Thursday, February 28, 2008

တိမ်ချည်ကြိုး

လက်အုပ်ချီလိုက်တယ်ဆိုရင်ပဲ
ရေနံဆီမီးရောင်နဲ့
မျက်ရည်ကြောင်း ပြောင်ပြောင်ကိုတွေ့တယ်
" သွားလမ်းသာလို့ လာလမ်း ဖြောင့် ပါ စေ . "တဲ့ . . . . .


ထန်းရွက်တဲ ၊ ဖုန်လုံးနဲ့
ရှိုက်သံသဲ့သဲ့ကို ချန်ခဲ့တယ်
လွယ်ထားတဲ့ အိတ်ထဲမှာတော့
ဆန္ဒတွေ အပြည့်အသိပ် . . . . .

အတွေးမှားတယ်
လမ်းမှားတယ်
ဒဏ်ရာ အနာတရ များတယ်
မြို့ပြကြိုးတန်းပေါ် အပြေးအလွှား
မေမေနေကောင်းလား သီချင်း နားထောင်ရင်း
အမေ မကြိုက်တဲ့လမ်းဆီ . . . . .


" ကောင်းကောင်းနေချင်ရင်
ကောင်းကောင်းနေ
ကောင်းကောင်းမနေချင်ရင်
ကောင်းကောင်းမနေနဲ့ "
အမေက ထည့်ပေးလိုက်တယ်
ကျွန်တော်က အရံစာရင်းမှာ ထားတယ်
" တမိပေါက် တယောက်ထွန်းလေး "တဲ့
ကျွန်တော် တကယ်သေသင့်တာပဲ . . . . .

ရထားဥသြသံဟာ
ထူးအိမ်သင်ရဲ့ အပြန်ပဲဖြစ်မယ်
မိုးခေါင်တဲ့ အကြောင်းပဲဖြစ်ဖြစ်
မြေပဲဖော်တဲ့ အကြောင်းပဲဖြစ်ဖြစ်
ခဲတံတုံးတုံးနဲ့ လက်ရေးကသာ
ကျွန်တော် မျှော်နေတဲ့စာပါ . . . . .

မလိမာ တစ်ခါ မိုက်စမြဲတဲ့
မရေတွက်နိုင်တဲ့ မိုက်တွင်းနက်ထဲ
အမေ့မေတာနဲ့ကျင်ယူလို့
အခု နေကောင်းဖို့ ကြိုးစားနေပါတယ်အမေ . . . . .

ရောက်ရာအရပ်က
အလွမ်းကို တီးခေါက်ကြည့်လိုက်တိုင်း
ပထမဆုံး မြည်လာတဲ့အသံက
" လူလေး " လို့ ပဲ့တင်ထပ်တယ် . . . . . ။

. ဝေလင်းသီ

(ကိုဝေလင်းသီရေ ကဗျာလေးကို ခံစားရလွန်းလို့ Web ပေါ်တင်ပေးလိုက်ပါတယ်ဗျာ ။)


ဆက်ဖတ်မယ်ဆိုရင် ...

Thursday, February 21, 2008

Thoughts from White.

အဖြူရောင်တမ်းချင်း

သိပ္ပံပညာမှာတော့ အဖြူရောင်ဆိုသည်မှာ မြင်နိုင်သောအလင်းအားလုံး၏ အလင်းပြန်မှုလို့ အဓိပ္ပါယ်ဖွင့်ဆိုသည်။ အရောင်ကိုလေ့လာသူများ၊ ပုံသဏ္ဌာန်အရာဝတ္ထုများကို အထူးပြုလေ့လာသူများကတော့ အဖြူရောင်နှင့်ပက်သက်၍ အဖြူရောင်သည် ဘာသာရေးအရ မြင့်မြတ်ခြင်း၊ ရိုးသားမှု၊ သန့်ရှင်းစင်ကြယ်မှု၊ လန်းဆန်းနုပျိုမှုတို့ကို ကိုယ်စားပြုကြောင်း။ အနက်ရောင်နှင့် ဆန့်ကျင်စွာပဲ ကောင်းမွန်တဲ့အဓိပ္ပါယ်ကိုဆောင်ပြီး အောင်မြင်မှုများ၏ စတင်ရာဖြစ်တယ်။ အဖြူရောင်ကို အမှတ်အသားတစ်ခုအနေနဲ့ အားလုံးလက်ခံကြတာဟာဆိုရင် သစ္စာရှိမှု၊ သန့်ရှင်းစင်ကြယ်မှုလို့ အဓိပ္ပါယ်ဖွင့်ဆိုကြပါတယ်။ အဖြူရောင်အပေါ်တွင် မည်သို့ခံစားချက်ရှိသနည်း။ တစ်ဦးချင်းနှင့်လည်း သက်ဆိုင်နိုင်သည်။ ကျွန်တော်လည်း အဖြူရောင်နှင့် အတွေးတချို့ ရောယှက်ခဲ့မိသည်။




တနေ့ အခန်းမှာ တစ်ကိုယ်ရေသန့်ရှင်းမှုအတွက် အလုပ်လုပ်ရင်း အဝတ်လျှော်ဖြစ်ပါတယ်။ တစ်ခါတစ်ရံ တိုက်ဆိုင်မှုများသည် ကျွန်တော်တို့၏ အတွေးများကို ခရီးဆန့်စေပါသည်။ အဲဒီ တစ်နေ့ ကျွန်တော်လျှော်ဖွတ်မိသော အဝတ်(အင်္ကျီ)အားလုံးမှာ အဖြူရောင်တွေပါ။ မများဘူးဆိုသော်လည်း လေးငါးထည်လောက်သာလျှော်ဖြစ်သော အင်္ကျီများမှာ အဖြူရောင်တွေ၊ အဖြူနှင့်ဆက်စပ်သောအရောင်များ ဖြစ်ကြသည်။ ထူးဆန်းလိုက်တာလို့ ကျွန်တော်တွေးမိသွားသည်။ ကျွန်တော်ဝတ်ရအောင် ဝယ်ခဲ့တုန်းကတော့ အားလုံးအဖြူများဖြစ်သည်။ အခု ကျွန်တော့်ရဲ့အဖြူများကို ကျွန်တော်တိုက်ဆိုင်ကြည့်မိသည်။ အားလုံးထဲတွင် ဒီတစ်ထည်ကပိုဖြူသည်။ ဟောဟို အင်္ကျီလေးက မထင်မှတ်အောင် ညိုမှိုင်းနေသလိုပါ။ ဒီတစ်ထည်ကတော့ အဖြူဟူ၍ပင် မထင်ချင်တော့။ သို့သော် အားလုံးသူ့ဟာနှင့်သူ အဖြူတွေဖြစ်သည်။ ကျွန်တော်ကိုယ်တိုင် အဖြူဟူ၍ ခံစားပြီးမှ ဝယ်ခဲ့သော အင်္ကျီများပါ။ သူတို့အားလုံးကိုဆုံမိပြီး နှိုင်းယှဉ်မိမှ ကွာခြားချက်တွေတွေ့လာမိသည်။

ကျွန်တော့်အတွေးတစ်ချို့ ရှေ့သို့ခရီးဆက်သွားမိသည်။ ကျွန်တော့်မှာ မိတ်ဆွေအပေါင်းအသင်း များစွာရှိသလို စာဖတ်သူတို့တွင်လည်းရှိကြမည်။ စာရေးဆရာ (ဆရာ)နန္ဒသိန်းဇံ၏ “မိတ်ကောင်းဆွေကောင်းနှင့် ခရီးသွားခြင်း” ဆိုသော စာအုပ်မျက်နှာဖုံးတွင် မျက်နှာဖုံးပန်းချီအတွက် သရုပ်ဖော်ပုံကို ပန်းချီဆရာ (ဆရာ)ပေါ်ဦးသက်က ပုံဖော်ခဲ့သည်။ ညနေခင်းနေရောင်တွင် အထုပ်တစ်ထုပ်ထမ်း၍ ခရီးသွားနေသော ခရီးသည်တစ်ဦးပုံပါ။ ညနေခင်းနေရောင်မှာ ခရီးသွားရဲ့အရိပ်က ရှည်လျားစွာနှင့်ဖြစ်သည်။ ဆရာပေါ်ဦးသက်ကတော့ မိမိ၏အရိပ်ကို မိတ်ဆွေကောင်းဟု ခံစားပုံဖော်ခဲ့သည်။ ဆရာနန္ဒသိန်းဇံ၏ အရေးသားတွင်လည်း ဤကဲ့သို့သော အရေးအသားများနှင့်ပင်။ သို့သော် နိစ္စဓူဝ၊ ကျွန်တော်တို့ဘဝတစ်လျှောက် မိတ်ဆွေဟောင်းများ၊ မိတ်ဆွေသစ်များနှင့် ထိတွေ့ဆက်ဆံနေရသည်။ မည်သူက မိတ်ဆွေကောင်း၊ မည်သူကမိတ်ဆွေဆိုး ခွဲခြားဖို့ ကြိုးစားမိကြမည်။ တစ်ခါတစ်ရံတွင် မျှော်လင့်မထားမိသည်များအတွက် မိမိ၏ မိတ်ဆွေအပေါင်းအသင်း အပေါ်တွင် သြော်ငါ့အတွက် တကယ်ကောင်းတဲ့သူပဲ၊ ဟာ.. ဒီလူကတော့ မလုပ်သင့်တာတွေလုပ်ပြီ။ စသည်ဖြင့် ကျွန်တော်တို့ တွေးမိကြ ပြောမိကြသည်။ မည်သူက မိတ်ဆွေကောင်း၊ မည်သူက မိတ်ဆွေဆိုး မည်သို့ခွဲခြားသနည်း။ ဤကဲ့သို့မေးခွန်းအတွက် အလွန်ရှုပ်ထွေးသော ညီမျှခြင်းများ ထွက်လာမလား၊ ကျစ်လစ်သိပ်သည်းမှုဖြင့် အမည်ကျော်သော ညီမျှခြင်း E = mc­2 လိုမျိုးရလာနိုင်လား။

လောကနီတိကဲ့သို့သော ရှေးပညာရှိများ၏ ဆုံးမစာတွေကိုပဲ ကျွန်တော်တို့ အားကိုးလို့မရသည်ကတော့ သေချာမည်ထင်သည်။ ဒီနေ့ခေတ်ပေါ် ဒဿနတွေကို အခြေခံရမည်လား။ မည်သို့ပင်ဆိုစေပါ၊ မိတ်ဆွေကောင်းဆိုတာ အရေးကြုံလာရင် ကိုယ့်အနားရှိတတ်တယ်လို့ တချို့ကတော့ပြောလေရဲ့။ တစ်ဦးချင်းရဲ့ အခြေခံဆုံးဖြတ်ချက်သာလျှင် အဓိကဖြစ်ပါလိမ့်မည်။ ကျွန်တော်ဝယ်ခဲ့သော အင်္ကျီအဖြူအားလုံး အဖြူဖြစ်သည်။ နောင်ဝယ်မည့် အင်္ကျီအဖြူသည်လဲ သူကိုယ်တိုင်အတွက် အဖြူတစ်ထည်ဖြစ်နေပါမည်။ အားလုံးကို အတူချိန်ထိုး၍ အဖြူခြင်းယှဉ်လျှင်တော့ သူ့အဆင့်နှင့်သူ ကွဲပြားနေဦးမည်ပါပဲ။ မိတ်ဆွေသူငယ်ချင်းတိုင်းသည် မိတ်ဆွေသူငယ်ချင်းသာ ဖြစ်ပါသည်။ အဖြူရောင်အင်္ကျီတစ်ထည်ကို စမြင်မိကတည်းက သူ့ရဲ့အဖြူရောင်အဆင့်ကို ကျွန်တော်တို့အမြင်ဖြင့် သတ်မှတ်ပြီးဖြစ်သည်။ မိတ်ဆွေများအပေါ်တွင်လည်း ကျွန်တော်တို့ကိုယ်တိုင်၏ ထင်မြင်ချက်များ စတွေ့ကတည်းက ထားလိုက်ပြီးသာဖြစ်သည်။ ဆက်လက်၍ တွေ့ဆုံ၊ ပေါင်းသင်းနေရင်း ရရှိလာသော ခံစားချက်များလည်းရှိမည်။ ဝတ်ပါများ၍ အရောင်လွင့်လာသော အင်္ကျီများနှင့် တူသူလဲရှိနေမည်။ ဆက်လက်၍ အရောင်တောက်ပဆဲ၊ ဝတ်ရတာကိုက စိတ်ကိုလန်းဆန်းပေါ့ပါးစေသော အင်္ကျီများကဲ့သို့ မိတ်ဆွေများလည်းရှိမည်။

မိတ်ဆွေနှင့် အင်္ကျီ နှိုင်းတုစရာတော့ လက်တွေ့ဘဝတွင်မမြင်ပါ။ သို့သော်လည်း အဖြူရောင်ပေါင်းများစွာကို တပေါင်းတည်းမြင်မိသောကျွန်တော် မဆီမဆိုင် တွေးမိသွားဖြင်းသာပါ။ ကျွန်တော့်မိတ်ဆွေများကို ထိုသို့ပေါင်းစပ်၍ ဆန်ခါချကြည့်လျှင် ကျွန်တော်သည် အတော်ပင်ရှုးသွပ်သူသာ ဖြစ်နေပါမည်။ သူ့အဖြူနှင့်သူ ရှိနေကြသော ကျွန်တော်တို့၏ မိတ်ဆွေများကို သူ့နေရာနှင့်သူ တောက်ပသော အဖြူရောင်များအဖြစ် ကျွန်တော်တို့ မြင်နိုင်ဖို့သာ လိုအပ်ပါသည်။ မိတ်ဆွေများကို ကောင်းအဆိုးခွဲခြားရန် ကျွန်တော်တို့ကိုယ်တိုင်၏ ခံစားချက်များမှ စတင်၍ချဉ်းကပ်ရပါလိမ့်မည်။ ချဉ်းကပ်မှုသည် မိမိတတ်နိုင်သလောက် ရိုးရှင်းသောချဉ်းကပ်မှု ဖြစ်ရပါမည်။ အဖြူရောင်အင်္ကျီလေးများသည် ကျွန်တော့်အတွက် အဖြူရောင်ဖြစ်သကဲ့သို့ ကျွန်တော်၏မိတ်ဆွေများသည်လည်း ကျွန်တော့်အတွက်တော့ မိတ်ဆွေများသာ ဖြစ်ကြလေသည်။ ကျွန်တော်ကိုယ်တိုင်လည်း သန့်ရှင်းလန်းဆန်းသော အဖြူရောင်မိတ်ဆွေကောင်းတစ်ဦး ဖြစ်နေဖို့တော့ လိုအပ်လိမ့်မည်ထင်ပါသည်။

သုခမိန်

ဆက်ဖတ်မယ်ဆိုရင် ...

Sunday, February 10, 2008

How to study Myanmar poems




မြန်မာကဗျာ လေ့လာမယ်ဆိုရင်

တနေ့ သူငယ်ချင်းတစ်ယောက် အခန်းကို အလည်သွားရင်း သူ့ဆီမှာ စာအုပ်တစ်အုပ်တွေ့တယ်။ ရုတ်တရက် စာအုပ်ပုံစံလေးကထူးဆန်းလို့ ဖတ်ကြည့်မိတော့ အထက်တန်း ကဗျာလက်ရွေးစင်ဆိုပဲ။ အော် ဒါဆို တက္ကသိုလ်ဝင်တန်း ကဗျာစာအုပ်ပဲပေါ့ဆိုပြီး ပြန်ချထားသေးတယ်။ နောက်တော့လဲ စကားပြောရင်း ပျင်းလာတာနဲ့ ဟိုဟိုဒီဒီ ဖတ်မိတယ်။ အားပါး တကယ့်ကဗျာလေးတွေပဲ၊ ငါဖတ်အုံးမှဖြစ်မယ်ဆိုပြီး သူငယ်ချင်းဆီကနေ ငှားလာလိုက်တယ်။ ၁၉၈၄ ဇန်နဝါရီလ အုပ်ရေ (၈၅ ၀၀၀)တဲ့။ မာတိကာကနေပြီး ကဗျာပုဒ်ရေ ၅၀ ကျော်မှာ စိတ်ဝင်စားတဲ့ ကဗျာဆရာအမည် ကဗျာခေါင်းစဉ် တွေကနေ ရွေးဖတ်ရင်း အဲဒီတစ်ညကုန်ပါရောလား။ တကယ်ကောင်းတဲ့ အထက်တန်းကဗျာ လက်ရွေးစင်ပါ။ ဇော်ဂျီ၊ မင်းသုဝဏ်၊ ဒဂုဏ်တာရာ၊ ငွေတာရီ၊ ဗန်းမော်ညိုနွဲ့၊ နန်းညွန့်ဆွေ၊ နုယဉ်၊ ဇေယျ၊ ထီလာစစ်သူ၊ မောင်စွမ်းရည်၊ တင်မိုး၊ ကိုလေးအင်းဝဂုဏ်ရည် စသည်ဖြင့်ပေါ့။ နောက်ထပ်လဲ ပါကြသေးတယ်၊ အဲဒီခေတ်ရဲ့ ခေတ်ပြိုင်ကဗျာဆရာတွေ။ ရခိုင်တေး၊ ထားဝယ်တေး၊ လေးချိုး၊ တေးထပ်၊ ဘောလယ်၊ လွမ်းချင်း အဲသလိုမျိုး မြန်မာကဗျာ ခေတ်ဦးပိုင်းက စာတွေလဲပါသဗျ။ ဖတ်ရင်း သဘောကျနေမိတာ။ တချို့ကဗျာတွေများဆို တစ်ကြိမ်ဖတ်ရတာနဲ့ အားမရလို့ ထပ်ထပ်ပြီး ဖတ်နေမိတာ။ ကဗျာစာအုပ်လေးမှာ သဘောကျမိတာက ကဗျာပုဒ်ရေ ၅၆ပုဒ်မှာ ၁၀ပုဒ်ပဲ ခေတ်ဦးပိုင်း မြန်မာကဗျာတွေ။ ကျန်တဲ့ကဗျာအားလုံးက ဒီနေ့ခေတ် မြန်မာကဗျာတွေ။ (ဒီနေ့ခေတ်ဆိုတဲ့ အသုံးမှာက ရှေးရိုးမဆန်ချင်းကိုသာ ဆိုလိုရင်းဖြစ်သည်။ မော်ဒန်၊ ပိုစ့်မော်ဒန်ခေတ် ဘာခေတ်၊ညာခေတ် ခွဲပြနိုင်လောက်အောင် ဗဟုသုတ မပြည့်စုံ၍ ဒီနေ့ခေတ်ဟုသုံးကြောင်း။) ကဗျာရေးသူတွေကလဲ မြန်မာကဗျာလောက၊ စာပေလောကမှာ ထင်ရှားသူတွေ။ တချို့ကဗျာတွေဆို ကျော်ကြားလွန်းလို့ ကျွန်တော်တို့ ဖတ်ဖူးကြပါတယ်။ ဥပမာ ဆရာဇော်ဂျီရဲ့ ဗေဒါလမ်းကဗျာလိုမျိုးတွေပါ။




ဒီကဗျာလက်ရွေးစင်ကိုဖတ်ရင်းနဲ့ ပြန်စဉ်းစားမိတယ်။ သူငယ်ချင်းနဲ့လဲ စာအုပ်အကြောင်းပြောဖြစ်တယ်။ ကဗျာတွေကို သလောကျမိတဲ့ အကြောင်းပေါ့။ ကျွန်တော်တို့ ကျော်ဖြတ်ခဲ့တဲ့ တက္ကသိုလ်ဝင်တန်း ကဗျာတွေအကြောင်းလဲပါတယ်။ ဒီလက်ရွေးစဉ်ကဗျာတွေကို ကျွန်တော်တို့ မဖတ်ခဲ့ရ၊ မလေ့လာခဲ့ရပါဘူး။ ကျွန်တော်တို့ ဖတ်ခဲ့ရတာတွေကို ပြန်စဉ်းစားတော့ စဉ်းစားလို့မရကြဘူး။ တစ်ပုဒ် နှစ်ပုဒ်လောက်ပဲ မှတ်မိကြတယ်။ ဥပမာ နွေဦးကာလမြူထသောအခါ၊ ကလူ၏သို့မြူ၏သို့၊ နောက်ပြီး ဆုံးမစာတွေပေါ့။ ထူးဆန်းတာက ကျွန်တော်တို့နှစ်ယောက်လုံး ဒီလိုပဲဗျ။ (နှစ်ယောက်စလုံး ညံ့နေတာလဲ ဖြစ်နိုင်ပါတယ်။) စွဲမက်လောက်တဲ့ ကဗျာရယ်လို့ပြောရရင်လဲ ခေတ်ဦးပိုင်း ကဗျာတွေပဲဗျ။ ခေတ်ပြိုင်ကဗျာဆရာတွေရဲ့ ကဗျာတွေကို မမှတ်မိကြဘူး။ တွေးမိကြတာကတော့ ခေတ်ပြိုင်ကဗျာတွေ မပါသလိုပဲ။ တကယ်က တက္ကသိုလ်ဝင်တန်းဆိုတဲ့ အရွယ်တွေကို ခေတ်ရဲ့ပုံရိပ်ထင်ဟပ်နေတဲ့ ကဗျာတွေနဲ့ များများထိတွေ့ပေးရပါမယ်။ မြန်မာစာ မြန်မာကဗျာရဲ့ အနှစ်သာရဖြစ်တဲ့ ရှေးရိုးဆန်ဆန်တွေကို အသိပေးရုံ၊ ခံစားတတ်ရုံလောက်ပဲ ထိတွေ့ပေးသင့်ပါတယ်။ ခေတ်ပြိုင်ကဗျာတွေကို ဖတ်ရ၊ လေ့လာရမှ တက်သစ်စလူငယ်တွေ အနေနဲ့ သူတို့ရောက်ရှိနေတဲ့ ခေတ်ကို ခံစားတတ်မယ်၊ လိုအပ်ချက်တွေ အားသာချက်တွေကို ကြည့်ပြီး သူတို့အနာဂတ်အတွက် စဉ်းစားစရာတွေ ပြင်ဆင်စရာတွေ လုပ်နိုင်ကြမှာပါ။ ဒီထက်ပိုပြီး မြန်မာကဗျာတွေကို စိတ်ဝင်စားသူ လေ့လာလိုသူတွေအတွက်က တက္ကသိုလ်အဆင့် တက်လှမ်းရမှာပါ။ အခုဖတ်မိတဲ့ ကဗျာလက်ရွေးစဉ်လေးက ကျွန်တော်တို့ တွေးမိသလိုလေးတွေနဲ့ အံဝင်နေပါတယ်။ ကံမကောင်းတာက ကျွန်တော်တို့ ဖတ်ခဲ့တဲ့ ကဗျာလက်ရွေးစဉ်လေးကို ကောင်းကောင်းမမှန်မိတာပါပဲ။ ဘယ်လိုပဲဖြစ်ဖြစ်ပါ ဒီစာအုပ်လေးအကြောင်း သူငယ်ချင်းနှစ်ယောက်ပြောကြရင်း၊ နှစ်ယောက်စလုံး သဘောကျနှစ်ခြိုက်မိတဲ့ ကဗျာလက်ရွေးစဉ်စာအုပ်လေးရဲ့ အမှာစကားနဲ့ ကျောင်းသားတွေကို ဘယ်လိုသင်ကြားပါဆိုပြီး ပြောထားတဲ့ စာလေးကို ကူးယူပြီးဝေမျှလိုက်ပါတယ်။ ကဗျာချစ်သူများအတွက်ရော ဖတ်မိသူ စာချစ်သူတို့အတွက် အနည်းငယ် စိတ်ကျေနပ်စရာ မဖြစ်ရင်တော့ ကျွန်တော့်ရဲ့ စကားပြေ ညံ့ဖျင်းမှုသာဖြစ်ကြောင်း။ ။

သုခမိန်

-------------------------------------------------------------------------------------------

ကျွန်ုပ်တို့၏ စာဆိုတို့သည် အခြေအနေအရ ကဗျာအမျိုးမျိုးကို ဖွဲ့ဆိုခဲ့ကြသည်။ ဇာတ်တော်များကို အခြေပြု၍ ပျို့လင်္ကာများကိုဖွဲ့ဆို ခဲ့ကြသည်။ စစ်ရေးမက်ရေး နိုင်ငံရေးကို အခြေပြု၍ ဧချင်း မော်ကွန်း တို့ကို ဖွဲ့ဆိုခဲ့ကြသည်။ တောတောင်ရေမြေ ရာသီဥတုကို အခြေပြု၍ ရတုကဗျာများကို ဖွဲ့ဆိုခဲ့ကြသည်။ ထိုနည်းတူစွာ မျက်မှောက်ခေတ် စာဆိုတို့သည်လည်း ကဗျာအမျိုးမျိုးကို ဖွဲ့ဆိုလျက်ရှိကြသည်။ ယင်းကဗျာတို့မှ သင့်နိုးရာရာတို့ကို ရှာဖွေ ရွေးချယ်၍ ဤကဗျာစာအုပ်ကို ပြုစုထားသည်။ ရှေးရေး ကဗျာအချို့နှင့် ရခိုင်တေး၊ ထားဝယ်တေး တို့ကိုလည်း ထည့်ထားသည်။

စာဆိုတို့သည် မျက်စိရှင်ကြသည်။ နားပါးကြသည်။ အတွေးကြွယ်ဝသည်။ အပြောတတ်ကြသည်။ သာမန်လူတို့ မြင်သည်ထက်၊ သာမန်လူတို့ ကြားသည်ထက်၊ သာမန်လူတို့ တွေးသည်ထက်၊ သာမန်လူတို့ ပြောသည်ထက် မြင်တတ်၊ ကြားတတ်၊ တွေးတတ်၊ ပြောတတ် ကြသည်။ သူတို့ဖွဲ့ဆိုသော ကဗျာတို့ကို ဖတ်ရွတ် လေ့လာရခြင်းဖြင့် အခြားသူတို့သည်လည်း သူတို့ကဲ့သို့ပင် မြင်တတ်၊ ကြားတတ်၊ တွေးတတ်၊ ပြောတတ်နိုင်သောအစွမ်းကို ရရှိနိုင်ကြသည်။ ဤသို့ ရရှိအောင်လည်း ဆရာတို့က တပည့်တို့အား သင်ကြားပို့ချ ညွှန်ပြနိုင်ရန် အားထုတ်ကြရာသည်။
အင်္လကာနည်း
ကဗျာတို့တွင် အရသာများ ပါရှိသည်။ ဤအရသာတို့ကို ရှေးဆရာတို့သည် ကိုးမျိုးကိုးစား ခွဲပြလေ့ရှိသည်။ ယင်းတို့မှာ (၁)ချစ်ခင်မှုဆိုသော သိင်္ဂါရရသ (၂)ရယ်ရွှင်မှုဆိုသော ဟဿရသ (၃)ကြင်နာမှုဆိုသော ကရုဏာရသ (၄)ရက်စက်မှုဆိုသော ရုဒ္ဒရသ (၅)စွန့်စားမှုဆိုသော ဝီရရသ (၆)ကြောက်ရွံ့မှုဆိုသော ဘယာနကရသ (၇)မုန်တီးမှုဆိုသော ဝိဘစ္ဆရသ (၈)အံ့သြမှုဆိုသော အဗ္ဘုတရသ (၉)တင်းတိမ် ရောင့်ရဲမှုဆိုသော သန္တရသတို့ ဖြစ်ကြသည်။ ကဗျာတပုဒ်တွင် ဤအရသာမျိုး တမျိုးသော်လည်းကောင်း၊ အများသော်လည်းကောင်း ပါဝင်နေသည်ကို တွေ့ရမည်။ ကဗျာ လေ့လာသူတို့သည် ဤအချက်ကို သတိပြု ဖော်ထုတ် တတ်ကြရာသည်။

တဖန် စာဆိုတို့သည် မိမိတို့တင်ပြလိုချက် ထင်ရှားပေါ်လွင် ထိခိုက်အောင် ဥပမာအလင်္ကာ၊ ရူပကအလင်္ကာ စသည်တို့ကို သုံး၍ ဖွဲ့ဆိုတတ်ကြသည်။ ရေလိုအေး၍ ပန်းလိုမွှေးပါစေဟူသော ဆုတောင်းမေတ္တာ ပို့သပုံသည် ဥပမာခိုင်းနှိုင်းထားသည်ဖြစ်၍ ဥပမာအလင်္ကာပါသော အဆိုအမိန့်ဟု သိရသည်။ ထို့ပြင် ဘဝဇာတ်ခုံ ဆိုသောစကားကို လူတို့သုံးနေကြသည်။ လူ့ဘဝသည် ရသမျိုးစုံ ကခုန်နေရသော ဇာတ်ခုံနှင့်တူသည်။ ထို့ကြောင့် ဘဝနှင့် ဇာတ်ခုံကို အတူပြုကာ ဘဝဇာတ်ခုံဟု ခေါ်လိုက်ကြသည်။ ဤအခေါ်မျိုးကို ရှုပကအလင်္ကာပါသော အခေါ်အဝေါ်ဟု သိရသည်။ (ဥပမာအလင်္ကာတွင် “ကဲ့သို့” ဆိုသောပုဒ် သို့မဟုတ် အနက်တူပုဒ် တခုခု ပါရသည်။ ရှုပကအလင်္ကာတွင်ကား မပါ။ ဤသည်လျှင် ထူးခြားချက် ဖြစ်သည်။)

ဤအလင်္ကာနှစ်မျိုးအပြင် သမာဓိဂုဏ် မြောက်အောင်လည်း ဖွဲ့ဆိုတတ်ကြသည်။ သမာဓိဂုဏ် ဆိုသည်မှာ (၁)အသက်ရှိသော သတ္တဝါတို့၏သဘောကို အသက်မဲ့သော ဝတ္ထု၌တင်စားခြင်း (၂)အဆင်းသဏ္ဌာန်ရှိသော ဝတ္ထု၏ သဘောကို အဆင်းသဏ္ဌာန်မဲ့သော ဝတ္ထု၌တင်စားခြင်း (၃)အရသာရှိသော ဝတ္ထု၏ သဘောကို အရသာမဲ့သော ဝတ္ထု၌တင်စားခြင်း (၄)အရည်ဖြစ်သော ဝတ္ထု၏ သဘောကို အရည်မဟုတ်သော ဝတ္ထု၌တင်စားခြင်း (၅)လုပ်တတ်သောသူ၏သဘောကို လုပ်တတ်သူမဟုတ်သော ဝတ္ထု၌တင်စားခြင်း (၆)အစိုင်အခဲ ဖြစ်သော ဝတ္ထု၏သဘောကို အစိုင်အခဲမဟုတ်သော ဝတ္ထု၌ တင်စားခြင်း တို့ဖြစ်သည်။ (အကျယ်ကို အလင်္ကာ နိသျတို့၌ ကြည့်။) ကဗျာ လေ့လာသူတို့သည် ဤအလင်္ကာနှင့် ဂုဏ်တို့ကိုလည်း သတိပြု ဖော်ထုတ် ကြရာသည်။

၁။ ။ တကြိမ်၊ နှစ်ကြိမ် ဖတ်ရုံမျှနှင့် ကဗျာ၏ဆိုလိုချက်ကို အပြည့်အစုံ မသိမြင်နိုင်။ ထို့ကြောင့် ကဗျာကို အကြိမ်ကြိမ်ဖတ်ပါ။ ဖတ်သည်နှင့်အမျှ ဆိုလိုချက်တို့ ထင်ရှားပေါ်လွင်လာလိမ့်မည်။
၂။ ။ စာဆိုတို့သည် စကားလုံးတို့ကို တိတိကျကျ ကျစ်ကျစ် လစ်လစ် သုံးတတ်သည်။ သို့သော်လည်း ထိုစကားလုံးတို့သည် ဟောရိုးဟောစဉ် အနက်ထက် ပိုလွန်၍ ဟောတတ်သည်။ ထို့ကြောင့် အဘိဓါန်ကိုဖြစ်စေ ခက်ဆစ်အဖြေကိုဖြစ်စေ တတ်အားသမျှ လေ့လာပါ။
၃။ ။ အခွင့်သာလျှင် ကဗျာကို အသံထွက်၍ ဖတ်ပါ။ အခွင့်မသာလျှင် မိမိစိတ်က ကြားရလောက်အောင် နှုတ်ခမ်းလှုပ်၍ ဖတ်ပါ။ ကဗျာတွင် စီကုံးထားသော စကားလုံးတို့၏ အသံသည် ကဗျာ၏ အဓိပ္ပါယ်ကို ပိုမိုပေါ်လွင်စေနိုင်သည်။ တတ်နိုင်လျှင် အနေအသံထားနှင့် ဌာန်ကရိုဏ်းကျအောင် ဖတ်ပါ။ ကဗျာ့အရသာကို ပို၍ တွေ့ရပါလိမ့်မည်။
၎။ ။ ကဗျာတို့တွင် ကာရန် အခံအအုပ် အချိတ်အဆက်တို့ ရှိသည်။ ပါဒ အဖြတ်အတောက် အရပ်အနားတို့ ရှိသည်။ ယင်းတို့ကို ရှာဖွေလေ့လာ၍ ယင်းတို့ ပေါ်လွင်အောင် ကဗျာကို ဖတ်ရွတ်ပါ။ ကာရန်ကို နားလည်၍ အဖြတ်အတောက် အရပ်အနားကို သဘောပေါက်လျှင် ကဗျာ၏ အဓိပ္ပါယ်ကို ထူးချွန် သိမြင်နိုင်သည်။
၅။ ။ ကဗျာတွင် ကာယကံရှင် တယောက်သော်လည်းကောင်း၊ အများသော် လည်းကောင်း ပါရှိသည်။ စာဆိုသည် ကာယကံရှင်ကို ပြထားသည်လည်းရှိသည်။ ဖျောက်ထားသည်လည်း ရှိသည်။ ဖျောက်ထားလျှင် ဆိုင်ရာ ကြိယာတို့ကိုကြည့်၍ ကာယကံရှင်ကို ဖော်ထုတ်ပါ။ ကာယကံရှင်သည် ငါလား၊ သူလား၊ သင်လား။ ငါဆိုလျှင် ကျွန်တော်လား၊ ကျွန်မလား စသည်ကို ဖော်ပါ။ သူဆိုလျှင် သက်ရှိလား၊ သက်မဲ့လား၊ ယောက်ျားလား၊ မိန်းမလား စသည်ကို ဖော်ပါ။ သင်ဆိုလျှင် ရှင်လား၊ ခင်ဗျားလား စသည်ကို ဖော်ပါ။ ဥပမာ မသာလည်းတ၊ သာလည်းတ၊ ဖိုးလငွေသော်တာ ဆိုရာဝယ် ကာယကံရှင် မည်သူနည်း။ လူသားတို့ဖြစ်သည်။ ထို့ကြောင့် လူသားတို့သည် ဖိုးလမင်းကို မသာလည်း တကြသည်။ သာလည်း တကြသည်ဟု သိရသည်။ လုပ်အားတန်ဖိုး၊ ချစ်မြတ်နိုးဟူ၍ ဆရာက တပည့်များကို ဆုံးမရာတွင် ကာယကံရှင် မည်သူနည်း။ တပည့်တို့ ဖြစ်သည်။ ထို့ကြောင့် အသင်တပည့်တို့သည် လုပ်အားတန်ဖိုးကို ချစ်မြတ်နိုးကြရမည် ဟူ၍ ဆုံးမသည်ဟု သိရသည်။ ဝါဆိုဝါခေါင် ရေတွေကြီးလို့၊ သပြေသီးမှည့် ကောက်စို့ကွယ် ဆိုရာတွင် ကာယကံရှင် မည်သူနည်း။ ငါတို့ဖြစ်သည်။ ငါတို့ သပြေသီး သွားကောက်ကြစို့ ဟူ၍ အဖော်ညှိသည်ဟု သိရသည်။
၆။ ။ ကဗျာနှင့် သက်ဆိုင်ရာ ကာလကို မှန်းဆကြည့်ပါ။ နေ့လား၊ ညလား၊ မည်သည့်လ၊ မည်သည့်နှစ်၊ မည်သည့်ခေတ်လဲ။ ကဗျာနှင့် သက်ဆိုင်ရာ ဒေသကိုလည်း မှန်းဆကြည့်ပါ။ အိမ်တွင်းလား၊ အိမ်ပြင်လား၊ မြို့ပြလား၊ ကျေးရွာလား။ ကာလဒေသကို မှန်းဆနိုင်လျှင် ကဗျာ၏အဓိပ္ပါယ် ပိုမို ထင်ရှား ကျယ်ပြန့်လာလိမ့်မည်။
၇။ ။ ကဗျာ၏ အရင်းခံအကြောင်းသည် အလယ်နည်း။ ဝါကျတကြောင်းလောက်နှင့် ဖော်ကြည့်ပါ။
၈။ ။ ကဗျာကို လွယ်ကူသော စကားတို့ဖြင့် တိကျရှင်းလင်းစွာ စကားပြေပြန်ကြည့်ပါ။ ကဗျာတွင်ပါသည့် အရေးကြီးသော စိတ်ကူးကို မကြွင်းကျန်ရစ်ရအောင် သတိပြုပါ။ စကားပြေပြန်ရာတွင် သွယ်သွယ်ဝိုက်ဝိုက် ရေးဖွဲ့ထားသော အဆိုအမိန့်တို့ကို စကားရိုးဖြင့် ပြန်ရေးပါ။ ဥပမာ တရားစည်ကြီး ရိုက်တီးဆော်ရွမ်းတော်မူ၏ဟု ရှိသည်ကို ဘုရားသခင်သည် တရား ဟောတော်မူ၏ဟု ပြန်ရေးပါ။ ရူပကအလင်္ကာတို့ကိုလည်း ဥပမာအလင်္ကာ လုပ်ယူပါ။ ဥပမာ၊ လောကဇာတ်ခုံဟု ရှိသည်ကို ဇာတ်ခုံနှင့်တူသော လောကဟုပြန်ရေးပါ။ စကားပြေ ရေးခြင်းသည် ကဗျာ၏အဓိပ္ပါယ်ကို သိနိုင်အောင် တနည်းတလမ်း အားထုတ်ခြင်းမျှ ဖြစ်သည်။ ကဗျာအတွက် အစားထိုးခြင်း မဟုတ်သည်ကို သတိပြုပါ။
၉။ ။ ကဗျာတပုဒ်၏ အဓိပ္ပါယ်ကို သဘောပေါက်ပုံ အရသာကို ခံစားရပုံတို့သည် လူတဦးနှင့်တဦး မတူနိုင်။ နှစ်ကို သုံးနှင့်မြှောက်လျှင် ခြောက်ဖြစ်သည်ဟု ဆရာက သင်ပြသောအခါ ဆရာသင်ပြသည့်အတိုင်း တမျိုးတစားတည်း တပည့်တို့နားလည်ကြသည်။ ဤသို့လည်း ဆရာက နားလည်စေလိုသည်။ သို့သော် ကဗျာကို ပို့ချသောအခါတွင် တပည့်တဦးနှင့် တဦးသည် ကဗျာ၏စကားပြေကို အတူတူနားလည်နိုင်မည် ဖြစ်သော်လည်း ကဗျာ၏အဓိပ္ပါယ်ကိုကား မိမိတို့၏ စွမ်းအားအလျှောက် အမျိုးမျိုး သဘောပေါက်ကြလိမ့်မည်။ အရသာကိုလည်း အမျိုးမျိုး ခံစားရလိမ့်မည်။ ဤသို့ အမျိုးမျိုးသဘောပေါက်သည်ကို လည်းကောင်း၊ အရသာခံစားရသည်ကို လည်းကောင်း ဆရာတို့က အားပေးရာသည်။ ချွတ်ချော် တိမ်းယိမ်းနေလျှင် တည့်မတ်ပေးရမည်။ အစီအစဉ်မသင့်လျှင် ပြုပြင်ပေးရမည်။ မပြည့်စုံလျှင် ဖြည့်စွက်ပေးရမည်။ မိမိ သဘောပေါက်သည်နှင့် မတူသဖြင့် မိမိခံစားမိသည်နှင့် မတူသဖြင့် တပည့်အား အပြစ်မဆိုရာ။ သင့်လျှော်အောင် ခေါင်းဆောင် လမ်းပြမှုကိုသာ ပြုရာသည်။

အထက်ပါ အလင်္ကာနည်း၊ လေ့လာနည်းတို့ဖြင့် ကဗျာကိုသင်ကြားပို့ချပေးလျှင် တပည့်တို့သည် စာဆိုကဲ့သို့ပင် စွမ်းအားအလျှောက် မျက်စိရှင်လာကြလိမ့်မည်၊ နားပါးလာကြလိမ့်မည်၊ အတွေးကြွယ်လာကြလိမ့်မည်၊ အပြောတတ်လာကြလိမ့်မည် ဟူ၍ ကဗျာ သင်ကြားပို့ချသော ဆရာတို့အား မှာကြားလိုက်ပါသတည်း။ ။

ဆက်ဖတ်မယ်ဆိုရင် ...

Friday, February 8, 2008

လွမ်းလို့ရေးတဲ့ ကဗျာ (၁)

မိုးလင်းတိုင်း .
မိုးချုပ်တိုင်း . .
အချိန်တိုင်း . . .
မင်းရှိခဲ့တဲ့နေရာတွေ
မင်းအပြုံးတွေ
မင်း . . . မင်း စကားသံတွေ


. . . . .
အဲဒါတွေနဲ့ ဝေး . . . ဝေးသွားတာလေ ။

ကဲ . . . အခု ငါလွမ်းနေတယ်
ကခဲ့တဲပြဇာတ်မှာ
လူကြမ်းလို့တော့
ဇာတ်နာအောင် မဖွဲ့ပါနဲ့ ဇာတ်ဆရာရေ ။

အချစ်သူရဲကောင်းလား
မိုက်လုံးအရမ်းကြီးတဲ့ကောင်လား
ငါ . . . ဘာမှ မကြားချင်တော့ပါ
ကန့်လန့်ကာ မချခင်တော့
နေ၀င် လထွက်
ငါမတ်မတ်ရပ်နိုင်ဖို့
လက်တစ်ဖက်လောက် ကမ်းပေးပါ ။


ဆက်ဖတ်မယ်ဆိုရင် ...