Saturday, August 30, 2008

for a Moment


ခဏလောက်ဖြစ်ဖြစ်ပေါ့။

ဒီရက်ပိုင်းမှာ ကျွန်တော့်စိတ်ကိုကျွန်တော် မထိန်းသိမ်းနိုင် ဖြစ်စရာလေးတွေ တွေ့ကြုံနေရတယ်။ ကိုယ့်ကိုကိုယ် ပြန်စီစစ်စရာလေးတွေ ရှိလာတယ်။ စိတ်ရှုပ်စရာတွေလည်း လုပ်နေရတယ်။ အဲဒီတော့ ခဏလောက်ဖြစ်ဖြစ် ကျွန်တော် စိတ်အစာပြေ ရှောင်ပုန်းချင်လာတယ်။ ဒီအချိန်မျိုးမှာ ဒီစာလေးကိုတော့ ငါဖတ်အုံးမှဆိုပြီး စာတစ်ပုဒ် ဖတ်နေမိပါတယ်။ ဘလော့ဂ်လေးကိုလည်း သတိတွေအရမ်းရနေတော့ အခုကျွန်တော် ဖတ်နေတဲ့ စာလေးမှာ ကျွန်တော်ကိုယ်တိုင် သဘောကျမိလို့ မျဉ်းသားမိတာလေးတွေကို ပြန်ဝေမျှလိုက်တယ်။ စာတစ်ပုဒ်လုံးမပေးမိလို့ တောင်းပန်တယ်။ ဖတ်မိပြီးသားသူတွေက စိတ်ဆိုးမိကြမှာပါ။ ဘာလို့လည်းဆိုတော့ ဒီစာက တစ်ပုဒ်လုံးဖတ်မှ ပိုလို့တန်ဖိုးရှိတာကိုး။ ဒါပေမဲ့ ကျွန်တော်ကတော့ ကျွန်တော်ကြိုက်တာလေးတွေကိုပဲ ဖော်ပြလိုက်တယ်။ ဒီအထဲကနေ တွေးစရာ၊ စိတ်ကျေနပ်စရာ တစ်ခုလောက် ဖတ်မိသူတွေ ရသွားတယ်ဆိုရင်ပဲ ကျေနပ်ပါပြီ။



“အကျိုးရှိအချိန်”

သဘာဝတရားက လူတွေအပေါ် တန်းတူညီမျှ အတူတူထားတာတစ်ခု ရှိတယ်ဆိုရင် အဲဒါ အချိန်ပါပဲ။

ဖြုန်းပစ်တဲ့ အချိန်တွေက အသက်ရှင်ဖို့သက်သက်သာ။ အသုံးချတဲ့ အချိန်တွေကတော့ ဘဝ။

အချိန်ကိုအသုံးချပုံဟာ ကံကြမ္မာပဲ။

လောကကြီးမှာ နေရတဲ့အခိုက်အတန့် အချိန်ကို ဘယ်လိုကုန်စေမလဲဆိုတဲ့ ပြဿနာဟာ လူတစ်ယောက်ချင်းစီရဲ့ အရေးကြီးဆုံး ပြဿနာ။

ဘာရလာဒ်မှ မမျှော်မှန်းဘဲ အလိုက်သင့်အလျားသင့် အချိန်ကုန်သွားတဲ့ လူတွေလည်း ရှိပါတယ်။

အကျိုးရှိအချိန်ဆိုတာ ကြုံသလိုကျသလို ကုန်တဲ့ ဝေလေလေ အချိန်တွေ မပါပါဘူး။

ကိုယ့်ဘဝ ဘယ်ကိုသွားနေသလဲ။ ကိုယ်ဘာကို လိုချင်သလဲ။ ကိုယ်တန်ဖိုးထားတာက ဘာလဲဆိုတာတွေကို မသိရင် အချိန်ကို အကျိုးကျိုးရှိရှိ သုံးရာရောက်မှာ မဟုတ်ဘူး။

“Know Thyself - ကိုယ့်ကိုကိုယ်သိပါ။”

လူဟာ သူ့ကိုယ်သူ မရှာဖွေပဲနဲ့ ပတ်ဝန်းကျင် အခြေအနေရဲ့ လှုံ့ဆော်ချက်တွေအတိုင်း လှုပ်ရှားနေတာလို့ ဆိုပါတယ်။

ခင်ဗျားရဲ့စိတ်ထဲမှာ နောက်ဆုံး လှုပ်ခတ်သွားလောက်အောင် ဖြစ်ခဲ့တာ ဘယ်တုန်းက၊ ဘယ်နေရာမှာ၊ ဘယ်လိုဖြစ်ခဲ့သလဲ။

ကိုယ့်အလုပ်နဲ့ မပက်သက်ပေမဲ့ ကိုယ်ဘယ်နေရာမှာ တော်သလဲဆိုတာ ပြန်ကြည့်ရင် ကိုယ့်ကိုကိုယ် ပြန်တွေ့နိုင်ပါတယ်။

ငါ ဘာစိတ်ကူးလေ့ရှိသလဲဆိုတာကို ပြန်ကြည့်ခြင်းအားဖြင့်လည်း မိမိရဲ့ ငါကို တွေ့ရပါလိမ့်မယ်။

မိမိရဲ့ စိတ်သဘာဝ ရင်ထဲက သဘာဝလေးတွေကို ဖော်ထုတ်ကြည့်သလိုပဲ ကိုယ့်မှာရှိနေတဲ့ တန်ဖိုးတွေ အသိစိတ်တွေကိုလည်း ဖော်ထုတ်ကြည့်တတ်ဖို့ လိုပါလိမ့်မယ်။

ကိုယ့်ကိုကိုယ် သေကြည့်ဖို့ အကြံပေးထားဖူးပါတယ်။ အဲဒီအခါမှာ ဘဝဟာ ဘယ်လိုနေထိုင်မှ၊ ဘယ်လိုကျင့်ကြံမှ၊ ဘယ်လိုဆောင်ရွက်မှ အဓိပ္ပါယ်ရှိတယ်ဆိုတဲ့ တန်ဖိုးတွေကို တွေ့ရှိလာပါလိမ့်မယ်တဲ့။

“ငါ” ကို သစ္စာရှိဖို့ လိုပါလိမ့်မယ်။

အချိန်ကို စီမံခန့်ခွဲမှုကတော့ “ပထမအလုပ်ကို ပထမလုပ်”ဆိုတဲ့ စကားလေးပါပဲ။

“ပထမအလုပ်” ဆိုတာကလည်း မိမိ အကျိုးရှိရာရှိကြောင်း ပထမထားတဲ့ ကိစ္စရပ်ဖြစ်ကြတဲ့အတွက် တစ်သီးပုဂ္ဂလကိစ္စ ဖြစ်ပါတယ်။

ငါ့ကိုယ်ငါမသိရင် ငါ့ရဲ့ ပထမအလုပ်ဆိုတာကို သိမှာမဟုတ်ပါဘူး။

အချိန်ကို စီမံခန့်ခွဲတော့မယ်ဆိုရင် အခြေခံအကျဆုံး ပထမအချက်ကတော့ “မိမိကိုယ်ကို မိမိ သစ္စာရှိရေး” ဖြစ်ပါတယ်။

အဲဒီလို ပြဌာန်းခြင်းဟာ “ခေါင်းဆောင်မှု”ရဲ့ သဘောပါ။ အဲဒီအလုပ်တွေကို ပြီးမြောက်အောင် ဆောင်ရွက်ခြင်းဟာ “စီမံခန့်ခွဲမှု”ရဲ့ သဘောပါ။

အရေးကြီးတယ်ဆိုတာကတော့ များသောအားဖြင့် ရလာဒ်နဲ့ နွယ်နေတဲ့ ကိစ္စတွေဖြစ်ပါတယ်။

လူအတော်များများဟာ အရေးကြီးတာနဲ့ အရေးမကြီးတာကို ခွဲခြားမသိဘဲနဲ့ ချက်ချင်းအလျင်စလို လုပ်ရမယ်ဆိုတာကိုပဲ တုံ့ပြန်နေတတ်ကြပါသတဲ့။

အကျိုးရှိ အချိန်ရဲ့ အဓိက အသည်းနှလုံးဟာ အလျင်စလို လုပ်ဖို့မလိုပါဘူး။ ဒါပေမဲ့ အရေးကြီးတယ်။

ထိထိရောက်ရောက် စွမ်းဆောင်နိုင်တဲ့ ပုဂ္ဂိုလ်တွေဟာ ပြဿနာ အာရုံစိုက်တဲ့ ပုဂ္ဂိုလ်တွေ မဟုတ်ကြပါဘူးတဲ့။ သူတို့ဟာ အခွင့်အလမ်းရှာနေတဲ့ ပုဂ္ဂိုလ်တွေသာ ဖြစ်ပါသတဲ့။

တကယ်လို့ နေ့စဉ်နေ့တိုင်း မှန်မှန်လုပ်ခဲ့လို့ရှိရင် ခင်ဗျားရဲ့ ပုဂ္ဂိုလ်ရေးဆိုင်ရာဘဝမှာ ထူးထူးခြားခြား အပြောင်းလဲကြီး ပြောင်းလဲနိုင်တဲ့ အလုပ်ဟာ ဘာအလုပ်ပါလဲ။

နေ့တိုင်းသာ လုပ်သွားနိုင်ရင် ခင်ဗျားရဲ့ အသက်မွေးဝမ်းကြောင်းဘဝမှာ ထူးထူးခြားခြား အပြောင်းအလဲကြီး ဖြစ်စေနိုင်တဲ့အလုပ်ဟာ ဘာအလုပ်ပါလဲ။

အဲဒီအလုပ်ဟာ များသောအားဖြင့် ချက်ချင်းထ အလျင်စလိုလုပ်ဖို့ မလိုအပ်ပါဘူး။ ဒါပေမဲ့ အရေးကြီးပါတယ်။

ဘဝရဲ့ ကိစ္စတချို့ကို ငြင်းရဲတဲ့ သတ္တိ ကျွန်တော်တို့မှာရှိဖို့ လိုပါတယ်။

ခွင်တစ်ခွင်မှာ အောင်မြင်တာနဲ့ တခြားတစ်ခွင်မှာ ကျဆုံးသမျှကို အစားထိုးရနိုင်တယ်လို့ လူတော်တော်များများက ထင်တတ်ကြပါတယ်။ တကယ်ရော ဟုတ်ပါရဲ့လား။

တကယ့် ထိထိရောက်ရောက်ဘဝမှာ နေမယ်ဆိုရင်တော့ ခွင်တိုင်း ဟန်ချက်ထိမ်းထားနိုင်ဖို့ လိုမှာပေါ့။
*************************************************************

ကျွန်တော်ဖတ်မိသမျှထဲက ကြိုက်တာလေးတွေကို ပြန်ဝေမျှတာပါပဲ။ အားလုံးသော စကားစုလေးတွေမှာ ကျွန်တော်ကကြိုက်ဆုံးကတော့ “အချိန်ကို အသုံးချပုံဟာ ကံကြမ္မာပဲ” ဆိုတဲ့ စကားစုလေးပါပဲ။ စာကိုးကတော့ ဆရာတင်မောင်သန်းရဲ့ အကျိုးရှိအချိန်ဆိုတဲ့ ဆောင်းပါးလေးပါ။ မုံရွေးကနေ ဆရာ့ဆောင်းပါးတွေ စုပြီးထုတ်ထားတဲ့ စာအုပ်လေးကနေ ဖတ်လိုက်ရတာပါ။

အကျိုးရှိအချိန်တွေနဲ့ ကျွန်တော့်ရဲ့ ကံကြမ္မာတို့ကို ကျွန်တော်လွမ်းနေရတယ်။ စိတ်မတည်ငြိမ်စရာ အဖြစ်အပျက်လေးတွေရှိနေလို့ ကျွန်တော် ခဏတော့ ပျောက်နေမယ်ဗျာ။ အရိုးဆုံး ဝန်ခံရရင် E-Journal လေးကို ခုကတည်းက လွမ်းနေပါပြီ။ သူ့သက်တမ်းလေးလည်း တနှစ်ပြည့်တော့မှာပါ။ October 14, 2007 မှာ ပိုစ့်တစ်ခုနဲ့ စတင်ခဲ့တာကိုး။ တနှစ်ပြည့်မတိုင်ခင်တော့ ကျွန်တော်ပြန်လာနိုင်အောင် ကြိုးစားမယ်။

ကျွန်တော်မရှိသော်လည်း အတူတူ ရေးဖော်၊ ရေးဖက်တွေ ဆက်လက်လို့ ရှင်သန်ပေးစေချင်ပါတယ်။ ဆက်လက် အသက်ဆက်ပေးနေဖို့ တောင်းလည်း တောင်းဆိုပါတယ်။ တခြားသူတွေ အလည်လာအောင် ကိုယ်တိုင်လည်း အလည်သွားရင်း မိတ်ဆက်ပေးမှလည်း ပျော်စရာပါ။ အချိန်ပေးနိုင်သလောက် သွားလည်ပေးကြပါ။ ပြုပြင်စရာတွေ ရှိလာမယ်ဆိုရင်လည်း အတူတကွ ကောင်းမယ်ထင်တာသာ လုပ်ကြပါ။ ကိုတာတူးနဲ့ ကိုကေဇက်တို့က အားလုံးပြုပြင်နိုင်တဲ့သူတွေပါ။

အားလုံး ဆက်လက်လို့ ပျော်ရွှင်စွာ ဘလော့ဂ်ဂင်းနိုင်ကြပါစေ။

သုခမိန်။…..။

7 comments:

ဇနိ said...

ကိုသု
စိတ်တွေ အဆင်ပြေပါစေဗျာ။

Anonymous said...

ဖုဋ္ဌဿ လောကဓမ္မေဟိ စိတ္တံ ယဿ နကမ္ပတိ အသောကံ ဝိရဇံ ခေမံ ဧတံ မင်္ဂလ မုတ္တမံ ဆိုတဲ့ မင်္ဂလာ အပေါင်းနှင့် ပြည့်စုံအောင် ယောနိသောမနဿီကာရ - သင့်တင့်လျောက်ပတ်သော စိတ်နှလုံးသွင်းလျက်
အတ္တသမ္မာ ပဏိဓီစ - မိမိကိုယ်ကို ကောင်းစွာ စောင့်ရှောက်နိုင်ပါစေ
“အပ္ပမာဒေန သမ္မာဒေထ”

ရွက်ဝါ said...

ကိုသုခမိန် ...
ဘာတွေဖြစ်နေလို့လည်းဗျာ။ အရမ်းလျို့ဝှက်အပ်တဲ့ ပြဿနာတွေမဟုတ်ရင် ဘလော့ဖတ်ပရိတ်သတ်ကြီးကို မိတ်ဆွေရင်းခြာတွေလို သဘောလားပြီး ရင်ဖွင့်လိုက်ပါလား။ ပေါ့သွားတာပေါ့။

ခုလိုနုတ်ဆက်သွားတာတော့ စိတ်မကောင်းဘူးဗျာ။ အစစ အဆင်ပြေပြီး မြန်မြန်ပြန်လာနိုင်ပါစေလို့ ဆုတောင်းပါတယ်။

မသက်ဇင် said...

ဟိုး တုံးက သူငယ်ချင်းတွေခွဲတော့မယ်ဆိုရင် အမြဲ ပြောနေကြ စကားတခွန်း ရှိတယ်။
လွမ်းစရာလေးတွေတော့ ဖြစ်နေပြီတဲ့
သိပ်စိတ်ညစ်နေရင် အကြံတခုပေးချင်တယ်
ဆယ်ကျော်သက် တုံး က ပေါ့ စိတ် သိပ် ညစ် ရင် လူနေအိမ်ခြေ ဝေးတဲ့ လယ်ကွင်း ထဲသွားပြီး တအား အော် လိုက်တယ်၊ စိတ် ညစ်တာတွေပျောက်သွားတယ်။လုပ်ကြည့်လေ။

တာတူး(၀ါ) အမေ့ခံလူတစ်ယောက် said...

ကိုဗာဘိုရေ ခုလို တန်ဖိုးရှိတဲ့ စာစုလေးတွေ ဝေမျှပေးတာ ကျေးဇူးပါ။
ကျနော့် အတွက်တော့ ကျောင်းတုံးက ခင်ဗျားစာအုပ်သေတာ ကို မွှေရချိန်လေးကို ပြန်လွမ်းမိတယ်။
ကျနော်က စာထဲက ငါအတွက် ဘာရမလဲလို့ ဖတ်တဲ့လူ။ ခင်ဗျားက စာကို သေချာ ဂရုတစိုက် ဖတ်တဲ့လူ။
ကျနော့ အတွက်တော့ ခင်ဗျား စာအုပ်လေးတွေ ဖတ်ရင် အချိန်အရမ်း မပေးရပဲ လိုရာကို မြန်မြန်ရောက်တယ် ။
ခုလည်း တန်ဖိုးရှိတာလေးတွေ ရသွားပြန်ပြီ ။ ကျေးဇူးတကယ်တင်ပါတယ်ဗျာ။

ဘာတွေဖြစ်နေလို့ ရှူပ်နေတုံး ကိုဗာဘို ။ ညစ်နေရင်တော့ ပျော်အောင်နေပါဗျာ။
ထွက်ပေါက်ရှာတဲ့ အနေနဲ့ ခရီးသွားလိုက် ။ အခု ၀န်းကျင်ကနေ ခဏခွာကြည့်လိုက်ပါ။
တာဝန်ဆိုတာတွေ စဉ်းစားမနေပါနဲ့ ။ လူဆိုတာ ကိုယ့်ကိုယ်ကို ပိုင်တယ်လေဗျာ ။
တကယ်တော့ လူ့ဘ၀ဆိုတာ တိုတိုလေးပါ ။
ပျော်ရွှင် အဆင်ပြေပါစေဗျာ ။

မယ် said...

ကိုတားမြစ်ရေ....
တစ်ခုခုတော့ပြောချင်နေတယ်...
ဒါပေမဲ့ဘာပြောရမယ်မသိဖြစ်နေတယ်....
ကိုယ်ကောစိတ်ကောကျန်းမာပါစေ...အဆင်ပြေပါစေ.....

တန်ခူး said...

ခဏဆိုတာ ၁ ရက်လား ၂ရက်လား ၁လလား ၂လလား… ဒါလေးတော့ ပြောခဲ့ဦးလေ…ဒါမှ မျှော်ရသူတွေ စိတ်မမောမှာပေါ့ ကိုသုခမိန်ရေ…