မစူးစမ်း မဆင်ခြင်သောယုန်သူငယ်

ရှေးရှေးတုန်းက တောမြိုင်လယ်
ယုန်ကလေးတစ်ကောင် ရှိပါတယ်
မြေပြိုမှာတကယ် ကြောက်တတ်သေး
အသည်းငယ်တဲ့ ယုန်ကလေး
အမှန်မတွေး အဖြေမရှာ
ဝုန်းခနဲမြည်သံ ကြားသောအခါ
မြေပြိုပါပြီ ကြောက်လို့ရှဲ
မစူးစမ်းတဲ့ ယုန်သူငယ်ပဲ

ဝက် စိုင် ကျွဲ နွား ကြံ့ ကျား ဆင်
ငှက်အများနဲ့ သားသမင်
ယုန်ကလေးနောက်တွင် တစီတတန်း
ပြေးကြ ရှောင်ကြ မစူးမစမ်း
မောမောပန်းပန်း ကိုရွှေယုန်
ခြင်္သေ့ကြီးနဲ့ တွေ့လို့ကြုံ
ဖြစ်ပုံ ပျက်ပုံ အကြောင်းစုံအား
ယုန်ကလေးက ရှင်းပြောကြား
လက်တွေ့သမား ခြင်္သေ့သည်
ယုန်ပြောသမျှ မယုံကြည်
ဖြစ်ပျက်တဲ့ဆီ သွားလို့ကြည့်
ယုန်ကလေးကို ခေါ်ခဲ့၏
ဥသျှစ်ကြွေသည့် နေရာမှာ
ထန်းလက် တစ်လက် ရှိခဲ့ရာ
ဝုန်းခနဲသာ မြည်လို့ဟည်း
ယုန်ကလေး လန့်တဲ့ အသံကြီး
စကတည်းက လေ့လာလျှင်
ယုန်ကလေးလည်း အမှန်ကိုမြင်
ခုလို မဆင်ခြင် မစူးစမ်းတော့
အများဒုက္ခ ပိုသည်ပေါ့
မှတ်လော့ သားလော့ လောကနယ်
ပုံပြင်ထဲက ယုန်ကလေးနှယ်
အရာရာဝယ် မစူးစမ်းက
ဒုက္ခ မုချ တွေ့မည်ပါ့။..........။

ဆွေသန်း


မြေးကလေးများဖြစ်ကြသော “မငြိမ်းသီရိဟန်”၊ “မချိုဆုသီ” တို့နှင့်တကွ ကလေးတိုင်းအတွက် အမှတ်တရ ...အဖြစ် ကလေးတွေ ပျော်ပျော်ရွှင်ရွှင် ရွတ်ကြ၊ ဆိုကြဖို့ ရည်ရွယ်စပ်ဆိုထားတဲ့ ဆရာဆွေသန်း (ဆရာကြီးဦသန်းဆွေ - မြို့နယ်ပညာရေးမှူးငြိမ်း - ပခုက္ကူမြို့) ရဲ့ “သမီးလေးရဲ့မနက်ခင်း” ကလေးကဗျာများ မှ ကဗျာတစ်ပုဒ်ဖြစ်ပါတယ်။ ဆရာကြီး၏သားဖြစ်သူ၊ မချိုဆုသီရဲ့ဖေဖေ ကိုသီဟဆွေထံမှ ခွင့်ပြုချက်တောင်းခံပြီး ပြန်လည်မျှဝေခြင်းဖြစ်ပါသည်။ မြန်မာကလေးများအားလုံး(သို့) မြန်မာ့အနာဂတ်တစ်ခုလုံးသို့ ရည်ရွယ်ပါသည်။ သူတို့လေးတွေဆီ တကယ်ရောက်ဖို့ ထောက်ပံ့ကူညီ လက်ဆင့်ကမ်းမျှဝေပေးကြမည်ဟု ယုံကြည်ပါသည်။

စိတ်စေတနာ အမြော်အမြင်ကြီးမားစွာ စပ်ဆိုပေးသော ဆရာကြီးကို အမှူးထားလျက်၊ မြန်မာကလေးများအားလုံးကို သူတို့ရင်သွေးလေးတွေပမာ ထပ်တူထားကာ ဝေမျှခွင့်ပေးလာသော ဆရာကြီး၏မိသားစုနှင့်တကွ လိုရာရောက်အောင် ဝိုင်းဝန်းကူညီ ထပ်ဆင့်ဝေမျှ ပို့ဆောင်ပေးကြသူများကို မြန်မာကလေးများအားလုံးရဲ့ကိုယ်စား (မြန်မာ့ကလေးစာပေရဲ့ကိုယ်စား) ကျေးဇူးစကား ဆိုပါသည်။


မာရေးသျှင်