မိုးအုပ်နေ၍ ကြယ်တွေတောင်မရှိ။ ပုရစ်အော်သံများကို နားထောင်လျက် အမည်မသိငှက်များ တွေဝေမှိန်းမောလျက်။ ဓနိမိုးထားသော တဲအိမ်တစ်လုံး၏အထဲ မှိန်ဖျော့ဖျော့ မီးရောင် နဲ့ အတူ လူသားနှစ်ဦး ။ အဖိုးအိုတစ်ဦး၊ အသက် နှစ်ဆယ်ကျော်ကျော် ကောင်လေးတစ်ယောက်။ အဖိုးအမြေး။ တဲအပြင်မှ လေရိုင်းတို့ သည် ဦးတည်ရာမဲ့တိုက်ခတ်နေတုန်း။ ကောင်လေးသည် အဖိုးအိုကို ပုံပြင်တစ်ပုဒ်ပြောပြဖို့ ပူဆာနေ လေသည်။
“ဟိုး……..ရှေးတုန်းက တိုင်းပြည်တစ်ခုမှာ ဘုရင်ကြီးတစ်ပါးအုပ်ချုပ်မင်း
လုပ်နေသတဲ့။ ဘုရင်ကြီးဟာ တိုင်းပြည်ဖွံ့ ဖြိုးတိုးတက်ရေးကို စိတ်ဝင်
မစားပဲ သူ၏အာဏာတည်မြဲရေး၊ သူ့ မိသားစု ဆွေမျိုးတိုးတက်ကြီးပွား
ရေးကိုသာ လုပ်ဆောင်နေသတဲ့။ ဒါကြောင့်သူ့ တိုင်းပြည်ဟာ မွဲသထက်
မွဲလာပြီး သူ့ အသိုင်းအ၀ိုင်းသာ ချမ်းသာနေကြသတဲ့။ တိုင်းပြည်အတွင်း
မှာလည်း တရားဥပဒေစည်းမျဉ်းတွေ အပေါ်ကျော်လွန်ပြီး လာဘ်
ပေးလာဘ်ယူမှုတွေ၊ ကြီးနိုင်ငယ်ညှင်းမှုတွေ၊ သြဇာအာဏာတွေ
သာ လွမ်းမိုးနေသတဲ့။ ပြီးတော့ သဘာဝဘေးအန္တရာယ်တွေဖြစ်လာ
ရင်လည်းဘုရင်ကြီးက သိပ်ဂရုမစိုက်ပါဘူးသတဲ့။ လွတ်လပ်မှု၊တရား
မျှတမှုကိုလိုလားတဲ့သူတွေဟာ ဆန္ဒတွေထုတ်ဖော်ကြ၊ အခွင့်အရေး
တွေတောင်းဆိုကြသတဲ့။ ဒီလိုဖြစ်လာရင် ဘုရင်ကြီးဟာစစ်တပ်နဲ့ 
နိုမ်နှင်းပစ်လေ့ရှိသတဲ့။ ဒီလိုနဲ့ တိုင်းသူပြည်သားတွေဟာ ဘုရင်
ကြီးကိုမုန်းလာကြသတဲ့။ ဒါပေမဲ့ မုန်းသာမုန်းနေရတယ် ဘာမှမတတ်
နိုင်ကြဘူးတဲ့။ ဘုရင်ကြီးဟာ သူသဘောသူလုပ်၊ တိုင်းသူပြည်သား
တွေဟာ မွဲသထက်မွဲလာဆိုတော့ ပုန်ကန်မှုတွေ ဖြစ်လာပါရောတဲ့။
ဒီလိုဖြစ်လာရင်လည်းဘုရင်ကြီးဟာ ရက်ရက်စက်စက် စစ်တပ်အားကိုး
နဲ့ တိုက်ခိုက်နိုမ်နှင်းလေ့ရှိသတဲ့။
ဒီလိုဖြစ်ပျက်နေတဲ့ အချိန်တွင်းမှာပဲ့ တိုင်းပြည်အတွင်း၌ အထူး
လူသိများကျော်ကြားသော ဖြောင့်မတ်မှန်ကန်သည့် သူငယ်ချင်းနှစ်
ဦးရှိနေသတဲ့။ မောင်ဖြူနဲ့မောင်နီလို့ ခေါ်သတဲ့။ မောင်ဖြူဟာ
တိုင်းပြည်အတွင်း တရားဥပဒေ စိုးမိုးရေး၊ လူတိုင်းသာတူညီမျှအခွင့်
အရေးရရေး၊ ပြည်သူပြည်သားတိုင်း ဆင်းရဲခြင်းမှလွတ်ကင်းရေး
ဆိုသည့်အချက်တွေကို ဟောပြောလျက် ပြည်သူလူထုကို စည်းရုံး
ဟောပြော၍ ဘုရင်ကြီးဆီ ငြိမ်းချမ်းစွာ ဆန္ဒပြ အခွင့်အရေးတွေ
တောင်းဆိုနေသတဲ့။ မောင်နီကား ဘုရင်ကြီး အပိုင်စားပေးထား
သော ရွာကြီးတစ်ရွာ၌ ရွာသူကြီးဖြစ်နေသတဲ့။ ရွာသူကြီးဆိုသည့်
ဂုဏ်ပုဒ်နဲ့ အညီ ဘုရင်ကြီးပေးထားသည့်အာဏာကို အသုံးချပြီး
သူ၏ရပ်ရွာကောင်းကျိုး၊ပြည်သူလူထုအကျိုးကို စွမ်းစွမ်းတမံ
အားထုတ်လုပ်ဆောင်ပေးနေသတဲ့။ မောင်ဖြူရဲ့ လုပ်ဆောင်မှုတွေ
ကိုလည်းဘုရင်ကြီးမသိအောင် ထောက်ပံ့ပေးနေသတဲ့။ ဒီလိုနဲ့ 
မောင်ဖြူနဲ့ မောင်နီဟာ လူထု၏အနာဂတ်အတွက် မရှိမဖြစ်
သားကောင်းတွေဖြစ်နေသတဲ့။
တနေ့ တော့ …ဘုရင်ကြီးသည် မောင်နီ၏ အိမ်သို့ သူ၏
စစ်တပ်နဲ့ အတူ ရောက်ရှိလာသတဲ့ ။ ပြီးတော့ မောင်နီကို
တာဝန်တစ်ခုပေးသတဲ့ ။
အဖိုးအိုသည် ငြိမ်သက်စွာနားထောင်နေသော ကောင်လေး
ကို အကဲခတ်ကြည့်လိုက်လေ၏။ ကောင်လေး၏နဘေးမှ
ရေနွေးကြမ်းအိုးလေးသည် ကောင်လေးနဲ့ အတူ ငြိမ်သက်လျက်။
အဖိုးအိုသည် ဆက်ပြောလေသည်။
ဘုရင်ကြီးက မောင်နီကို ……….မေးသတဲ့။
ဘုရင်ကြီး= မောင်မင်း မောင်နီ မင်းဟာ ငါကျွေးတဲ့ ထမင်းကို
စားနေရတဲ့ သူမဟုတ်လား။
မောင်နီ = ဟုတ်ပါတယ်အရှင်။
ဘုရင်ကြီး = မောင်နီ မင်းဟာ ငါချီးမြှောက်ထားတဲ့ ရွာသူကြီး
မဟုတ်လား။
မောင်နီ =ဟုတ်ပါတယ်အရှင်။
ဘုရင်ကြီး =ဒါဆိုငါပေးသည့်တာဝန်ကို ကျေပွန်အောင်ထမ်း
ဆောင်ရမည်မဟုတ်လား။
မောင်နီ = ထမ်းဆောင်ပါမည်အရှင်။ အမိန့် ရှိပါ။
ဘုရင်ကြီး = မင်းသူငယ်ချင်း မောင်ဖြူရဲ့ ခေါင်းကိုငါလိုချင်သည်။
မင်းသတ်ပေးရမည်။ အကယ်၍ ငါပေးသည့်တာဝန်ကို
မင်းကျေပွန်အောင် မထမ်းရွက်နိုင်ခဲ့လျင် ပထမဦးစွာမင်း
မိသားစုနဲ့ တစ်ကွ မင်းရဲ့ ဆွေခုနှစ်ဆင့်၊ မျိုးခုနှစ်ဆင့်ကို မင်း
ရှေ့ မှာတင် သတ်ရလိမ့်မယ်။ ပြီးတော့မင်းရဲ့ ရွာသူရွာသားနဲ့ 
တကွ မင်းရွာကြီးကိုပါ မီးလောင်တိုက်သွင်းရလိမ့်မယ်
လို့ ဆိုသတဲ့။ မောင်ဖြူသည် လူထု၏ခေါင်းဆောင်၊ လူထု၏အနာ
ဂတ်ကို ဦးဆောင်လမ်းပြပေးနေသူ၊ ပုံဖော်ပေးဖို့ ကြိုးစားနေသူ။
မောင်နီသည် မောင်ဖြူကို ထောက်ပံ့နေသူ။ သူတို့ နှစ်ယောက်
စလုံးသည် ညီမျှနေသောချိန်ခွင်တစ်ခု။ သူတို့ နှစ်ယောက်စလုံးသည်
အမှန်တရားကို ချစ်မြတ်နိုးသူ။
“ကဲ…ဘယ်လိုလဲ………..ကောင်လေး………”
အဖိုးအိုသည် ကောင်လေးကို မေးလေ၏။
“ မောင်ဖြူကို မင်းသတ်ခဲ့မယ်ဆိုရင် မင်းဟာ လူထု၏ ရန်သူ
ဖြစ်ရလိမ့်မယ်။ လူထု၏အနာဂတ်ကို ဖရိုဖရဲဖြစ်အောင်လုပ်သူ
ဖြစ်လိမ့်မယ်။ လူထု၏ ပယ်ခြင်းကို ခံရလိမ့်မယ်။
မင်းဟာ မောင်နီကို မသတ်ဘူးဆိုရင်လည်း ပထမ မင်းရဲ့
မိသားစုနဲ့ အတူ ဆွေခုနှစ်ဆင့်မျိုးခုနှစ်ဆင့်ကို မင်းရှေ့ မှာ
သတ်တာကိုမြင်ရလိမ့်မယ်။ ပြီးတော့ တစ်ရွာလုံးမီးလောင်
တိုက်သွင်းတာကို မြင်ရမယ်။ ပြီးနောက်မင်းလည်းသေရမယ်။
ကဲ….ကောင်လေး…ဘယ်လိုလဲ…….
ထမင်းတစ်လုပ်နဲ့အမှန်တရားဆိုတဲ့ ဂုဏ်ကိုလှဲမလား။
ဒါမှမဟုတ်…..ထမင်းတစ်လုပ်ကိုယူမလား။
ဒါမှမဟုတ်…အမှန်တရားဆိုတဲ့ ဂုဏ်ကို ယူမလား။
ကောင်လေး…..
အဖြေပေးဦး……….”
???????????????????????????????????????
////////////////////////////////////////////////
No comments:
Post a Comment