သိမ်းထားတဲ့ကဗျာ (၂)

ကျနော့်မိတ်ဆွေ အစာအိမ်အူအတက်ပေါက်လို့ ခွဲထားရတယ်ဆိုတာ လွန်ခဲ့တဲ့ တနင်္ဂနွေနေ့က သိခွင့်ရပါတယ်။ ကျနော်စိတ်မကောင်းပါ။ အဲဒီအခါ ဟိုး..... လွန်ခဲ့တဲ့ (၁၂)နှစ်ကျော်က သူ အစာအိမ်ရောဂါစဖြစ်စဉ်မှာ သူစိတ်သက်သာရာသက်သာကြောင်း သူ့ကိုရေးပေးခဲ့ဖူးတဲ့ကဗျာလေးကို သတိရလာပါတယ်။ တစ်ဆက်တည်းမှာပဲ ဆယ်စုနှစ်တစ်ခုစာ မမေ့မပျောက်ရှိနေသေးတဲ့ ကဗျာလေးကို E-Journalမှာ သိမ်းထားဖို့ စိတ်ကူးရလာကာ အခု အကောင်အထည်ဖော်လိုက်တာပါ။ နောင် ရာစုနှစ်တစ်ခုစာ အဓွန့်ရှည်ကြာသော် ရှည်ကြာငြား ..... ကျနော့်မိတ်ဆွေအား အမှတ်တရအဖြစ်ပေါ့ခင်မျာ။

.
ထိုစဉ်က ခေါင်းစဉ်မပေးခဲ့သော ကဗျာကို ယခုအခါလည်း အမည်မတပ်ဘဲ ဆက်လက်သိမ်းထားခွင့်ပြုပါ။

စာအိမ်ရောဂါ

ဝင်လာနှောင့်ယှက်

စိတ်ပျက်လူ့ဘောင်

ဝတ်ကြောင်ကိုစွန့်

အဓွန့်ရှည်ကြာ

သာသနာအတွက်

ထမ်းရွက်သယ်ပိုး

ဖန်ဆိုးသင်္ကန်း

ဆင်မြန်းတော့မည်

တိမ်သည်မှဖြတ်

မိုက်ဇာက်ကိုရှင်း

မဂ်လင်းဖိုလ်ဉာဏ်

နိဗ္ဗာန်မျက်မှောက်

ဆိုက်ရောက်စေကြောင်း

ဆုတောင်းပန်ထွာ

ပြုကာသုံးသပ်

ဆုံးဖြတ်တဲ့အခါ

ညစာမွန်းလွဲ

စားလည်းမဖြစ်

အနှစ်ရတနာ

မြင်သာပေမယ့်

ဝါလဲ့သင်္ကန်း

ဆင်မြန်းမရဲ

လူထဲမှာပဲပျော်တော့မယ်။..........။

မာရေးသျှင်
14.1.1997(TUE)