Friday, November 26, 2010

အဖေနဲ့ သား

…..လူတစ်ယောက်သည် သူ၏စိတ်၊ သူ၏အတွေ့ အကြုံ၊ သူ၏အသိ၊

သူ၏ခံယူထားသော စိတ်နှင့်အတူ လုပ်ဆောင်လေ့ရှိသည်။

…….လူတစ်ယောက်သည် သူ၏စိတ်၊ သူ၏အတွေ့ အကြုံ၊ သူ၏အသိ၊

သူ၏ခံယူထားသော စိတ်နှင့်အတူ မေးမြန်းပိုင်ခွင့်၊ ဆုံးဖြတ်ပိုင်ခွင့်ရှိသည်။

အဖေတစ်ယောက်သည် ခလေးငယ်ကိုပြောနေ၏။

“ ဆေးလိပ်မသောက်နဲ့ …..ဆေးလိပ်သောက်ရင် ရောဂါဖြစ်မယ်။

အသက်တိုလိမ့်မယ် “ တဲ့…။

ခလေးသည် အဖေ့ စကားနားမထောင်ဆက်သောက်လေသည်။ အဖေသည်

ဒေါသတကြီး ဆူပူငေါက်ငမ်း၏။ ခလေးက

“ အဖေ…..ဆေးလိပ်သောက်ရင်ဘာဖြစ်လဲ.. အဖေပြောတဲ့ဟာတွေ

ဖြစ်ရင်လည်းဖြစ်ပေါ့။ နောက်မှ ဖြစ်တာ၊ အခုသောက်ရင် ဘယ်လိုရှိလည်း

သိရတာပေါ့၊ အဖေပြောတဲ့ ဟာတွေကို ဂရုမစိုက်ပါဘူး “ တဲ့…..

“ ဘာကွ. မင်းဘာပြောတာလဲ….နားမလည်ဘူးလား ငါပြောတာ

တိရစ္ဆာန်ကောင်……ငါမျှော်လင့်ထားတာက မင်းဟာ နားလည်မယ်လို့ 

ထင်ထားတာ…..အခုတော့ ပြန်ပြောဦးကွာ…

ဗြန်း…ဗြန်း..ဗြန်း…….”၊

အဖေသည် သားလက်ကို ဆွဲပြီး တဗြန်းဗြန်းရိုက်လျက်။

ယူကြုံးမရစိတ်နှင့်အတူ ဒေါသ ပေါက်ကွဲလျက်။

ခလေးသည်လည်း ငိုယိုပြောဆိုလျက်။

ပတ်ဝန်းကျင်သည်လည်း အံ့သြလျက်။

အဖေ ဒေါသထွက်လျက်…၊ ရိုက်လျက်….၊

ခလေးငိုလျက်….၊ ပြောဆိုလျက်…..၊

ပြောဆိုလျက်……၊ ရိုက်လျက်………၊

နောက်ဆုံးတော့ အဖေ လက်ပန်းကျသွားပြီ။ ခလေးသည် ပြောဆို

ငိုလို့ ကောင်းတုန်း။ အဖေ က မလုပ်နဲ့ လို့ ပြောသည်။ သားက

အကြောင်းပြချက်ပေး၏။ ဒီလိုနဲ့  နောက်ဆုံးရလဒ်သည် အဖေ မော

ခလေး ငိုတုန်းပေါ့…နောက်ဆုံးတော့ ခလေးစိတ်ထဲ အဖေရဲ့ အပြုအမူတချို့ ကို

မှတ်ယူတော့သည်။ “ အဖေ သည် ဤလိုမျိုး “….

ပညာရှိသောအဖေသည် သားဆေးလိပ်သောက်နေသည်ကို

ကြည့်နေလိမ့်မည်။ သား၏ အကြောင်းပြချက်၊ အမေးစကား၊ တောင်းခံမှု

ဖြေရှင်းချက်တွေကို နားထောင်မည်။ သား၏စိတ်ထဲ အမြင်များနဲ့အတူ

ခံယူမှုအချို့ ကို ၀ိုးတ၀ါးဖမ်းယူမည်။ ဒီလိုလုပ်ခဲ့ရင် ရလဒ်တစ်ခုသည်

ကွဲပြားစွာထွက်လာလိမ့်မည်။ အခုတော့ ခလေး၏အကြောင်းပြချက်

ခံယူမှုအချို့ ၊ပြန်ပြောစကားကို အဖေကိုယ်တိုင်သိ၏။ သို့ သော်…

သူ၏အသိ၊ သူ၏အတွေ့ အကြုံ၊ သူ၏ခံယူချက်စိတ်ထားနှင့်အတူ

ပိတ်ပြောခဲ့လေသည်။ အဖေ၏ အသိသည် ခလေး၏အသိနှင့်နှိုင်းယှဉ်

လို့ မရ၊ ခလေး၏ အသိသည် အဖေ၏ အသိနှင့်နှိုင်းယှည်လို့ မရ။

ခလေးသည် သူ့ အသက်လောက်သာသိမည်။ နည်းနည်းပိုချင်လည်းပိုမည်။

အဖေသည် သူ့ အသက်လောက်သာသိမည်။ နည်းနည်းပိုချင်လည်းပိုမည်။

အဖေကသိလို့ ပိတ်ပြော၏။ သားက မသိလို့ မေး၏။အကြောင်း

ပြချက်ပေး၏။ အဖေက လက်မခံ..ပိတ်ပြော၏။ ဘက်နှစ်ဖက်သည် မညီမျှ

တော့။ အဖေ့ အတွက် သူပြောသမျှမှန်၏။ ခလေးအတွက် အဖေသည်

သူ့ အတွက် မတရားဟုခံယူပြီ။ ဘက်နှစ်ဖက်သည် မညီမျှခဲ့ လျင် မှန်ကန်

သော တရားမဟုတ်တော့ပေ။ မှန်ကန်သော တရားသည် ဘက်နှစ်ဖက်လုံး

အတွက်ညီတူညီမျှရှိနေလိမ့်မည်။

ပညာရှိသောအဖေသည် သား၏ခံစားမှု၊ ခံယူချက်တွေကို ဖမ်းယူမည်။

မေးမြန်းမည်။ ထို့ နောက်သူဆုံးဖြတ်မည်။ အဖေသည် ခလေးကို ဆေး

လိပ်မသောက်စေချင်ခဲ့လျင် ဆေးလိပ်အကြောင်းကို ခလေး၏စိတ်နှင့်အတူ

ပြောမည်။ အခုဆို အဖေ သည် ခလေး ဖြစ်သွားပြီ။

“ ကောင်လေး…ငါတို့ ဆေးလိပ်အကြောင်း ပိုသိအောင်လုပ်ကြစို့ ။

ကောင်လေး….ဆေးလိပ်က ဘယ်ကလာတာလဲ။ သောက်ပြီးဘယ်လို

အကျိုးများတာလဲ။ ဆိုးကျိုးတွေကရောဘယ်လိုလဲ။ စမ်းသပ်ကြစို့ …”

ဥပမာ..ဆေးလိပ်သောက်တဲ့ လူတွေ လေ့ကျင့်ခန်း လုပ်တဲ့ နေရာတွေ

ကိုခေါ်သွားပြမည်။ ဆေးလိပ်သောက်သူတွေ၏ နောက်ဆုံးဘ၀တွေအကြောင်း

ကိုပြောဆိုမည်။ ဆေးလိပ်သောက်ပြီး သူဝါသနာပါသည့် အားကစားတစ်ခုခုကို

လုပ်ခိုင်းမည်။ ဆေးလိပ်သောက်ပြီးလုပ်တာနဲ့  မသောက်ဘဲ လုပ်သည့် အလုပ်

ဘယ်လို ကွဲပြားခြားနားသလဲဆိုသည်ကို မပြောပဲနှင့်သိလာအောင်လုပ်ပေးမည်။

ဆွေးနွေးမည်။ နားလည်အောင်ရှင်းပြမည်။ ဤသို့ ဆိုလျင်……

သား၏ အကြောင်းပြချက်တွေ အမေးတွေကို အဖေက ညင်သာစွာ၊နားလည်

အောင်ပြောပြခဲ့လျင်…အပြန်အလှန် ကိုယ့်အမြင်၊ သူ့ အမြင် ဆွေးနွေးခဲ့လျင်၊

ရှေ့ ဆက်လမ်းကြောင်းပေါ် အဖေ၏ တာဝန်များ ၊ စိတ်ကူးများကို သား၏

ပုခုံးပေါ် တင်ပေးကောင်း တင်ပေးနိုင်ပေလိမ့်မည်။

သား၏စိတ်ထဲ အဖေ၏ ကိုင်တွယ်ပုံနည်းလမ်းကောင်းအချို့ ၊ ဖြေရှင်းချက်အချို့ 

ကိုသင်ယူလိမ့်မည်။

ထို့ ကြောင့် အဖေအချို့ ..သားသမီးတွေ၏ အကြောင်းပြချက်၊ အမြင်၊ ပြန်ပြော

စကားတစ်ချို့ ကို ပိတ်ပြီးမပြောပါနဲ့ ၊ မရပ်ခိုင်းပါနဲ့ ၊ အတင်းအကျပ်မလုပ်ပါနဲ့ ၊

နားထောင်ပေးလိုက်ပါ၊ ဆွေးနွေးလိုက်ပါ၊ လုပ်ဆောင်ပေးလိုက်ပါ၊ အမြင်များ

ဖလှယ်ပါ။ ညင်သာစွာ၊ သိမ့်မွေ့ စွာ၊ နားလည်စွာ ဖြစ်စေချင်သော ဆန္ဒများကို

သင်ပြပေးနိုင်သော အဖေများ ဖြစ်ကြပါစေလို့ ….

ဆက်ဖတ်မယ်ဆိုရင် ...

Monday, November 22, 2010

ပစ္စက္ခသမိုင်း


လွတ်မြောက်လိုစိတ်မှာ အကျဉ်းမကျကြဖို့
မိတ်ဆွေအချို့ကို သတိပေးရင်း
သတင်းတွေသက်သက်နဲ့ ဟင်းတစ်ခွက်မဖြစ်ကြောင်း
ထပ်လောင်းပြောဖြစ်ခဲ့ပြန်တယ်။........။

မာရေးသျှင်
၂၂ ရက်၊ နိုဝင်ဘာ၊ ၂၀၁၀၊ ည ၁၀ နာရီခန့်။

ဆက်ဖတ်မယ်ဆိုရင် ...

Friday, November 12, 2010

ချန်ရစ်ခဲ့သူ၏ ဝေဒနာ

“ချန်ရစ်ခဲ့သူ၏ ဝေဒနာ”
နင့်အနားမှာနေ
နင်စေရာသွား
ဘာ စကားပဲ ဆိုဆို
ငါလေ. . . စိတ်မတိုဖြစ်ခဲ့ပါဘူး . . . ။
ငါ့ရဲ့မျှော်လင့်ခြင်း
ကောင်းကင်က လမင်းမို့
ဝေးလှတဲ့ ဘ၀ကို . စိတ်ဓါတ်ကျတာ မဟုတ်ပဲ
ရင် အကွဲခံပြိး မြိုသိပ်
နင့်ကို . အရိပ်အောက်မှာ ထားရစ်ခဲ့တာပါ။
ကြေကွဲစွာ စူးနစ်
ရူးသွပ်မိတဲ့ ဒဏ်ရာ ဗရပွ
ရင်မှာ ထိရှနေလျက်နဲ့
မကြေငြာရဲ ခဲ့တဲ့ ငါ့အဖြစ်ကို
အိမ် မက်လို့ပဲ . . . စိတ်စွဲ လိုက်ပါတော့ . . .။


ကျောင်းတုံးက ကျနော့် သူငယ်ချင်း ကောင်လေးနဲ့ ကောင်မလေး နှစ်ယောက်ကြားကနေပြီး သူတို့အဖြစ်ကို အားမရလွန်းလို့ ကောင်လေးနေရာကနေ ခံစားပြီး ရေးဖြစ်ခဲ့တဲ့ ကဗျာ တစ်ပုဒ် ပါ။ အဲဒီ နှစ်ယောက်က အထက်တန်းကျောင်း ကထည်းက အတူတူ တက်လာခဲ့ပြီး Master ဘွဲ့ရတဲ့ အထိ အတူတူ။ ကောင်မလေးက ကောင်လေးထက် ပိုတော့ ချမ်းသာတာပေါ့လေ။ ပြောမနာ ဆိုမနာ၊ လိုက်လည်း လိုက်ဖက်ညီတယ်လို့ အားလုံးက အသိအမှတ်ပြုကြတဲ့ နှစ်ယောက်ပါ။ ဒါပေမယ့် ကျောင်းသာ ပြီးသွားတယ် သူတို့ နှစ်ယောက်က အဲဒီ အခြေအနေပဲ။ ကောင်လေးက ကျနော်တို့လို သူငယ်ချင်းတွေကိုတောင် သူ့ခံစားချက်ကို ဖွင့်မပြောသလို၊ ကောင်မလေးဘက်ကလည်း အေးဆေး လွန်းတယ် ထင်ပါတယ်။ ဒီလိုနဲ့ပဲ သူတို့နှစ်ယောက်ဇတ်လမ်းက ပြီးသွားပြီး နောက်တော့ အလုပ်တွေထဲကျမှ ဆိုင်သူ ကိုယ်စီ ရကြပြီးတော့ ခုဆို ကလေးအဖေတွေ ၊ ကလေး အမေတွေ ဖြစ်ကုန်ကြပြီ။
အဲဒီကဗျာလေးက ပြီးခဲ့တဲ့ ရက်တုံးကမှ အဲဒီ သူငယ်ချင်းက ပြန်ရွတ်ပြလို့ အမှတ်တရလေး ကျနော်တို့ e-journal မှာ တင်တာပါ။ ကဗျာလေး ခေါင်းစဉ်က အတည် မဖြစ်တာ အဲဒီ အချိန်ကတည်းက။ ကျနော်တို့ သူငယ်ချင်းတစ်စု Proposed လုပ်ခဲ့ကြတဲ့ ခေါင်းစဉ်တွေက “တဘတ်သတ် အချစ်” ၊ “ချန်ရစ်ခဲ့သူ၏ ဝေဒနာ” ၊
“သံယောဇဉ် ဖြတ်စာ” ၊ “ထူးကဲတဲ့ အချစ်” နဲ့ “မိကြည် သို့” ။

ကျနော်ကတော့ “ချန်ရစ်ခဲ့သူ၏ ဝေဒနာ” ဆိုတာလေးကို ပိုသဘောကျလို့ အခုတော့ အဲဒီခေါင်းစဉ်လေး တပ်လိုက်ပါတယ် ။

လေးစား ခင်မင်လျက်

တာတူး

ဆက်ဖတ်မယ်ဆိုရင် ...

Thursday, November 4, 2010

နှမြောစရာ့လေ

ဒီကနေ့ အမှတ်တရပေါ့….ဖတ်ဖူးတဲ့  စာတစ်ပုဒ်ပေါ့လေ….


“ ဟဲ့ ထီးပါလား “

“ မပါဘူး “

“ ထီးယူမှပေါ့ဟယ် “

“ မယူဘူး “

ကိုကျော်သိုင်းသည် ဘောပင်လ်ကို ပစ်ချကာ ခေါင်းထောင်ကြည့်သည်။

လှေကားရင်းသို့ ရောက်နေသော သားငယ်နှင့် လှေကားထိပ်၌ ရပ်နေသည့်အိမ်ရှင်မ။

“ ပြန်တက်ခဲ့ စမ်းဟေ့ “

“ ဘာ….လုပ်ဦးမလို့ လဲ အဖေကလည်း”


သားငယ်သည် အသက် ၂၀-ကျော်ခဲ့ ပြီဖြစ်ငြား နွဲ့ဆိုး ဆိုးဆဲပင်ရှိသေး၏။ အမှည့်လွန်သော သရက်သီးတစ်လုံးနှယ် ရှုံ့ မဲ့ ရင်း အိမ်ပေါ်သို့  ညည်းညည်းညူညူတက်လာ၏။

“ ပြော….ဘာလဲ “

ဖအေ့ ဘေးသို့ လာရပ်၏။ အဖေ့ ကို အမေထက် ပိုပြီးရိုသေခံ့ညားရသောကြောင့် ချဉ်းကပ်လာရငြား မကြည်သာလှ။

ကိုကျော်သိုင်းသည် သားငယ်၏ နဖူးရေအတွန့် ကြီးကို တစ်ချက်ကြည့်လိုက်ရာက ပြတင်းပေါက်၏ အပြင်ဘက်သို့ ငေးနေ၏။ မိုးသားတိမ်လိပ်များ ပြေးလွှားနေသော နေသာသည့် နေ့ တစ်နေ့ ပင်။

ကောင်းကင်တွင် မုန်လာဂေါ်ဖီအခင်းကြီးတစ်ခင်း ရောက်နေ၏။ တိမ်ဖြူ အဆုပ်အခဲများသည် ညင်သာစွာ စီးမျောနေ၏။ တိမ်မည်းတိမ်ညိုအတန်းသည် ဂေါ်ဖီထုပ်အခင်းပေါ်မှ ဖြတ်လွှားနေသည်။

“ ဟာဗျာ…ဘာမှန်းလည်းမသိဘူး “

သားငယ်ညူးတွားသံဖြင့် ဆုတ်ခွာတော့မှ ကိုကျော်သိုင်း သတိဝင်လာ၏။

“ ဘာမှန်းမသိတဲ့ လူကို သိအောင်ပြောချင်လို့ ခေါ်တာ “

“ ဒါဖြင့်….ပြော “

“ နေပါဦးကွာ။ မင်းအခုစကားပြောနေတာဟာ မင့်လက်အောက်ငယ်သားလား။

မင့်နဲ့ ရွယ်တူတန်းတူလား “။

သားငယ် မျက်နှာအထားရခက်သွား၏။

“မေးတာကို ဖြေစမ်းပါကွာ “

သားငယ်သည် အရှုံ့ အမဲ့ ကို မပြင်ဘဲ၊ တွေတွေ ကြီးရပ်နေ၏။ ဖအေ့ မေးခွန်း

နောက်တွင် ဆက်တွဲလာမည့် စကားအစိုင်အထုကို သူခန့် မှန်းနေဟန်

ရ၏။

“ မင်းစိတ် ဘယ်လောက်ရိုင်းစိုင်းနေတယ်ဆိုတာကို မင့် ရဲ့လက်ငင်းအပြု

အမူက သက်သေခံနေပြီလေ။ မင်းနဲ့ အခုစကားပြောနေသူဟာ ရှင်းရှင်း

ကလေးပဲ့။ မင့် လက်အောက်ငယ်သားမဟုတ်ဘူး။ မင်းနဲ့ရွယ်တူ တန်း

တူလည်းမဟုတ်ဘူး။ ဒါလောက်တောင်မှ မဖြေနိုင်လောက်အောင် ရိုင်းနေ

ရသလား။

သားငယ်တွန့် သွားသည်။ အမူအယာ ပြင်မှဖြစ်တော့မည်ဟု ရိပ်မိသည်။

အမေ့ အား ပေါ့ပေါ့တန်တန်ပြောမိသည်ကို ထောက်ပြတော့မည်ဟု သိသည်။

သို့ ကြောင့်တွန့် နေသည့် နဖူးခွံကို ပြင်သည်။

“ မင့်အမေ ကို စေတနာနဲ့ စိုးရိမ်တကြီး ထီးပါလားလို့  မေးတာကို မင့်

ဘယ်လိုဖြေသတုံး “

ခံတွင်းမဲ့သော ငါးဟူသည် သည် သားငယ်ပဲ့ ဖြစ်ပေလိမ့်မည်။

“ မပါပါဘူး ခင်ဗျားလို့  ကိုယ့်အမေကို ရိုရိုသေသေ ဖြေရင် သေတတ်

လို့  မရိုမသေ ဖြေတာလားဟေ။ မရှိပါဘူး၊ မသိပါဘူး၊ မလားပါဘူး ဆိုတဲ့ 

“ ပါ “ ဆိုတာကလေးလောက်မှ ထည့်မပြောတတ်ဘူးလား။ အေးလေ မပြော

တတ်တာ မဟုတ်ပါဘူး။ မပြောတာပါ “

ယခုမှ သားငယ် စဉ်းစားမိသည်။ ဤကား ယဉ်ကျေးဖွယ်ရာသော အသုံးအနှုန်း၊

ဤကား မယဉ်ကျေးသော အသုံးအနှုန်းဟူ၍ မိမိတစ်ကြိမ်တစ်ခါမျှ မတွေးမိသော၊

မဆင်ခြင်မိပါတကား။

“ မေးတဲ့ အခါ သစ်ငုတ်။ ပြောတဲ့ အခါ သစ်တုံးကြီးဖြစ်နေလို့  မင့်မှာ

ဘာအကျိူးရှိသလဲ လူကလေး။ အဖေ မင့်ကိုပြောနေတာဟာ မင်းကောင်း

ဖို့ အတွက် ပြောနေတာ၊ အပြစ်ရှာနေတာ အပြစ်တင်နေတာမဟုတ်ဘူး”

အမေသည် သားအဖအား တစေ့တစောင်း ကြည့်နေသည်။ အဖေ့ အသံ

သည် ကျယ်ကျယ်လောင်လောင် မဟုတ်သေးသရွေ့  စိုးရိမ်စရာမရှိ။

သို့ သော် အဖေသည် အခေါက်အထစ် ၀ါသနာပါ၏။ စားပွဲပေါ်တွင်လည်း

ခေါက်စရာ ထစ်စရာ တွေက ပေါ်ပါဘိသနှင့်။ စိုးရိမ်ငြားကြားမ၀ငါရဲ။

“ သူတစ်ပါးရဲ့ အောက်က နေရတဲ့ အခါ သဘောမကျဘူး။ ဒါပေမဲ့

သူတစ်ပါးရဲ့ ခေါင်းပေါ်က နေရအောင်တော့ မကြိုးစားဘူး။ ပြောတာတော့

လွယ်တယ်လေ။ လက်တွေ့ မှာတော့ သူတစ်ပါးတွေ လေးနာရီ ပျော်ရွှင်နေ

ရင် ကိုယ်က တစ်နာရီပဲ့ ပျော်ရွှင်ပြီး ကြိုးစားမှ သူတစ်ပါးထက် သာမှာ။

သည်တော့ ပင်ပန်းတယ်ဆိုပြီး ရေသာခို အလွယ်လိုက်ရာက ပေါ့ပေါ့နေ

ပေါ့ပေါ့စားဘ၀ကို ရောက်တော့တာပဲ့။

အဖေပြောမှသာ သားစဉ်းစားမိသည်။ မိမိသည် ကြိုးပွားတိုးတက်လို

သူလော။ ပေါ့ပေါ့နေ ပေါ့ပေါ့စားကာ ဖြစ်သလို နေလိုသူလော။

“ ပေါ့ပေါ့နေ ပေါ့ပေါ့စားတာဟာ မိမိကိုယ်ကိုတောင် မိမိတာဝန် မယူ

တဲ့ သဘောပဲ လူကလေး။ ပေါ့ပေါ့နေ ပေါ့ပေါ့စား၊ ဘာမှ အလေးအနက်

မထားဖန်များတဲ့အခါ အကြောင်းနဲ့ အကျိုးတောင် မဆင်ခြင်တတ်တော့

ဘူး။ အခု ကြည့်လေ သည်လိုပြောရင် အမေ ကို မရိုသေရာများ ကျမလား၊

မဆင်ခြင်မိဘူး။ သတိမထားမိဘူး။ ပြောချလိုက်တာပဲ”

အမေသည် ၀င်မပြောရဲ။ သားအလုပ်နောက်ကျတော့မည်ဟု

သတိပေးသောအားဖြင့် လူယောင်ပြသည်။ နံရံကို ကြက်မွှေးဖြင့် လှည်း

သယောင်ယောင်၊ ပစ္စည်းပစ္စယများ ဟိုရွှေ့ သည်ပြောင်း လုပ်လေဟန်။

“ ငါ့ သား လေးလေးနက်နက် စဉ်းစားပါ၊ ဘာသာပြန်ပုံပြင်တစ်ပုဒ်မှာ

ဓါးခုတ်ကောင်က ၀ရီးဝရီးနဲ့ လျှောက်မြူးနေချိန်မှာ ပုရွှက်ဆိတ်က တကုတ်

ကုတ်နဲ့ အလုပ်လုပ်တယ်။ ဟော ..မိုးရာသီရောက်လို့ အစားအစာ ရှားပါချိန်

လည်းရောက်ရော၊ ၀ရီးဝရီးသမား ဓါးခုတ်ကောင်ဟာ ပုရွှက်ဆိတ်ဆီသွားပြီး

မျက်နှာအောက်ချ အကူအညီတောင်းရပါလေရော”

အဖေသည် တစ်စောင်းအနေအထားမှ သားဘက်သို့ တည့်တည့်လှည့်ပြီး

ထိုင်၏။ စိတ်ပါ လက်ပါ ဆက်ပြီး ပြောတော့မည့်သဘော။

“ အဲဒါကြောင့် ဓါးခုတ်ကောင်လို ပေါ့ပေါ့နေပေါ့ပေါ့စား မလုပ်စေချင်ဘူး။

ကျိုးကြောင်းတွဲစပ်တဲ့ ဆင်ခြင်တုံတရား ထားသင့်တယ်။ စကားစကို

ပြန်ကောက်ရရင် မင့်အမေက ´ထီးပါလား´ မေးတာကို ´မပါပါဘူး

ခင်ဗျားလို့ ´ ပြောရမယ်။ ´ ဟဲ့ ယူသွားမှပေါ့ ´ လို့ မင့်အမေက ပြောတဲ့

အခါ ´မယူတော့ပါဘူးခင်ဗျား´ ဒါမှမဟုတ် ´ မယူတော့ပါဘူး အမေရယ်´

လို့ ဖြေရမယ်။ သည်လို ပြောတဲ့ ဆိုတဲ့ အကျင့်ရှိထားမှသာ ကိုယ်က

သင်ပြညွှန်ကြား ရမယ့်သူတွေကို သည်အသုံးအနှုန်းက အရိုင်း၊ သည်

အသုံးအနှုန်းက အယဉ်ဆိုတာကို ခွဲခြားသင်ကြားနိုင်မယ်လေ”

အမေ ၀င်မပြောသာပါ၊ သားလုပ်ပုံက ဟန်မကျကြောင်းသိသည်။

အဖေ ပြောသောကြောင့်ူသာလည်း သဘောပေါက်လောက်ပြီ။ သို့ သော်

အဖေ့ မှာ ပြောဖွယ်ရာ ကုန်စင်သေးဟန်မတူ။

“ ဟုတ်ပြီ အဲဒါက အောက်လက်ငယ်သားအပါအ၀င် သား သမီးကို ဒါက

အယဉ်၊ ဒါကအရိုင်း သွန်သင်ဆုံးမမှု မပြုနိုင်ရင်၊ ဆိုကြပါစို့  မင့်သားသမီး

တွေဟာ အရိုင်းအစိုင်းတွေပဲ့ ဖြစ်ကုန်တော့မှာပေါ့။ ကောင်းရာကောင်း

ကြောင်းမညွှန်ပြနိုင်၊ အကောင်းအဆိုးမသိဘဲနဲ့  လူ့ လောက မြေမဟီမှာ

အသက်ရှင်ရပ်တည်နေရင် မဟာပထ၀ီမြေကြီးကို အားနာဖို့ ကောင်းသကွာ”

မြေကြီးကို အားနာသင့်သည်ပြောခြင်းမှာ သေဖို့ ကောင်းသည်ဟု ဆိုခြင်း

ဖြစ်ပေသည်။ သားနားလည်သလော၊ မလည်သလော အမေ မေးလို သည်။

အမေက မူ အဖေ့ စကားရင့်သီးသည်ဟုထင်၏။ ကြားထဲက ၀င်ပြီးရင်နာ၏။

“ အဖေ ကျွန်တော်”

သားသည် နာရီကို ငုံ့ ကြည့်ပြီး မရဲတရဲပြော၏။

“ သြော်….အလုပ်ချိန်ကိုတော့ လေးစားရကောင်းမှန်းသိသားပဲ့။ ဒါဟာကောင်း

တဲ့ လက်ဏ္ခာဖြစ်တဲ့ အတွက် ငါ့သားဟာ လွှင့်မပစ်ရသေးဘူး။ အင်းမဆိုးဘူး။

သည်လို ဆိုရင် အထက်အရာအရှိကို ဘယ်လို ပြောဆိုဆက်ဆံရမယ်ဆိုတာ

နားလည်မှာပေါ့နော် လူကလေး”

“ ဟုတ်ကဲ့ “

အဖေ့ ရှေ့ တွင်လာရပ်ပြီးကတည်းက သားသည် စကားနှစ်ခွန်းပြောခဲ့

ပြီးပေပြီ။

“ အထက်အရာရှိကို တော့ ရိုရိုသေသေ ပြောရမှန်းသိပြီး မအေကို

ရိုရိုသေသေ ပြောရမှန်းမသိတာတော့ဆိုးသကွာ။ ဒါပေမဲ့  အထက်အရာ

ရှိကို လေးလေးစားစား ရိုရိုသေသေဆက်ဆံရုံနဲ့ မပြီးသေးဘူးကွ။ အမိန့် ကို

နာခံတတ်ဖို့ ၊စည်းကမ်းကို ရိုသေဖို့ လည်း လိုအပ်သေးတယ်။ ဘယ့်နှယ်တုံး

သား။ စည်းကမ်းကော ရိုသေရဲ့ လား။ အမိန့် ကိုကော နာခံရဲ့လား။

“ ဟုတ်ကဲ့ ……ဟုတ်ကဲ့ ….အဖေ”

အဖေ ရယ်မောသည် ။ မရယ်ချင့် ရယ်ချင်ဖြင့် လုပ်ရယ် ရယ်ခြင်းဖြစ်သည်။

“ အဖေ တော့ မထင်ဘူးကွ။ မအေ က ထီးယူသွားဟဲ့ ပြောပေမယ့်

ယူမသွားဘူး။ မအေက သည်ဟာကို သည်မှာမထားနဲ့ ပြောတယ်။ မင်း ထား

တယ်။ မအေက သည် ဟာကို သည်လိုမလုပ်နဲ့ ။ မင်းလုပ်တယ်။ အဲသည်လို

လုပ်တာ အကျင့်ကြီးပါနေမှတော့ အထက်အမိန့် လည်း နာခံမှာ မဟုတ်ပါဘူးကွာ။

အထက်အမိန့် ကို မနာခံမှတော့ ဘယ်လိုလုပ်ပြီး ရာထူးတက်တော့မှာတုံး။ သည်

တော့ မင်းအလုပ်လုပ်နေတာဟာ အချိန်ဖြုံးရာမရောက်ပေဘူးလား”

သား၏ ရင်ဝယ် ဆို့ နင့်ဝေဒနာ ဖြစ်ပေါ်လာသည်အထိ အဖေ့ စကားက

တာသွားလှသည်။

“ ရိုရိုသေသေ ကျိုးကျိုးနွံနွံ လုပ်တတ်တဲ့  လူတစ်ယောက် ငါ့သားနေရာ

ကို ရောက်လာရင် ဘယ်လောက်ကောင်းမတုံး။ လူကောင်း သူကောင်းတွေ

အတွက်လည်း ငါ့သားဟာ အနှောင့်အယှက်အမှိုက်သရိုက် ဖြစ်နေပြီ

လား မသဘူး”

အဖေ ထရပ်သည်။

အဖေ လက်တစ်ကမ်းမှ လွတ်အောင် သတိတရဖြင့် သားဆုတ်၏။

“ သည်အရွယ်မှာ သည်လို အသေးအဖွဲ့ ကလေးကို ပြောနေရတာ

မကောင်းဘူး။ ကမ္ဘာမြေကြီးပေါ်မှာ အသက်ရှင် ရပ်တည်နေတဲ့အတွက်

မဟာပထ၀ီ မြေကြီးကို အားနာသောအားဖြင့်  အသက်အရွယ်နဲ့ လိုက်

လျောတဲ့အသိ၊ ပြောဆိုနေထိုင် ဆက်ဆံမှုရှိဖို့  ကောင်းတယ်။ ဒါပဲ….

ဒါပဲံ…..သွားတော့ “

သား……ချာကနဲ လည့်ထွက်သွား၏။

အဖေ ….ခေါင်းခါ၏။ သက်ပြင်းမောကို ရှိုက်ချ၏။ ထို့ နောက် တီးတိုး

ရေရွတ်၏။

“ လေကုန်တာပဲ့ အဖတ်တင်ပါကလား “

တစ်လှမ်းဖြစ်စေ…နှစ်လှမ်းဖြစ်စေ ဆုတ်ပြီးမှ လှည့်ထွက်သွားလျှင်

အဖေ ပြုံးကောင်း ပြုံးမိရှာပေလိမ့်မည်။……………

(၁၉၉ ခှနှစ်၊ တောင်သာ မဂဇင်း)

ဆင်ဖြူကျွန်း အောင်သိန်း အဖေ၀တ္ထုများ စာအုပ်မှ ကူးယူ၍ဖော်ပြခဲ့သည်။

ကျွန်နော့်အတွက်....ဤစာတစ်ပုဒ်လုံးသည် အမှတ်တရပါပဲံ…

4.11.2010

ဆက်ဖတ်မယ်ဆိုရင် ...