Friday, January 9, 2009

အမေရဲ့ သမီးများအတွက် မွေးနေ့လက်ဆောင်ကဗျာ


ဒီနေ့ ၂၀၀၉ ခုနှစ်၊ ဇန်နဝါရီလ (၉)ရက်နေ့ဟာ ကျနော့်ရဲ့ အစ်မလတ်၊အစ်မရည်လေးရဲ့ အသက်(၃၀) ပြည့်မွေးနေ့မင်္ဂလာပါ။ ကျနော်ရေးခဲ့တဲ့ “ကျောက်သင်ပုန်းကြီးပေါ်က မွေးနေ့လက်ဆောင်ကဗျာ”ကို မွေးနေ့အထိမ်းအမှတ်အဖြစ် (ဒီနေ့မှာ မအားမှာစိုးလို့)ကြိုကြိုတင်တင် တင်ထားခဲ့တာပါ။ အခုတော့ အချိန်အားလေးတွေ ထွက်လာတာကြောင့် အစ်မရည်လေးအတွက် အမေ့ရဲ့ မွေးနေ့လက်ဆောင် ကဗျာလေးတစ်ပုဒ်ကို ထပ်မံ မျှဝေပေးပါရစေ။



သမီးဝတ်ရည် ၊ မွေးနေ့ဆီမှ
ရှည်ကြာသမျှ ၊ သင့်ဘဝမှာ
မြင့်ကြာရေထက် ၊ ဂုဏ်သိန်တက်၍
မျိုးဆက်ကောင်းကျိုး ၊ သင်သယ်ပိုးရင်း
တိုးဝေသာသနာ ၊ ဆောင်နိုင်ပါစေ ။
ပညာပြည့်ဝ ၊ နှလုံးလှ၍
အားကျတုယူ ၊ မြင်သူတကာ
ချစ်ကြင်နာလျက် ၊ ဝေဖြာအလှ
ပိုင်ဆိုင်ရစေ ၊ တောင်းဆုခြွေ ။

(ရည်လေးအတွက်)
မေမေ
၉.၁.၀၆

တစ်ဆက်တည်းမှာပဲ ကျနော်တုိ့ရဲ့ အမိအရာ ထိုက်တန်လှစွာသော အစ်မကြီး(အစ်မရည်ဖွေး)ရဲ့ မွေးနေ့တစ်ခုမှာ အမေရေးပေးခဲ့တဲ့ မွေးနေ့လက်ဆောင်ကဗျာလေးကိုပါ မျှဝေပေးပါရစေ။ ဒါဟာ ကမ္ဘာပေါ်မှာ ရှိရှိသမျှ အမေတိုင်း နဲ့ သားသမီးတွေကြားက ချစ်ခြင်မေတ္တာတရားကို ဖော်ကြားလိုခြင်းလည်းဖြစ်ပါတယ်။


သုံးဆယ်တစ်လျော့ ၊ မငယ်တော့ပြီ
ရာသီအေးအေး ၊ နှင်းဖွေးဖွေးဝယ်
မွေးသည့်ရင်နှစ် ၊ သမီးချစ်သည်
ဖြစ်တည်ဘဝ ၊ မြင့်မားလှစေ
ဧမြငြိမ်းချမ်း ၊ နှင်းဆမ်းပန်းနှယ်
ဝင့်ထည်တောက်ကြွား ၊ များအကျိုးဆောင်
ရန်ပေါင်းအောင်လျက် ၊ အသက်ရာထောင် ရှည်ပါစေ ။

(ဖွေးအတွက်)
မေမေ
၎.၁၂.၀၅

အဖေက အမေ့ကို ရွှေအိုးကြီး(၄)လုံး လက်ဆောင်ပေးထားတာကြောင့် အမေဟာ တစ်နှစ်ကို အနည်းဆုံး ကဗျာ(၄)ပုဒ်တော့ ပုံမှန်ရေးဖြစ်ပါတယ်။ ညီလေး နဲ့ ကျနော့်အတွက် ကဗျာလေးတွေကိုတော့ မွေးနေ့ဆုတောင်းသားတို့ရုပ်ရည် (သို့) အမေရေးတဲ့ ကျနော့်ပုံတူသားကြီးမွေးနေ့နှင့် မိခင်ဆန္ဒ စသဖြင့် မျှဝေထားပြီးဖြစ်ပါတယ်။

ကျနော်ဟာ ဒီအမေရဲ့သားဖြစ်ရတာ တစ်ခုတည်းနဲ့တင် ဒီကမ္ဘာတွင် ပျော်ရွှင်ဖို့ လုံလောက်နေသူဖြစ်ပါကြောင်း ထပ်လောင်းပြောပါရစေ။


3 comments:

အလင်းစေတမန် said...

ပျော်ပျော်နေသေခဲ ဆိုတဲ့ သူပေါ့လေ။ ပျော်ပါ ပျော်ပါ။

ခေါင်ခေါင် said...

အမေ့ရဲ့ သမီးတစ်ယောက်လာဖတ်သွားပါတယ်.. ကောင်းပါတယ် ရှင်

Anonymous said...

အကုန်ဖတ်ပြီးသွားပြီဗျ အလွန်ကောင်း၏