးလာမည်။ အားရှိလျက် သန္နိဠာန်ချထားသော မျိုးစေ့သည် သူနှင့် တွေ့ဆုံရန် တာစူနေသော ဥဆဲလ်ဆီကို ထိုနိယာမအား ဖြင့်လမ်းပေါက်သွားမည်။


အပေါ်ယံရွှေမှုန်ကြဲတွေနဲ့ ဇဝေဇဝါမဖြစ်စေနှင့်။ နက်နက်ရှိုင်းရှိုင်း ဖြစ်ပြီဆိုရင် နိယာမတွေ ဖြစ်လာစမြဲ။ သို့သော်ငြား လျှို့ဝှက်နက်နဲမှုကို တလွဲသုံးတဲ့လူတွေကတော့ (ဒါမျိုးလူတွေအများကြီး) ထိုအရာတို့ကို ရလိုက်မှာမဟုတ်။ ပိတ်ထားသော စာအိတ်တစ်အိတ်ကို အထဲမှာ ဘာပါမှန်းမသိဘဲ လက်ဆင့်ကမ်းလိုက်တဲ့ သူလိုပဲဖြစ်မည်။ အမည်နာမတွေက အများကြီး။ ဘဝဆိုတာ ရှုပ်ထွေးပွေလီလှပါကလားလို့ ပဟေဠိဖြစ်မနေနှင့်။ အမည်တွေနဲ့ ပွေလီမှုတွေရဲ့ အထက်ဆီမှာ ကြီးကျယ်ခမ်းနားတဲ့ မိခင်ဆိုသော (မွေးဖွားပေးနိုင်သော) တစ်စုံတစ်ရာရှိလေရဲ့။ ကျွန်တော်ဆိုလိုသော မိခင်ဟူသည် နောင်ဖြစ်မည့်အကြောင်းအား စိတ်မှာ မြင်ယောင်နေပြီး ပြင်ဆင်နေခြင်း တမ်းတမ်းတတ မျှော်မှန်းနေခြင်းကို ပြောခြင်းဖြစ်သည်။ ကလေးမလေးတစ်ယောက်ရဲ့ အလှလိုဟာမျိုး၊ ဘာတစ်ခုကိုမှတော့ မပေါက်ရောက်သေး။ မိခင်ရဲ့အလှဆိုတာက မိခင်ဖြစ်ခြင်းပဲဖြစ်သည်။ မိန်းမအိုကြီးမှာတော့ မှတ်မိနေခြင်းပဲရှိသည်။ ယောက်ျားကြီး၌လည်း မိခင်ဖြစ်ခြင်းရှိသည်။ စိတ်ရောကိုယ်ရောရှိသည်ဟု ကျွန်တော်ထင်သည်။ ယောက်ျားကြီးတစ်ယောက်သည် မွေးဖွားခြင်း၏ ပစ္စယဖြစ်သည်။ သူ၏အဇ္ဈတ္တ၌ ပြည့်ဝလာသောအခါ ထိုကဲ့သို့ ဖြစ်လာ၏။


လိင်ဆိုတာက လူတွေထင်တာထက် ပိုပြီးနီးကပ်တဲ့အရာ ဖြစ်ကောင်းဖြစ်မည်။ ကမ္ဘာလောက ပြန်လည်ဆန်းသစ်ခြင်း၌ တစ်ခုသောအဖြစ်အပျက် ပါဝင်ကောင်းပါဝင်မည်။ ထိုအဖြစ်အပျက်ကား မိန်းမနှင့် ယောက်ျားသည် ဆန့်ကျင်ဖီလာဖြစ်နေခြင်းက လွတ်ကင်းလျက်၊ တစ်ဦးကိုတစ်ဦး ဆန့်ကျင်ဘက်တွေအဖြစ် မယူဆတော့ဘဲ နှမနဲ့မောင်လို တွေ့ရှိကာ လူသားကြီးတွေအဖြစ် ပေါင်းစည်းခြင်း ဖြစ်သည်။ ထိုအခါ သူတို့အပေါ်တင်သော ရာဂဆိုတဲ့ဝန်ကို စိတ်ရှည်စွာ ရိုးရှင်းစွာ စိတ်ထက်သန်စွာ ထမ်းနိုင်မည်။


လူတော်တော်များများအတွက် တစ်နေ့နေ့မှာ ဖြစ်လာနိုင်သောအရာမှန်သမျှကို တစ်ကိုယ်တည်းသမားက ယခုချက်ခြင်းပြင်ဆင်နိုင်သည်။ သူ့လက်တွေနဲ့ တည်ဆောက်နိုင်သည်။ အမှားနည်းနည်းပဲရှိမည်။ ဆရာလေးအနေနဲ့ ဧကစာတစ်ကိုယ်တည်းအနေကို နှစ်သက်ပါ။ တစ်ကိုယ်တည်း အထီးကျန်ုလို့ရတဲ့ ဝေဒနာကို သီချင်းသီဆိုလိုက်ပါ။ ခင်ဗျားအနားက လူတွေဟာ ခင်ဗျားနဲ့ဝေးသည်။ အဲသလို ခင်ဗျားရေးခဲ့သည်မှာ ခင်ဗျားရဲ့ပတ်ပတ်လည်က နေရာကျယ်လာလို့ဖြစ်လိမ့်မည်။ ခင်ဗျားအနားမှာရှိတဲ့ အရာတွေက အဝေးမှာ။ ဒါဆိုရင် ခင်ဗျားကိုယ်ရဲ့ ပြန့်ကျယ်ခြင်းဟာ ကြယ်တွေကြားမှာရောက်နေပြီ။ အလွန်ကြီးကျယ်သည်။ ခင်ဗျားရဲ့ ကြီးထွားလာခြင်းအတွက် ပျော်ရွှင်ပါလေ။ ခင်ဗျားအနေနဲ့ ခင်ဗျားနဲ့အတူ တစ်ယောက်တလေမှ ခေါ်မသွားနိုင်ဘူးဖြစ်လိမ့်မည်။ နောက်မှာ ကျန်ရစ်တဲ့သူတွေအပေါ် နူးညံ့ပါလေ။ သူတို့ရှေ့မှာ ယုံယုံကြည်ကြည်နဲ့ တည်တည်ငြိမ်ငြိမ်ရှိပါလေ။ ခင်ဗျားရဲ့ သံသယတွေနဲ့ သူတို့ကိ မညှဉ်းပန်းလေနဲ့။ ခင်ဗျားရဲ့ ယုံကြည်သက်ဝင်မှုနဲ့ဖြစ်စေ ရွှင်လန်းမှုနဲ့ဖြစ်စေ သူတို့နားမလည်နိုင်တာတွေနဲ့ မခြောက်လှန့်လေလနဲ့။ သူတို့ရဲ့ ခံစားချက်နဲ့ တူသော ရိုးရှင်းတဲ့ ခံစားချက်များကို ခင်ဗျားမှာ ရှာဖွေပါလေ။ ကိုယ်က ပြောင်းလဲသွားသော်ငြား ထိုခံစားချက်မျိုးမှာ လိုက်ပြီးမပြောင်း။ သူတို့နဲ့တွေ့သည့်အခါ ကိုယ့်ဘဝမဟုတ်သော်ငြား သူတို့ဘဝကို ချစ်ပါလေ။ အိုမင်းသွားတဲ့ လူတွေကိုလည်း အခွင့်အရေးပေးပါ။ ခင်ဗျားနှစ်သက်တဲ့ တစ်ကိုယ်တည်းဘဝကို သူတို့ကတော့ ကြောက်နေမှာမို့ပါ။ မိဘနဲ့ သားသမီးကြားက ဆွဲဆန့်ထားလို့ တင်းနေတဲ့ ဇာတ်လမ်းကိုတော့ ပိုတင်းအောင်မလုပ်ဘဲ ရှောင်ရှားပါလေ။ ဒါမျိုးက ကလေးတွေရဲ့အင်အားကို ကုန်စေပြီး လူကြီးတွေရဲ့မေတ္တာကို ဖြုန်းပစ်သည်။ လူကြီးတွေဆီက ဘာအကြံဥာဏ်ကိုမှမတောင်းလေနဲ့။ နားလည်လာလိမ့်မည်လို့လည်း မျှော်မှန်းမနေနဲ့။ အမွေပေးဖို့ သိမ်းထားသလို ခင်ဗျားသိမ်းဆည်းထားတဲ့ ချစ်ခြင်းမေတ္တာအပေါ်မှာ ယုံကြည်လိုက်ပါ။ ချစ်မေတ္တာတွေထဲမှာ အားလည်းရှိ ကောင်းချီးသြဘာ မင်္ဂလာလည်းရှိလေရဲ့။ ချစ်မေတ္တာ ဘယ်ကလောက်ကြီးသလဲဆိုရင် ထိုမေတ္တာထဲ၌ ဘေးဘက်ကို ထွက်သွားဖို့ မလိုဘဲနဲ့ ခင်ဗျားကြိုက်သလောက် ခရီးဆန့်လို့ ရသည်။


မကြာခင် အလုပ်တစ်ခုရပြီး ကိုယ့်ခြေထောက်ပေါ် ကိုယ်ရပ်နိုင်မှာကတော့ ကောင်းသည်။ အလုပ်ကြောင့် ခင်ဗျားရဲ့ အဇ္ဈတ္တဘဝ ကျပ်တည်းကျဉ်းမြောင်းသွားလေမလားကိုတော့ စိတ်ရှည်ရှည်နဲ့စောင့်။ ဒါမျိုးက တော်တော်တော့ခက်သည်။ ပုံမှန်လုပ်စရာတွေက ဖိစီးနေပြီး ကိုယ့်နဲ့အဆင်ပြေအောင်လုပ်ဖို့ အခွင့်အရေး မရှိတတ်။ ဒါပေတဲ့ ခင်ဗျားရဲ့ တစ်ကိုယ်တော်နေတတ်ခြင်းက အထောက်အပံ့ အကူအညီပေးလိမ့်မည်။ နားခိုရာ ရမှာပါ။ ကိုယ်နဲ့အလွန်စိမ်းတဲ့ အခြေအနေတွေကြားမှာ နေရသော်ငြားပေါ့။ ဒီလိုအခြေအနေထဲကပဲ ခင်ဗျားရဲ့လမ်းတွေကို ခင်ဗျားတွေ့လိမ့်မည်။ ကျွန်တော်ဆုတောင်းပေးနေပါသည်။


ခင်ဗျားအပေါ်ကျွန်တော် ယုံကြည်မှုရှိနေ၏။


သင့်ရဲ့


ရိန်နာမာရီယာရီလ်ကီ


ရီလ်ကီ၏ပေးစာများ - ကိုတာ၊ ကိုရင်တာ နှစ်ပါးသွား၊ ချင်းတွင်း မဂ္ဂဇင်း၊ အမှတ် ၅၂၊ ဇူလိုင်လ၊ ၂၀၁၀ မှ ထုတ်နုတ်ကူးယူမျှဝေခြင်းဖြစ်ပါသည်။

ဆက်ဖတ်မယ်ဆိုရင် ...